BÚKOLLUKAUP HELGARINNAR

BÚKOLLADRESSNYTJAMARKAÐURTÍSKA

Ég hef sagt ykkur áður frá nytjamarkaðnum Búkollu sem er í miklum metum hjá mér, sjá HÉR.  Á laugardaginn eins og svo marga aðra laugardaga var ég stödd í Búkollu með fangið fullt af góssi þegar Ingibjörg verslunarstjóri kemur fram með 66°Norður anorakk í höndunum. Ég bið hana vinsamlegast að stoppa, þessi flík færi ekki upp á neina slá heldur beint í fangið á mér með hinu góssinu.

Anorakkurinn hefur sennilega lítið sem aldrei verið notaður þar sem hann er eins og nýr, en ekki það að smá saumspretta hefði skipt máli þegar flíkin kostaði mig einungis 750 kr.!! Ég verslaði mér þennan anorakk, vintage peysu, pels og skó fyrir 2.350 kr… jú þið lásuð rétt 2.350 kr, sem er djók verð þar sem skórnir eru ónotaðir ennþá með miðanum á, pelsinn er lítið sem ekkert notaður eða kemur frá ástríðufullum eiganda sem hugsaði mega vel um hann og peysan, jú hún er notuð enda orðin ansi gömul en það sér þó ekki mikið á henni.

 

img_5712

Ég sýndi frá veru minni í Búkollu á Instagram stories og þar komu fyrir allar fíkurnar sem ég keypti, viðbrögðin létu ekki á sér standa og þið voruð ansi margar sem vilduð að ég færi með ykkur ferð í Búkollu og í leiðinni á antíkmarkaðinn sem ég fjallaði um HÉR, sumar ykkar stungu upp á hópferð. Það hljómar nú alls ekki illa.. viðskiptatækifæri jafnvel!

En að öllu gamni slepptu, þá er Búkolla snilld og þar leynist falin fjársjóður inn á milli.

img_5724

img_5703

Anorakkur – Búkolla / húfa – Tiger / buxur – Oroblu Must / skór – Gardenia Copenhagen, Kaupfélagið

Þið finnið mig á Instagram @hrefnadan.. ég er frekar virk þar! Instagram stories er að taka yfir hjá mér, ég sinni Snapchat orðið lítið sem ekkert eftir að ég byrjaði að nota það.. hentar mér bara betur.

 

HDan

DENIM OVERALL LOVER!

DRESSINNBLÁSTURTÍSKA

Ég er mjög hrifin af smekkbuxum. Smekkbuxur eru tegund af buxum sem móðir mín og flestar konur af hennar kynslóð létu einungis sjá sig í þegar þær báru barn undir belti. Raunin er þó önnur í dag þar sem þessar buxur eru bara eins og hverjar aðrar buxur sem þú klæðist án þess að vera svo mikið sem að hugsa út í barneignir (ég er hætt!).

Smekkbuxur henta ekki öllum og margar létu aldrei sjá sig í slíkri flík, en sem betur fer er misjafn smekkur manna.

img_5120

img_5119

img_7255

smekkbuxur – Zara

1

2

10

5

6

Eitt sinn þegar ég klæddist smekkbuxum gaf sig á tal við mig karlmaður, hann horfði með vanþóknun á mig og sagði svo: “smekkbuxur eru fyrir smábörn”. Ég svaraði honum að það væri mjög skrítin pæling en hentaði mér mjög vel, þar sem ég væri jú stórt smábarn. Æi sumir sko, þurfa að hafa skoðanir á öllu!

 

HDan

 

 

LEÐURJAKKI IS THE NEW ÚLPA!

DRESSNYTJAMARKAÐURTÍSKA

Það er vel við hæfi í þessum hlýja desembermánuði að nota léttar yfirhafnir, hitastigið býður allavega ekki upp á mjög hlýjar úlpur. Ég fagna þessum tölum á hitamælinum en verð þó að viðurkenna að ég væri alveg til í smá frost og snjó í kringum 20. des… ef þú lest þetta kæri verðurguð þá langar mig í hvít jól! Þá get ég líka farið að nota þessa meira.

Yfirhafnasjúka ég nýt þess í botn að nota allar léttu yfirhafnirnar áður en fer að kólna aftur, úrvalið af þeim er töluvert meira í mínum skápum.

photo-07-12-2016-12-54-46

Þessi jakki er í miklu uppáhaldi hjá undirritaðri!

