Við mamma og Aron áttum virkilega notalegan sunnudag í miðjum prófalestri hjá mér, en við skelltum okkur í brunch á Vox og svo í Marshall húsið sem opnaði nýlega. Þetta hús er eitt stórt listaverk og ég heillaðist svakalega af því. Nýlistasafnið, Kling og Bang og Ólafur Elíasson eru með sýningaraðstöðu í húsinu en þar að auki er veitingastaður á neðstu hæðinni sem ég er mjög spennt að prófa.
Ég var á svo miklu stússi alla helgina að ég settist varla niður heima hjá mér. Það gafst því lítill tími til fataskipta sem skipti þó engu máli þar sem ég var í þægilegu Andreu-outfitti – svona líður mér vel:
Buxur: Zara
Leðurjakki: Urban Renewal úr Urban Outfitters
Skyrta: Monki
Skór: Adidas Tubular Runner
Taska: Louis Vuitton
Sólgleraugu: Ray Ban
Buxurnar sem ég er í eru mínar allra uppáhalds buxur. Ég klæddist þeim upphaflega í myndatöku fyrir 5 árum og stuttu eftir það fann ég þær loksins í Zöru. Ég er alltaf að leita mér að öðrum uppáhalds buxum í svipuðum stíl en hef ekki ennþá fundið jafn þægilegar og flottar buxur. Leitin heldur áfram.
Skóna hef ég ofnotað síðan ég keypti mér þá í Köben í lok síðasta árs. Strákarnir í Húrra Reykjavík voru að fá skóna í karlastærðum í mjög takmörkuðu upplagi þannig að ef einhver töffari er að lesa þessa færslu þá mæli ég 100% með þessum skóm!
Ég fór svo í Húrra Reykjavík að skoða guðdómlegu sólgleraugun frá HAN KJØBENHAVN – ég sýni ykkur fleiri týpur í sér færslu.
Fallegasta kona í heimi. Á Kaffihúsi Vesturbæjar – okkar hverfiskaffihúsi.
Þið munið kannski eftir færslunni um fataslárnar sem ég setti inn í haust, sjá HÉR ? Dagurinn í dag fór í allsherjar þrif og fyrst ég var búin að taka öll fötin af slánum mátti ég til með að smella einni mynd af þeim í leiðinni. Slárnar lét ég smíða sérstaklega fyrir mig hér í Verona, herðatrén keypti ég í Zara Home, snagana fékk ég íH. Skjalm P. í Köben og er útkoman þessi. Ég vildi hafa þetta í smá svona “industrial” fíling og eru báðar slárnar 165 cm að lengd. Fatasláin á efri myndunum er í svefnherberginu okkar og þessi neðri er frammi í forstofu, eins og kannski sést. Ég er afskaplega ánægð með þetta nýja fyrirkomulag og hefur skipulagið í fataskápunum batnað til muna. Að auki er talsvert skemmtilegra að velja sér föt á morgnanna því fötin njóta sín betur og úrvalið virðist meira :-)
Að lokum fær nýja fína hjólið að fylgja með. Emil átti að fá þetta hjól í afmælisgjöf ( sjá hér ) en stundum gerast hlutirnir alltof hægt hérna á Ítalíu, já eða bara gerast hreinlega ekki, og því varð þessi afmælisgjöf að jólagjöf. En fínt er hjólið og eiginlega svo flott að ég vil helst hafa það bara í stofunni – þar sem það stendur ákkúrat núna :-)
Eitt af stærri trendum þessa tímabils eru stórir og áberandi eyrnalokka. Trendið kom af pöllum Parísar fyrir haustlínur hátískunnar þar sem Louis Vuitton og Céline létu áberandi eyrnalokka í eitt eyra á fyrirsætur sínar. Það bjó til heildarlúkkið fyrir hönnuðina á sínum tíma og náði strax athygli fjöldans. Síðan þá hafa lokkarnir verið áberandi í helstu tískuþáttum og á mörgum forsíðum stærstu blaðanna.
Louis Vuitton AW14
Céline AW14
Eyrnalokkar sem ná niður á axlir og eru notaðir einungis í eitt eyra. Trend sem mér finnst tilvalið að tileinka sér í desembermánuði – jólaglamúr.
Ofan á flottheitin og allt það, þá felst líka sparnaður í því að þurfa bara einn í eyra. Vinkonur, deilið kaupunum.
Nýjasta herferð Louis Vuitton, Spirit of Travevl, vakti athygli mína sem er ástæða þess að ég deili henni með ykkur.
