DIMMT EN KÓSÝ

Heimili

Dálítið eins og veðrið út, dimmt en kósý. Dökkmáluð heimili njóta vinsælda um þessar mundir og það hefur færst í aukana að sjá dökkt þema sem nær þá yfir öll rými heimilisins en ekki bara t.d. svefnherbergi (eins og í mínu tilfelli…) Hér er stofan í fallegum ljósgráum lit, borðstofan í dökk grágrænum lit og eldhúsið brúnrautt og svart. Upplifunin verður allt önnur en væri hér allt hvítmálað, það verður allt dálítið meira elegant dökkmálað og síðan er sérstaklega smart þegar húsgögnin eru einnig valin út frá sömu litapallettu. Kannski ekki fyrir alla, en fallegt er það!

Myndir via Bolig Magasinet / Bjarni B. Jacobsen

Ég stefni svo á innlit í fallega verslun á Snapchat í vikunni – fylgist með.

FIMM DÖKKMÁLUÐ SVEFNHERBERGI

Svefnherbergi

Svefnherbergið er það rými sem er oft látið sitja á hakanum varðandi skreytingar heimilisins en engu að síður er mikilvægt að nostra við það. Hengja upp myndir, raða uppáhalds skarti og ilmkerti á bakka og hafa fallegt náttljós við rúmgaflinn gerir gæfumuninn og ég er viss um að við sofum betur fyrir vikið. Ég mæli líka með því að mála veggina í dökkum lit, það er dásamlegt.

Myndir via Pinterest

DÖKKMÁLUÐ BARNAHERBERGI

Barnaherbergi

Dökkmáluð barnaherbergi eru dásamleg og ég er alveg viss um að litlu krílin sofi extra vel í dökku rými. Ef þið smellið á myndirnar þá er hægt að skoða þær stærri sem ég mæli með að gera. Ég bætti vissulega saman við nokkrum myndum af veggfóðruðum barnaherbergjum sem eru ekki algeng þrátt fyrir að vera einstaklega falleg. Hann Bjartur minn á mjög bjart herbergi, hvítt og með einum myntugrænum vegg og öðrum doppóttum og þrátt fyrir að ég sé ólíklega að fara að mála það á næstunni er ég alveg heilluð af þessum myndum af dökkmáluðum herbergjum hér að neðan.

Myndir: Pinterest

Eitt fullkomið verkefni fyrir haustið er að mála, ég er alltaf að gæla við þá hugmynd án þess að koma henni í verk. Ef við værum í okkar eigin húsnæði væri ég líklega búin að mála alla veggi og loft líka:) Hversu falleg eru jú þessi herbergi!