Í tilefni Alþjóðlega Kaffidagsins þann 5. október hefur súkkulaðigerðin Omnom tekið saman við Sjöstrand kaffiframleiðandann og þróað ómótstæðilegan Tiramisu ísrétt með N°2 Espresso kaffinu frá Sjöstrand. Rétturinn er aðeins í boði þessa einu helgi (1.-4. október).
Við gefum súkkulaðisérfræðingunum orðið:
,,Við erum mikið kaffifólk og langaði að búa til Tiramisu ísrétt í tilefni af alþjóðlega kaffideginum. Eftir kaffismakk með Sjöstrand fjölskyldunni varð Espresso N°2 fyrir valinu, mjúkur ítalskur espressoinn smellpassaði við hugmyndir okkar um ilmandi tiramisu ísrétt. Á eftir kaffinu og ísnum sprautum við okkar eigin Tiramisu flauelskremi yfir herlegheitin. En við látum ekki þar við sitja – við elskum að baka og brasa í tilraunaeldhúsinu og föngum öll tilefni sem gefast. Hér sáum við fjarskalega gott tilefni og bættum við réttinn ilmandi Biscotti kexi með kakónibbum, trönuberjum og heslihnetum. Til að toppa réttinn rífum við okkar einstaka 70% Tanzaniu súkkulaði yfir Tiramisu flauelskremið.”
Eruð þið komin með vatn í munninn? Látum ekki þennan framhjá okkur fara!
//TRENDNET
Skrifa Innlegg