Trendnet

Við í hljómsveitinni Young Karin, ásamt Hermigervli komum fram á Bumbershoot Festival í Seattle um seinustu mánaðarmót. Bumbershoot er tónlistar- og listahátíð sem hefur verið haldin á hverju ári síðan 1971 í miðbæ Seattle. Ég hef alltaf ferðast innan Evrópu þannig að þetta var í fyrsta skipti sem að ég heimsótti Ameríku – ég var mikið spennt. Tónleikarnir okkar gengu mjög vel og mér fannst frábært hvað það var mikið af fólki – bæði sem höfðu hlustað á EP plötuna okkar og fólk sem hafði ekkert endilega hlustað á tónlistina okkar, heldur mættu bara og vissu ekkert hverju var við að búast. Við sáum Wu-Tang clan og ég uppgötvaði nokkrar hljómsveitir sem ég fíla. Það var mikið af sætum mörkuðum á hátíðinni og ég nældi mér í nokkra skartgripi. Ég náði líka að kíkja í nokkrar búðir, en var aðallega að skoða. Því miður gat ég ekki tekið mikið af myndum þar sem myndavélin á símanum mínum á það til að bregðast mér en ég læt þessar duga. xx