En talandi um yfirhafnir – mig langaði að sýna ykkur myndir af kápu sem ég keypti mér í nytjamarkaðnum Búkollu um síðustu helgi, ég var með Trendnet snappið (trendnetis) síðastliðin sunnudag og þá sýndi ég ykkur sem fylgið okkur þar kápuna og sagði ykkur örlítið frá þessuM frábæru kaupum. En málið er að fyrir þessa mega fallegu kápu borgaði ég litlar 250 kr. Sem er gjöf en ekki gjald fyrir svona yfirhöfn!

photo-04-12-2016-15-05-54

photo-04-12-2016-12-52-28

Fyrir ykkur sem ekki þekkið til Búkollu þá er þetta nytjamarkaður sem er staðsettur hérna á Akranesi og þar er allskonar til sölu – föt, skór, fylgihlutir, undirföt, húsgögn, húsbúnaður, bækur og já svo mætti lengi telja. Þar sem þetta er nytjamarkaður þá eru hlutirnir notaðir, en mismikið þó.. ég keypti til dæmis einu sinni mjög nýlega 66° norður úlpu á 250 kr. Mörg af mínum allra bestu kaupum hef ég gert í Búkollu og það fyrir nokkra hundrað kalla.

Ég mæli með ferð á Akranes – kíkja við í Búkollu og á Antíkmarkaðinn á Heiðarbraut sem ég gaf ykkur innsýn í á snappinu… þar er hægt að gera mega góð kaup!

 

HDan

 

SILVER

DRESSTÍSKA

Mig “vantaði” úlpu fyrir veturinn og fór því að leita mér að slíkri, skoðaði ansi margar úlpur og mátaði nokkrar en engin heillaði mig nógu mikið til að verða mín. En einn dag fyrir ca. tveimur vikum þegar ég var að fletta í gegnum uppáhalds asos.com, þá rak ég augun í þessa mega fínu silfurlituðu dúnúlpu. Hún var seld við fyrstu sýn, ég valdi mér mína stærð og beint í körfu, borgaði og búmm hún var mín.

photo-25-11-2016-12-51-41

photo-25-11-2016-12-51-37

Ég var búin að setja mynd af henni inn á Insta-stories og snapchat áður en ég fékk hana í hendurnar og þá strax fékk ég nokkrar fyrirspurnir og í gær þegar ég loksins fékk hana í hendurnar og birti mynd af mér í henni þá rigndi yfir mig fyrirspurnum. Úlpan er því miður uppseld á Asos í silfur en hún er til svört, Puffa heitir merkið og ég mæli með því að þið tékkið á því hér – puffa

 

silfur

Ég er allavega mega sátt með vetrarúlpuna og tek spennt á móti kuldanum!

Þið finnið mig á Instagram/ hrefnadan og  Snapchat/ hrefnadan

HDan

HALLÓ TRENDNET!

HÖNNUNINSTAGRAMPERSÓNULEGTTÍSKATRENDNET

Ég heiti Hrefna Dan og er nýr bloggari hérna á Trendnet.

Ég er 34 ára (aldursforsetinn í hópnum skilst mér!), gift honum Páli og við eigum þrjár stelpur – Viktoríu (13), Söru (10) og Tinnu (7). Við búum á Akranesi þar sem ég vinn á fasteignasölunni Hákot og í hlutastarfi hjá Akraneskaupstað. Ég er forfallinn sætindagrís sem finnst mega næs að vera í góðum hópi vina með sætindi í annarri og gott rauðvín í hinni en svo er ég líka háklassa sófakartafla sem er með eindæmum heimakær.

photo-19-11-2016-13-04-14

Þið kannist kannski einhver við mig úr bloggheimnum þar sem ég hef haldið úti mínu eigin bloggi síðastliðin fjögur ár á www.hrefnadaniels.com og á þar skemmtilegan lensendahóp sem vonandi fylgir mér hingað yfir. Ég ákvað eftir litla umhugsun að slá til þegar mér bauðst að verða bloggari á Trendnet, það hljómaði mjög spennandi að fá að tilheyra þessum fjölbreytta og flotta hóp af bloggurum.

photo-20-11-2016-15-55-40photo-07-10-2016-12-28-52

photo-16-08-2016-15-33-12 photo-01-08-16-13-03-40

Ég hef mikinn áhuga á fallegri hönnun, öllu sem viðkemur heimilum, tísku og ljósmyndun. Færslurnar mínar á blogginu verða mikið tengdar þessum áhugamálum. Ég leyfi mér lika að vera á persónulegu nótunum með ykkur og fjalla þá auðvitað um fjölskylduna og fleira tengt mínu lífi.

photo-14-10-2016-09-40-14-1 photo-22-10-2016-15-48-21-1

photo-08-07-2016-11-22-45 photo-17-11-2016-10-31-30

Annars hlakkar mig bara mega mikið til að hefja þennan nýja kafla í blogglífinu, sem bloggari hérna á Trendnet. Spennandi og skemmtilegir tímar framundan!

Þið finnið mig á Instagram/ hrefnadan og  Snapchat/ hrefnadan

-HDan