LADY IN RED

DRESSINSTAGRAM

Ég klæddi mig upp í rautt frá toppi til táar í gærkvöldi, tilefnið var afmæli foreldra minna sem við fögnuðum saman fjölskyldan á veitingastaðnum Staff. Ég get ekki annað en mælt með þessum stað, maturinn var rosalega góður og flott framsettur, þjónustan til fyrirmyndar og verðið frábært. Eftir matinn fórum við á SKÚBB og ég mæli eindregið með saltkaramellu ísnum hjá þeim, hann er MEGA!!

En já ég setti inn mynd af mér í rauðu dragtinni á Instagram (@hrefnadan) og fékk í kjölfarið nokkrar fyrirspurnir um það hvaðan hún væri!

Mála bæinn rauðan 🍷

A post shared by Hrefna Dan (@hrefnadan) on

jakkiHÉR / buxur / HÉR / klútur – Zara / skór – Asos / sólgleraugu – H&M

HDan

BLUE IS THE NEW BLACK

DRESSTÍSKA

Dress dagsins var ansi blátt að þessu sinni, blár jakki og bláar (p)leður buxur á móti hvítri peysu og hvítum strigaskóm!

Peysan hefur tilfinningalegt gildi þar sem hún er frá ömmu minni og nöfnu Hrefnu Dan, hún er mega fín með fallegum detailum..

jakki –  / Ozonebuxur Oroblu / skór – Nike Air Force 1 / sólgleraugu – Asos

 

HDan

RED SHOES

ASOSDRESSNEW IN

Rauðir skór eru ansi heitir inni þessa stundina og fyrir nokkru síðan pantaði ég mér rauða sokkaskó á Asos. Þeir eru með frekar háum hæl og alls ekki þægilegustu skór sem ég á, en þeir eru mega fínir og lúkka mjög vel!

Ég klæddist þeim í gærmorgun í vinnunni við gallabuxur, svartan kjól og svartan rúllukragabol og þeir gerðu helling fyrir heildarútkomuna, brutu upp annars frekar plain dress. En þið lásuð samt rétt, ég klæddist þeim bara fyrir hádegi, því þegar ég kom heim í hádegismat fór ég beinustu leið úr þeim og fór í flatbotna skóm í vinnuna eftir hádegi.. beauty is pain en það eru samt takmörk, eða ég persónulega set mér takmörk þegar kemur að þægindum/óþægindum.

 

jakki – Nytjamarkaður Selfossi / kjóll – Ozone / gallabuxur – Asos / skór – Asos / veski – H&M

 

Þið finnið þessa sömu skó HÉR

 

HDan

DRESS

ASOSBÚKOLLADRESSINSTAGRAM

Ég klæddi mig aðeins upp í gær og skellti á mig rauðum varalit!

Ég sagði ykkur frá snilldar Búkollukaupum í síðustu færslu og nefndi þar á meðal skópar og pels, það er gaman að geta þess að þessir hlutir voru einmitt partur af dressi gærdagsins.

 
img_5990

img_5989

pels – Búkolla / skyrta – Asos / slaufa – Gina Tricot / buxur – Oroblu Must / skór – Búkolla /

blúndusokkar – Oroblu

img_5980

Annars mæli ég með því að þið kíkið við á Instagram (@hrefnadan) hjá mér – þar er ég með gjafaleik í samstarfi við verlsunina Ozone hérna á Akranesi. Einn heppin vinningshafi verður dregin út í kvöld og fær viðkomandi Adidas Originals skópar að eigin vali hjá Ozone!

HDan

BÚKOLLUKAUP HELGARINNAR

BÚKOLLADRESSNYTJAMARKAÐURTÍSKA

Ég hef sagt ykkur áður frá nytjamarkaðnum Búkollu sem er í miklum metum hjá mér, sjá HÉR.  Á laugardaginn eins og svo marga aðra laugardaga var ég stödd í Búkollu með fangið fullt af góssi þegar Ingibjörg verslunarstjóri kemur fram með 66°Norður anorakk í höndunum. Ég bið hana vinsamlegast að stoppa, þessi flík færi ekki upp á neina slá heldur beint í fangið á mér með hinu góssinu.

Anorakkurinn hefur sennilega lítið sem aldrei verið notaður þar sem hann er eins og nýr, en ekki það að smá saumspretta hefði skipt máli þegar flíkin kostaði mig einungis 750 kr.!! Ég verslaði mér þennan anorakk, vintage peysu, pels og skó fyrir 2.350 kr… jú þið lásuð rétt 2.350 kr, sem er djók verð þar sem skórnir eru ónotaðir ennþá með miðanum á, pelsinn er lítið sem ekkert notaður eða kemur frá ástríðufullum eiganda sem hugsaði mega vel um hann og peysan, jú hún er notuð enda orðin ansi gömul en það sér þó ekki mikið á henni.