Ljósmyndarinn Peter Lindbergh tók myndirnar í Suður Afríku nýlega. Súpermódelin Edie Vampbell og Karen Elson sitja fyrir merkið ásamt dásamlegum aukaleikurum.
Í fyrstu tók ég ekki eftir töskunum sem eiga að vera aðal númerið í herferðinni en það er ekki að undra innan um þessi krúttlegu dýr – gullfallegar fyrirsætur.
Fyrrverandi ritstýra Vogue,Carine Roitfeld, sá um stíliseringuna sem er auðvitað til fyrirmyndar.
Finnst ekki öllum stelpum gaman að sjá hvað leynist í snyrtitöskunni ? Svona lítur mín út þessa dagana:
1.Terra Ora frá Guerlain Contrast highlighter sem gefur fallegan ljóma á húðina 2.Estée Lauder DayWear Plus, litað dagkrem sem hentar vel dags daglega 3.VERSAGE CRYSTAL NOIR ilmvatn – dásamleg lykt. 4.Ella Night – strákarnir elska víst þessa! 5.MAC Face & Body farði fyrir fínni tilefni 6.OPI naglalakk í litnum At First Sight 7.NARS Laguna Bronzing Powder 8.NARS gloss í litnum ORGASM 9.NARS kinnalitur í litnum SIN 10.MAC 11.Creme Cup varalitur 12. Maskari frá Lavera
Eins og ég hef áður talað um að þá var COS að opna hér í miðborg Verona mér til mikillar ánægju. Ég hafði aldrei áður farið inn í þá búð en hafði einungis heyrt um hana t.d hér á Trendnet og var því mjög spennt fyrir þessari nýju opnun. Heimasíðan þeirra er ekkert rosalega flott að mínu mati og því miklu skemmtilegra að sjá fötin “live”. Ég mæli auk þess með því að þið mátið fötin áður en þið kaupið þau því stærðirnar eru mjög stórar. Ég tók t.d 34 í þessum kápum en ég tek venjulega 36.
Það kom mér á óvart hvað flíkurnar eru í góðum gæðum og á mjög fínu verði miðað við hversu góð fötin eru. Ég átti einmitt samtal við glæsilega konu um daginn sem á og rekur fataverksmiðju hérna í Verona og hún vildi meina að COS væri með lang bestu gæðin af þeim mainstreem búðum sem eru í gangi og er ég hjartanlega sammála henni.
Báðar kápurnar hér að ofan kosta u.þ.b 200 evrur og eru algjörlega hverrar krónu virði. Efnið í þeim er svo flott og þær munu vafalaust koma að góðum notum á köldum ítölskum vetrardögum en veturnir hér í Verona eru frekar kaldir, ólíkt því sem margir halda :-)
Föstudagsblómin eru svo á sínum stað en þessi sem er búinn að vera sárlasinn alla vikuna fékk að setja þau í vasann í þetta skiptið ( og sulla með vatnið í blómavasanum í leiðinni ).
Nicolas Chesquiére yfirtekur hlutverk Marc Jacobs sem listrænn stjórnandi hátískuhússins Louis Vuitton. En Jacobs kom öllum á óvart í síðustu viku þegar að tilkynnt var að hann myndi hætta og einbeita sér að öðrum verkefnum.
Fyrir ykkur sem að ekki vitið þá var mikil sorg þegar að Nicolas hætti hjáBalenciagaí nóvember í fyrra eftir 15 ára farsælan starfstíma. Ég held því að Chesquiére gæti ekki verið betri arftaki í þetta hlutverk – með mikla reynslu á bakinu.
Af því að það er hann sem að tekur við, þá er ég með háar væntingar. Það verður aldeilis gaman að fylgjast með framhaldinu hjá nýja yfirhönnuðinum!
Góðvinur minn, Marc Jacobs, mun hætta starfi sínu sem listrænn stjórnandi hjá Louis Vuitton. Marc hefur starfað fyrir vörumerkið frá árinu 1997, en fréttin kom í kjölfar sýningar LV á Paris Fashion Week. Ástæðuna segir Marc vera að hans eigin fyrirtæki sé á leiðinni á markað og hann muni einbeita sér að því. Á þessum 13 árum hefur LV orðið að einu stærsta og áhrifamesta vörumerkinu í heimi tískunnar og því verður hans líklega saknað.
Slúðrið segir að Nicholas Ghesquiere, fyrverandi listrænn stjórnandi hjá Balenciaga, muni taka við starfinu af Marc.
Á myndunum gengur hann LV pallinn í síðasta skiptið. Fyrir klukkutíma síðan þegar að þetta er skrifað.
En ég fékk myndirnar að láni frá Instagram.
Ólafur Elíasson 
