fbpx

TRENDNÝTT

  • Flokkar

  • Í FRÉTTUM ER ÞETTA HELST: H&M OPNAR Á AKUREYRI

    KYNNING

    H&M og Eik fasteignafélag hf. kynna með gleði opnun H&M verslunar á Glerártorgi, Akureyri. Þetta er fjórða verslunin sem sænska fatamerkið opnar hér á landi en keðjan kom fyrst hingað til lands árið 2017. Verslunin á Glerártorgi verður sú fyrsta sem verður staðsett utan höfuðborgarsvæðisins.

    H&M verslunin á Glerártorgi verður um 1.300 fermetrar að stærð, full af tísku og gæðum á hagkvæmasta verðinu, framleitt með sjálfbærum hætti.  H&M verslunin á Glerártorgi mun bjóða upp á breitt úrval af nýjustu stílum og trendum ásamt klassískri tísku. Í versluninni verður fáanlegur dömu- og herrafatnaður ásamt barnafatnaði og snyrtivörum. Áætluð opnun er haustið 2020.

    ,,Við erum ótrúlega spennt að færa út kvíarnar og opna verslun fyrir utan höfuðborgarsvæðið og geta þannig boðið viðskiptavinum okkar á Norðurlandi tísku og gæði á hagkvæmasta verðinu, framleitt á sjálfbæran máta. Við erum virkilega ánægð með veru okkar á landinu og verður H&M á Glerártorgi frábær viðbót við verslanir okkar á Íslandi“ segir Dirk Roennefahrt framkvæmdarstjóri H&M á Íslandi og Noregi.

    ,,Samningurinn við H&M er í samræmi við stefnu Eikar fasteignafélags um að styrkja Glerártorg. Vinsæl verslun á við H&M mun laða að sér enn stærri hóp af gestum, sem mun einnig hafa jákvæð áhrif á aðrar verslanir á Glerártorgi. Við erum afar stolt af því að geta boðið íbúum á Norðausturlandi upp á H&M verslun. Sterkara Glerártorg mun einnig styðja við Akureyri sem miðstöð verslunar- og þjónustu á norðausturhluta landsins,“ segir Garðar Hannes Friðjónsson, forstjóri Eikar fasteignafélags hf.

    TRENDNET TELUR NIÐUR … frábær viðbót í norðlensku verslunarflóruna.

    Eru einhverjir að norðan sem lesa þessa frétt? Deildu henni með vinum þínum með því að klikka á deila hér til hliðar.

    //
    TRENDNET

    BERGUR GUÐNA FYRIR 66°NORÐUR

    Skrifa Innlegg