Óskalisti fyrir heimilið..

HEIMILISVÖRURWANTED

Ég hef ótrúlega mikinn áhuga á öllu sem viðkemur heimilinu.. en mér þykir ekkert meira heillandi en júník heimili þar sem persónulegur stíll skín í gegn. Skemmtilegast finnst mér að kaupa hluti sem sjást ekki víða… og svo finnst mér gaman að taka smá áhættu. Ég tek ekki endilega áhættu í öll kaupum en ég er gígantískur sökker fyrir “POP out” hönnunarvörum sem og öðrum “no name” vörum í bland.

Að skoða óskalista annarra finnst mér mjög skemmtilegt.. það er bara eitthvað skemmtilegt að pæla í stíl annarra og fá hugmyndir. En hér er minn óskalisti þessa stundina. Margt á honum mætti vera á talsvert ákjósanlegra verði fyrir budduna… ehemm… (“.).

1. Poca Vase frá LSA International. Þessi myndi tóna ótrúlega vel inn til mín.. sérstaklega með rauðu eucalyptus greinunum sem ég keypti í sumar (sjá hér). Vasinn fæst hér.
2. Globo lampinn frá Jonathan Adler. Hann kom út í fyrra eða hittiðfyrra.. en um leið og ég sá hann koma inn á síðuna féll ég fyrir honum – hvað þá þegar ég sá hann með berum augum í búðinni. Hann er ennþá fallegri en myndin gefur til kynna. Fæst hér.
3. Brass Atlas Box frá Jonathan Adler. Þið þurfið að skoða myndirnar á síðunni en höfuðið opnast og þá koma þrjár skálar í ljós. Ég elska höfuðstyttur og þessi má alveg verða mín. Fæst hér.
4. Fornasetti kerti. Krukkurnar eða glösin utan um kertin eru eitthvað annað, en ég hef ekki hugmynd um hvort lyktin af þeim sé góð. Fást hér.
5. Diptyque Diffuser. Ég hef haft augastað á þessu ilmglasi sem er eins og stundarglas í laginu. Ilmglasið virkar líka eins og stundarglas, maður einfaldlega snýr því við til að virkja það í eina klukkustund. Svo má fylla á það líka… jiiiiii, mér finnst það hrikalega flott. Fæst hér.
6. Tom Dixon Bump Vase.. þessi er mjög flottur.. og bleikur (frekar líkur einum frá AYTM sem mig langar líka í).

Jæja… hef þetta ekki lengra að þessu sinni. Ég er búin að dúllast í þessu í of langan tíma!

Snapchat: karenlind
Instagram: kaarenlind

… fullkomnun

HEIMILIÐ MITTHÖNNUN

No joke.. it’s puurfect!

Kerti og nóg af þeim.. það er ég. Ég á svo mörg kerti að ég þurfti að gefa þeim heila hillu í eldhússkápnum. En ekkert kerti getur toppað þetta sem ég fékk í vikunni (lyktin er líka sööömþin’ else). Ég mætti alveg eyða peningnum í skynsamari hluti en kerti í orlofinu, en þegar kertaskálin lýsir upp hið svartasta skammdegi og veitir manni yfirborðskennda hamingju í tvo daga… þá er þetta í lagi. Ég er auðvitað að ýkja aðeins en bah, hjálp – f a l l e g t. Svo var blómavasinn líka búin að röfla í mér út í eitt.. að biðja um systkini og ég ákvað að gefa undan. Nú er bræðurnir orðnir tveir (sjá hér). Meðvirk og ljúf móðir sem ég er.

Ég henti Jónatan ofan á Kim.. ég hef fengið nokkra gesti í heimsókn sem hafa klórað sér í hausnum og velt því fyrir sér af hverju ég vilji eiga þessa bók. Samt kíkja allir í hana – og allir eiga það sameiginlegt að staldra sérstaklega við á svörtu blaðsíðunum. Mér finnst þetta skemmtilega grilluð bók (sem ég tengi þó sérstaklega lítið við) en það er gaman að hafa hana á borðinu.. ætli ég kaupi ekki líka seinni útgáfuna sem kom út fyrir einhverjum mánuðum?


Hógvært jólaskraut í ár

FYLGIHLUTIR

Jólin eru í uppáhaldi hjá mér en þessi jólin skreytti ég svo lítið að ég sló persónulegt met. Davíð var búinn að taka upp jólaskrautið.. en mér fannst of mikið að vera með jólaskraut ofan í alla óreiðuna sem fylgdi framkvæmdunum svo jólaskrautskassinn fór aftur niður með öllu dótinu í að sjálfsögðu :) Það er búið að vera of mikil óreiða í langan tíma að mér fannst eitthvað extra óþægilegt að bæta jólaskrauti ofan á allt.. hógværðin varð því fyrir valinu og það var mjög þægilegt. Svo getur vel verið að smekkur okkar sé að breytast.. við vorum alveg æst í jólaskraut á sínum tíma en núna finnst mér voðalega kósí að hafa þetta einfalt. Mér finnst til dæmis alveg nóg að hafa fallega skreytt jólatré og seríur í gluggum…

screen-shot-2016-12-31-at-11-35-47-am screen-shot-2016-12-31-at-11-36-07-am

Hér er allt jólaskrautið.. haha… það var meira að segja allt á sama stað, á eyjunni í eldhúsinu. Ég reyndar setti nokkrar greinar í annan vasa – bara því ég átti fleiri greinar… og já, seríur í stofugluggana og svalahandriðið.

Þessi vasi, Dora Maar vasinn, er í miklu uppáhaldi hjá mér en hann keypti ég fyrr á árinu. Hann er frá Jonathan Adler sem er bandarískur hönnuður. Hann býr til svo fallega muni, þá sérstaklega postulínsvasana og postulínsfylgihlutina. Ég gaf vinkonu minni kerti frá honum í jólagjöf (sjá hér) en þau eru svo sniðug því skálina má endurnýta sem nammiskál eða eitthvað slíkt. Lyktin af kertinu er líka tryllt!

Eftir á að hyggja hefði ég viljað kaupa stærri týpuna af mínum vasa. Hann er jú mun dýrari og stærri, og hvorugt áðurtalinna var að vinna með mér þá stundina svo sá minni varð fyrir valinu. Ég var sko alls ekki að fara kaupa mér blómavasa, hvað þá að bera hann heim í handfarangri. Einn daginn eignast ég kannski stærri týpuna… :)

Dora Maar Vase lítill fæst hér
Dora Maar Vase stór fæst hér

Ég er enn að leita að hversdagsskrauti í vasann… ég fann ótrúlega fallegt skraut á amazon en hef ekki látið verða að því að panta það. En svo má hann líka alveg standa einn og sér.

karenlind1