Það er komið að Konukvöldi Smáralindar þar sem Trendnet lætur sig ekki vanta! Sjáumst í Kópavoginum á morgun, fimmtudaginn 5.mars.
Taktu vinkonur, systur, mömmu, ömmu eða bara hvern sem er með þér og njótið alls þess sem kvöldið hefur upp á að bjóða. Það verða spennandi kynningar um allt hús þar sem ýmsar nýjungar verða sýndar og boðið upp á alls kyns dekur, ráðgjöf og ljúffengar veitingar. Eins og áður verða vegleg tilboð um allt hús, skemmtileg dagskrá frá kl. 19, happdrætti með glæsilegum vinningum og frábær stemning.
Verður heppnin með þér? Happdrættisvinningarnir að þessu sinni eru stórglæsilegir en sem dæmi má nefna 70.000 krónur frá Smáralind, árskort í World Class eða 30.000 króna gjafakort í Bestseller …
Sigga Kling og félagar spá fyrir gestum, Ingó Veðurguð og Jón Jónsson koma og taka lagið og DJ Dóra Júlía heldur uppi stemningunni þess á milli.
Það verða ýmsar snyrtivörukynningar þar sem kynntar verða nýjungar á markaðnum og gefnar prufur og veitt ráðgjöf m.a. frá Biotherme, YSL, Feel Iceland, Skyn Iceland, Marc N´Bain og Loréal svo eitthvað sé tekið fram.
Allar frekari upplýsingar finnið þið HÉR
Hlökkum til að sjá ykkur í líflegri stemningu!
// TRENDNET
Skrifa Innlegg