fbpx

GUÐDÓMLEGUR FRANSKUR POTTRÉTTUR


Það er ekkert betra en góðir pottréttir á köldum vetrardögum. Franskir réttir eins og Coq Au Vin og Beef Bourguignon eru mjög frægir pottréttir. Ég rakst á uppskrift á dögunum þar sem ég sá franskan hvítvínspottrétt og púslaði þá saman nokkrum hugmyndum í frábæran rétt sem slóg í gegn í matarboði. Réttur sem mallar með öllu meðlæti og er algjört „comfort food“ eins og ég kýs að kalla það. Uppskriftin skiptist í tvennt, fyrst í súpugrunn og svo réttinn sjálfan.
Fyrir 4

Hráefni/súpugrunnur
20 g smjör
2 msk hveiti
2 msk mjólk
½ bolli kjúklingasoð
Klípa af salti
Klípa af þurrkuðu timían
Dass af hvítlauks eða laukdufti ef þið eigið það til.

Aðferð
Bræðið smjör í litlum potti á miðlungshita. Bætið við hveitinu og hrærið vel saman þangað til það er orðið af þykku kremi. Hellið mjólkinni útí og og hrærið vel saman þangað til það þetta er orðið að einhverskonar þykkni. Bætið þá kjúklingasoðinu við, salti, pipar og kryddum. Blandið vel saman og slökkvið svo undir hitanum og setjið til hliðar.

Hráefni pottréttur
1 tsk ólífuolía
6-8 kjúklingalæri eða blandaðir kjúklingabitar
2 hvítlauksgeirar
1 laukur
1 bolli þurrt hvítvín
1 bolli kjúklingasoð
1/3 bolli vatn
1 msk Dijon Sinnep
2 tsk hunang
3 gulrætur
500 g kartöflur
2 rósmarínstönglar
2 timíanstönglar

Aðferð
Hitið ofninn í 200°C. Finnið til stóran pott sem má fara inní ofn. Ef þú átt ekki svoleiðis getur þú notað stórt fat sem má fara inní ofn með loki. Steikið kjúklingalærin, látið skinnið snúa niður, í 3 mínútur, snúið svo við og steikið hina hliðina í 2 mínútur. Setjið á disk og geymið.

Bætið hvítlaukinum og lauknum í sama pott og steikið saman í tvær mínútur. Bætið síðan við hvítvíninu og látið malla í 3 mínútur. Bætið síðan við súpugrunninn sem þið bjugguð til, ½ lítra af vatni, kjúklingakrafti, sinnepi og hunangi. Hrærið þessu aðeins saman til þess að leysa upp sinnepið og bætið síðan við gulrótunum, kartöflum, rósmarín og timían og blandið saman.

Bætið kjúklingnum ofan í pottinn og setjið í ofninn með lokinu í 30 mínútur og aðrar 20 mínútur án þess að hafa lokið á. Leyfið réttinum síðan að standa í minnstakosti 5 mínútur áður hann er borinn fram.

Gott að er bera fram með góðu brauði til þess að dýfa í soðið og svo mæli ég alltaf með að bera fram með sama hvítvíni og þú notaðir í  réttinn.

Marta Rún

5 HRÁEFNA STEIKARSALAT

Skrifa Innlegg