Marta Rún

TRYLLT TACO SALAT

Fyrir 6 sem aðalréttur
8-10 sem forréttur

Ég er forfallin aðdáandi Chrissy Teigen og ég var ekki lengi að panta mér nýju matreiðslubókina hennar. Í henni eru mikið af réttum sem mig ætla að gera næstu vikurnar. Hér er ein uppskrift sem vakti strax áhuga minn þar sem ég er mikið fyrir taco og mexíkóskan mat. Dressingin er alveg ótrúlega góð og það varð nánast ekkert eftir af henni. Þetta salat er fullkomið í veislur og saumaklúbbana eða stórt matarboð

Salatdressing:

  • 170 ml olía
  • 60 ml tómatsósa
  • 60 ml rauðvínsedik (hvaða edik sem er virkar)
  • 1 msk sykur
  • ½ tsk cayenne pipar

Hakkblanda:

  • 500g nautahakk
  • 1 msk olía
  • 1 msk paprika (hér getið þið einnig notað tilbúna blöndu af tacokryddi)
  • 2 tsk cumin
  • 2 tsk hvítlauksduft
  • 2 tsk oregano
  • 1 tsk cayenne pipar
  • 400g svartar eða nýrnabaunir
  • 125 ml vatn
  • Lúka af söxuðum kóríander
  • Salt & pipar

Salat:

  • 2 ferskir maísstönglar eða frosnir og þá þiðnir.
  • 1 kálhaus
  • 2 tómatar
  • 1 avókadó
  • 50 g svartar ólífur
  • 120 g doritos snakk
  • 1 rauðlaukur
  • Sýrður rjómi

Aðferð 

Salatdressingin:
Blandið öllum hráefnunum í skál og hrærið vel saman.

Hakkblandan:
Finnið til stóra pönnu og stillið á háan hita. Byrjið á því að steikja maísstönglana á öllum hliðum þangað til að þeir eru orðnir ljósbrúnir allan hringinn, um það bil 8 til 9 mínútur (ef þið eruð að nota frosna maísstöngla eru það um 6 mínútur) og setjið þá til hliðar.
Leyfið pönnunni aðeins að kólna niður í miðlungsháan hita og bætið þá við olíu og steikið hakkið í 5-6 mínútur eða þangað til mestallur vökvinn hefur gufað upp. Blandið öllum kryddunum saman í skál og bætið við í hakkið ásamt baununum og 125 ml. af vatni. Blandið vel saman og látið malla í aðrar 5 mínútur og svo að lokum bætið við kóríandernum.

Salatblandan:
Dreifið kálinu á stóran disk og hellið hakkblöndunni yfir miðjuna. Skerið maísinn af stönglinum og raðið yfir hakkið ásamt tómötunum, avókadóinu, lauknum og ólífunum. Hellið dressingu yfir allt salatið, kremjið doritos snakkið yfir og að lokum dreifið smá sýrðum rjóma á miðjuna. Stráið smá ferskum kóríander yfir í lokinn.

Verði ykkur að góðu !
Marta Rún

HALLÓ TRENDNET

Skrifa Innlegg

Skilaboð 1