fbpx

Hildur Rut

HEIT OSTAÍDÝFA MEÐ JALAPENO

FORRÉTTIR & LÉTTIR RÉTTIRSAMSTARFUPPSKRIFTIRVEISLUR

Ég gerði þessa ofur gómsætu ostaídýfu í samstarfi við Innnes en hún inniheldur Philadelphia rjómaost með graslauk, sýrðan rjóma, parmigiano reggiano, jalapeno og cheddar ost! Svakalega góð og passar sérlega vel með köldum drykk og tortillaflögum í sólinni eða sem snarl á kósýkvöldi með uppáhalds þættinum ykkar. Ég mæli með að bæta við jalapeno eftir smekk, fer eftir því hversu sterkt þið viljið hafa þetta. Svo er algjör snilld að setja ídýfuna á grillið í ferðalögum, þá er gott að nota steypujárnspönnu eða annað ílát sem má fara á grill.

200 g Philadelphia rjómaostur með graslauk
1½ dl sýrður rjómi
3 dl rifinn cheddar ostur
½ dl rifinn parmigiano reggiano
1 dl smátt skorinn jalapeno (eða minna ef þið viljið ekki sterkt)

Toppa með:
35 g smör
½ dl rifinn parmigiano reggiano
⅔ dl panko raspur
Steinselja smátt skorin

Tortillaflögur með ostabragði frá Maarud

Aðferð

  1. Blandið saman rjómaosti, sýrðum rjóma, cheddar osti, parmigiano og jalapeno. Dreifið blöndunni í eldfast mót eða steypu járnspönnu.
  2. Bræðið smjör í potti, bætið parmigiano og raspi saman við og hrærið vel saman.
  3. Dreifið raspinum yfir ídýfuna og bakið í ofni við 190°C á blæstri í 20 mínútur eða þar til ídýfan er orðin gyllt og stökk. Það er einnig mjög gott að grilla ídýfuna.
  4. Dreifið steinseljunni yfir í lokin og berið fram með tortillaflögum.

NJÓTIÐ DAGSINS & VERÐI YKKUR AÐ GÓÐU! :)

// HILDUR RUT

INSTAGRAM: @hildurrutingimars

FYLLTAR SÆTAR KARTÖFLUR MEÐ INDVERSKU ÍVAFI

Skrifa Innlegg