Nýtt í fataskápnum: Skyrtufíkill!

Annað DressFashionLífið MittMeðgangaNýtt í FataskápnumShop

Það er fátt sem ég á meira af í fataskápnum en skyrtur. Ég get bara lítið gert af öllum þessum kaupum ég bara elska skyrtur. Ég vel mér þá helst síðar skyrtur, ég elska að geta bara skellt mér í þægilega skyrtu á morgnanna við t.d. sokkabuxur og flotta skó eða jafnvel bara góðar buxur. Minn stíll er mjög klassískur og einfaldur og eins og ég hef sagt í mörgum viðtölum þá einkennist hann af skyrtum en ein slík bættist við í safnið í gær….

skyrtufíkill

Skyrtan blasti við mér þegar ég var í vinnunni í Vero Moda í gær, ég var að labba inní búð og ákvað að labba í gegnum Selected og þá sá ég glitta í þetta skemmtilega munstur. Þegar ég tók flíkina af slánni sá ég að þarna var eitt af mínum uppáhalds skyrtu sniðum frá merkinu en ég á held ég alla vega sömu skyrtu í þremur öðrum printum en ég fæ bara alls ekki nóg – HÉR sjáið þið t.d. eina þeirra.

skyrtufíkill4

Skyrtan er bara á svo góðu verði 12.990kr og ég get ekki sagt ykkur hvað ég nota skyrturnar sem ég á fyrir mikið því ég hef ekki tölu á þeim. Það besta sem ég veeit er að þær eru svo ágætlega settlegar og smart og passa því auðveldlega við svo mörg tilefni. Ég á bara skyrtur í dökkum printum svo ég ákvað að kaupa mér eina hvíta með þessi skemmtilega kassalaga marmaramunstri. Er maður ekki alveg í tískunni núna í marmaraskyrtu ;)

skyrtufíkill3

Mig langaði líka lúmskt að sýna ykkur kúluna eins og hún var í gær en hún var alveg huges en ég var einmitt að skrifa um það um daginn eða í síðustu dressfærslu hvað ég skildi ekkert hvað væri í gangi með hvað hún breytist með hverjum deginum sem líður – stækkar og minnkar eftir sinni hentisemi.

skyrtufíkill2 copy

Ég mæli að sjálfsögðu líka með þessari gersemi fyrir allar óléttar konur ég er bara í minni stærð nr. 38 og hún passar bara virkilega vel. Svo verður frábært að nota þessa á brjóstagjafatímabilinu, bara hneppa aðeins niður vera í gjafahaldara eða kjól innan undir og þá verður þetta lítið mál. Ég var einmitt að hugsa um það um daginn að ég þyrfti nú að fara í gegnum fataskápinn og passa vel uppá þær flíkur sem reyndust mér vel í brjóstagjöfinni síðast en þá kemur sér vel að eiga fjórar svona fínar skyrtur!

Þessi er í dressi dagsins :)

EH

Draumadressið*

Á ÓskalistanumAnnað DressFashionLífið MittShop

Ég skellti mér í smá ferð um Smáralindina í gær ásamt einkasyninum sem skemmti sér konunglega á meðan móðir hans mátaði föt. Ferð mín lá að sjálfsögðu í aðra af tveimur uppáhalds verslununum þessa stundina Selected. Þar mátaði ég sannkallað draumadress sem ég þarf mjög nauðsynlega á að halda þegar ég fer erlendis í lok mánaðarins.

Þetta er skyrta og buxur úr léttu efni með skemmtilegu og líflegu munstri sem er í einum lit framan á og öðrum aftan á.

Ég er alveg sjúk í þetta dress….

selecteddress4 selecteddress5 selecteddress selecteddress6 selecteddress2

Flíkurnar fönguðu athygli mína um leið og ég labbaði inn í verslunina og ég labbaði framhjá öllum útsöluvörunum greip skyrtu og buxur í minni stærð, fékk lánaða háa hæla og upplifði mig svo sem sjúklega mikla skvísu!

Hvað segið þið um þetta dress – eruð þið sammála mér með að þetta sé flott eða manninum mínum sem var ekki hrifinn, ekki það að ég hafi átt von á því ;)

Þetta er efst á óskalistanum og þetta verður mitt. Ég hef eina reglu þegar kemur að fatakaupum, ég máta og spekulera ef mér líst vel á flíkurnar fæ ég að taka þær frá þar til daginn eftir. Ef ég get ekki hætt að hugsa um flíkurnar fer ég og kaupi þær. Mér finnst þetta mjög góða regla og hún hefur sparað mér mikið af óþarfa fatakaupum.

Ég get ekki hætt að hugsa um þetta dress svo það verður að verða mitt.

EH