Þar sem það gafst tími í morgun til að gera morgunmat og borða saman í rólegheitunum gerði ég þessar girnilegu bananapönnukökur fyrir okkur familiuna. Emanuel elskar þær, sérstaklega ef ég set nóg af íslensku smjöri og svo fyrst það er laugardagur fékk hann líka smá sýróp.
Þetta er sára einföld uppskrift en hún er laus við hveitið og sykurinn sem er ágætt. Auðvitað er þetta ekki samt jafn gott og þessar amerísku en þetta hentar mér, syninum og íþróttamanninum á heimilinu ágætlega. Í boði var einnig eggjahræra ( Emil borðaði hana á meðan ég tók myndirnar), avókadó, bacon og Ylliblómate frá Tefélaginu. Frábær byrjun á þessum góða degi.
Uppskriftin er fengin að láni frá www.einka.is
Bananapönnukökur
1 banani
1 egg
1/2 tsk kanil
Hrærðu þetta síðan saman í blandara og bakaðu á heitri pönnu.
(gott að setja kókosolíu á pönnuna áður).
Uppskriftin gefur sirka 5 pönnukökur.
Endilega prufið við tækifæri. Eigið góða helgi :-)
Skrifa Innlegg