CHILLI IN JUNE 🌶 25.09.23 kl 20:00

September 25, 2023

BEAUTY SAMSTARF

Haldið ykkur fast CHILLI IN JUNE fer í sölu kl: 20:00 í kvöld.

Snillingarnir Heiður og Ingunn eigendur Reykjavík Makeup school og Hi beauty eru toppa sig enn eina ferðina, núna með eigin snyrtivörumerki, CHILLI IN JUNE. Þær hafa lagt mikið á sig í undirbúningi og vöruþróun undanfarin fjögur ár. Í kvöld kl 20:00 er komið að því að þeirra fyrsta vara fer í sölu á Chilliinjune.com.

Fyrsta varan frá merkinu heitir Hot Bronzer og kemur í tveimur litum til að byrja með. Bronzerinn er einstaklega áferðarfallegur, mjúkur og auðveldur í notkun. Það er auðvelt að blanda honum og hann gefur húðinni ótrúlega fallegan ljóma. Bronzerinn er einnig frábær í allar skyggingar og fullkominn augnskuggi. Vörurnar eru framleiddar á Ítalíu eftir ströngum gæðakröfum.

Ég byrjaði daginn minn með Chilli in june og það er gaman að segja frá því að ég er gjörsamlega heilluð. Ég er með létta mánudagsförðun en ég málaði mig nánast eingöngu með Hot Bronzer, notaði hann undir kinnbein, á enni og sem augnskugga og ég elska nei elska elska. Ótrúlega fljótleg en falleg förðun með fallegum lit og ljóma. STILLIÐ KLUKKUNA kl 20:00 ⏰ (ég veit að það er takmarkað magn í boði)

Nafnið – hönnunin – umbúðirnar og varan sjálf er upp á tíukommafimm. Til hamingju Heiður & Ingunn. 👏🏼

Ljósmyndir: Elísabet Blöndal

Heiður Ósk Eggertsdóttir og Ingunn Sigurðardóttir. /Ljósmynd: Elísabet Blöndal

Það er búið að vera ótrúlega gaman að fylgjast með Heiði og Ingunni láta drauma sína rætast. Dugnaður og fagmennska einkennir þær og ég get ekki beðið eftir því að sjá hvert þær fara en ferðalagið er skemmtilegasti parturinn og ég er svo glöð að fá að vera ponsu partur af því.

Við fögnuðum komu CHILLI IN JUNE með glæsilegum kvöldverði á Tides á Edition hótelinu og fengum að kynnast merkinu, sögunni og vörunni. Hér eru myndir sem ljósmyndarinn Elísabet Blöndal tók en hún er stór partur af Chilli teyminu.