 

img_5712

Ég sýndi frá veru minni í Búkollu á Instagram stories og þar komu fyrir allar fíkurnar sem ég keypti, viðbrögðin létu ekki á sér standa og þið voruð ansi margar sem vilduð að ég færi með ykkur ferð í Búkollu og í leiðinni á antíkmarkaðinn sem ég fjallaði um HÉR, sumar ykkar stungu upp á hópferð. Það hljómar nú alls ekki illa.. viðskiptatækifæri jafnvel!

En að öllu gamni slepptu, þá er Búkolla snilld og þar leynist falin fjársjóður inn á milli.

img_5724

img_5703

Anorakkur – Búkolla / húfa – Tiger / buxur – Oroblu Must / skór – Gardenia Copenhagen, Kaupfélagið

Þið finnið mig á Instagram @hrefnadan.. ég er frekar virk þar! Instagram stories er að taka yfir hjá mér, ég sinni Snapchat orðið lítið sem ekkert eftir að ég byrjaði að nota það.. hentar mér bara betur.

 

HDan

HELGIN

DRESSHELGININSTAGRAMPERSÓNULEGT

Kaffibolli og dýrindis þreföld lakkríssprengja (bóndadagskaka Kára bróðir), tvöföld afmælisveisla, fótbolti, partý, þorrablót, bröns, göngutúr, kaffiboð, samvera og almenn kósýheit – jú þetta er ágætis útdráttur á helginni minni!

img_5141

Kári bróðir er einstaklega vel giftur maður og Maríanna konan hans er sannkallaður kökusnillingur – hér að ofan höfum við bóndadagskökuna hans Kára, þreföld lakkríssprengja. Kakan var ekki bara falleg, því hún bragðaðist líka mega vel

img_5146

Uppáhalds buxur

img_5163

peysa – H&M / skyrta – Zara / buxur – Asos / skór – Kaupfélagið

img_5177

“Bolurinn” (sem ég fékk ansi margar fyrirspurnir um) er kjóll sem ég fann á útsöluslá í versluninni Ozone hérna á Akranesi. Ég tók mér skæri í hönd, klippti kjólinn og bjó mér til bol.

img_5209

Hjónin tilbúin á þorrablót Skagamanna

img_5204

Þessi er í uppáhaldi, yndið hún Dúna

img_5223

Sunnudagsbrönsinn var á sínum stað.. bakarísmöns að þessu sinni

img_5231

Spenntust þessi tvö

img_5235

Fyrsta uppstillingin af mörgum fyrir fram þetta hús!

img_5236

#fyrirbirnu

Ágætis helgi sem leið alltof hratt, eins og flestar helgar!

Þið finnið mig á Instagram @hrefnadan

HDan

DENIM OVERALL LOVER!

DRESSINNBLÁSTURTÍSKA

Ég er mjög hrifin af smekkbuxum. Smekkbuxur eru tegund af buxum sem móðir mín og flestar konur af hennar kynslóð létu einungis sjá sig í þegar þær báru barn undir belti. Raunin er þó önnur í dag þar sem þessar buxur eru bara eins og hverjar aðrar buxur sem þú klæðist án þess að vera svo mikið sem að hugsa út í barneignir (ég er hætt!).

Smekkbuxur henta ekki öllum og margar létu aldrei sjá sig í slíkri flík, en sem betur fer er misjafn smekkur manna.

img_5120

img_5119

img_7255

smekkbuxur – Zara

1

2

10

5

6

Eitt sinn þegar ég klæddist smekkbuxum gaf sig á tal við mig karlmaður, hann horfði með vanþóknun á mig og sagði svo: “smekkbuxur eru fyrir smábörn”. Ég svaraði honum að það væri mjög skrítin pæling en hentaði mér mjög vel, þar sem ég væri jú stórt smábarn. Æi sumir sko, þurfa að hafa skoðanir á öllu!

 

HDan

 

 

DRESS

DAGSINSDRESSINSTAGRAMNYTJAMARKAÐUR

Ég birti mynd af mér á Instagram @hrefnadan í dag og fékk í kjölfarið nokkrar fyrirspurnir um kápuna sem ég er í og ákvað þess vegna að setja inn myndir hérna á blogginu af dressi dagsins.

Myndina birti ég reyndar ekki á Instagram til að undirstrika dressið, heldur til að hvetja fólk til að taka til í fataskápunum sínum og leyfa etv. öðrum að njóta góðs af tiltektinni!

Ég fór með þrjá poka í gám Rauða krossins – það þarf jú engin að eiga föt sem hafa hangið inni í skáp í meira en ár ónotuð og rykfallin.

img_4279

img_4276kápa – Vintage / skyrta – Búkolla / buxur – Vila / skór – Kaupfélagið / sokkabuxur – Oroblu

Fínu kápuna fékk ég að gjöf frá fyrrverandi samstarfskonu minni, hún ætlaði einmitt að láta hana fara í gám eftir skápatiltekt en hugsaði til mín og mikið var ég glöð. Eins og ég sagði áður, gefum ónotuðum flíkum nýtt líf.. það gleður.

Einn, tveir og taka til!

HDan

 

LEÐURJAKKI IS THE NEW ÚLPA!

DRESSNYTJAMARKAÐURTÍSKA

Það er vel við hæfi í þessum hlýja desembermánuði að nota léttar yfirhafnir, hitastigið býður allavega ekki upp á mjög hlýjar úlpur. Ég fagna þessum tölum á hitamælinum en verð þó að viðurkenna að ég væri alveg til í smá frost og snjó í kringum 20. des… ef þú lest þetta kæri verðurguð þá langar mig í hvít jól! Þá get ég líka farið að nota þessa meira.

Yfirhafnasjúka ég nýt þess í botn að nota allar léttu yfirhafnirnar áður en fer að kólna aftur, úrvalið af þeim er töluvert meira í mínum skápum.

photo-07-12-2016-12-54-46

Þessi jakki er í miklu uppáhaldi hjá undirritaðri!

En talandi um yfirhafnir – mig langaði að sýna ykkur myndir af kápu sem ég keypti mér í nytjamarkaðnum Búkollu um síðustu helgi, ég var með Trendnet snappið (trendnetis) síðastliðin sunnudag og þá sýndi ég ykkur sem fylgið okkur þar kápuna og sagði ykkur örlítið frá þessuM frábæru kaupum. En málið er að fyrir þessa mega fallegu kápu borgaði ég litlar 250 kr. Sem er gjöf en ekki gjald fyrir svona yfirhöfn!

photo-04-12-2016-15-05-54

photo-04-12-2016-12-52-28

Fyrir ykkur sem ekki þekkið til Búkollu þá er þetta nytjamarkaður sem er staðsettur hérna á Akranesi og þar er allskonar til sölu – föt, skór, fylgihlutir, undirföt, húsgögn, húsbúnaður, bækur og já svo mætti lengi telja. Þar sem þetta er nytjamarkaður þá eru hlutirnir notaðir, en mismikið þó.. ég keypti til dæmis einu sinni mjög nýlega 66° norður úlpu á 250 kr. Mörg af mínum allra bestu kaupum hef ég gert í Búkollu og það fyrir nokkra hundrað kalla.

Ég mæli með ferð á Akranes – kíkja við í Búkollu og á Antíkmarkaðinn á Heiðarbraut sem ég gaf ykkur innsýn í á snappinu… þar er hægt að gera mega góð kaup!

 

HDan

 

JÓLAFÖTIN MÍN

ASOSDRESSJÓLNEW IN

Gleðilegan desember öll sömul!

Uppáhalds mánuður ársins er runnin upp og mikið er það ljúft. Ég er sko heimsins mesta jólabarn og elska allt við þennan tíma – notalegar samverustundir, skreytingarnar, smákökurnar, matinn, tónlistina, gleðina, samkenndina og já bara allt saman!

Við erum með samverudagatal fjölskyldan og í gær settumst við niður og spiluðum á spil, yfir spilinu hófst umræða um jólahaldið og þar á meðal jólafötin. Stelpurnar töluðu um að við þyrftum að fara að finna jólakjóla á þær, en eftir smástund stingur Viktoría upp á því að við klæðumst öll náttfötum á aðdangadag. Hún sagði að hana hafi lengi langað til að prófa að vera í náttfötum á aðfangadag, því við gætum frekar verið í sparifötum í öllum jólaboðunum. Okkur hinum fannst þetta stórgóð hugmynd og hún var samþykkt af öllum fjölskyldumeðlimum, Tinna (kjólasjúkur krakki sem elskar að klæða sig upp og fá helst smá varalit með) þurfti reyndar smá umhugsunarfrest en samþykkti að lokum.

Jólaföt okkar fjölskyldunnar verða því náttföt þetta árið!

Ég tók smá rúnt á netinu í gærkvöldi til þess að leita mér að náttfötum, þar sem ég á jú engin náttföt. Ég var varla búin að slá upp leitarorðinu pajamas á Asos þegar við mér blasti þessi náttfata samfestingur, mega fínn og virkar mega kósý. Hann er frá merkinu Y.A.S sem fæst í Vero Moda hérna heima en þið finnið hann líka á asos.com

nattgalli

nattgalli-ii

Ég verð að viðurkenna að ég er bara frekar spennt fyrir náttfatajólunum okkar og því að klæðast þessum fallega náttfata samfesting sem ég mögulega poppa aðeins upp með skarti og háum hælum.. hver veit?

Mig langaði að lokum að segja ykkur frá skemmtilegri reglu sem við settum á heimilinu í tilefni af desember. Reglan er sú að á milli kl 18:00 – 20:00 setja allir fjölskyldumeðlimir símann sinn inn í skáp, slökkt er á tölvum og við njótum, njótum þess að vera saman en ekki með andlitin föst yfir skjánum. Mæli með þessu fyrir alla – konur, börn og kalla!

 

Góða helgi xx

HDan