LOVING TAN & BRÚNKUKREMS TIPS

BRÚNKUKREM

*Vörurnar fékk ég að gjöf/sýnishorn

Mér var boðið á smá viðburð í tilefni þess að Loving Tan sé komið til Íslands en Fotia var að taka inn þetta merki. Ég er búin að fylgjast með þessu merki í mörg ár og sá þetta fyrst hjá áströlsku YouTube stjörnunni, Lauren Curtis.

Þetta merki er frá Ástralíu og var stofnað árið 2011 af Joanna Hinton. Joanna vildi búa til vöru sem ætti að auðvelda hinum almenna neytanda að ná fram brúnku sem þú færð á snyrtistofum.

Loving Tan notar einungis náttúruleg efni og gefur húðinni góðan raka en eitt af aðaleg innhalds efnunum er Aloe Vera. Vörurnar frá Loving Tan innihalda hvorki paraben né alkahól.

Öll brúnkukremin frá merkinu eru með “olive” undirtón eða sem sagt grænan undirtón sem gerir það að verkum að brúnkan verður ekki appelsínugul heldur náttúruleg og falleg.

Það eru til nokkrar týpur af brúnkukremum frá Loving Tan en ég ætla segja ykkur frá brúnkukreminu sem ég prófaði en ég mæli með að skoða úrvalið.

DELUXE BRONSING MOUSSE

 

Þetta er brúnkufroða í litnum Ultra Dark en það er dekksti liturinn úr Deluxe línunni og er mælt með að þeir sem eru vanir að setja á sig brúnkukrem taki þennan lit. Ég er búin að vera bera á mig brúnkukrem núna í nokkur ár, þannig ég er orðin vel sjóuð í þessu.

Þetta brúnkukrem gefur frá sér fallegan lit og mjög auðvelt í notkun. Það er mælt með því að vera með brúnkukremið á sér í sex klukkutíma áður en farið er í sturtu en best ef það eru átta klukkutímar. Mér finnst best að setja á mig brúnkukrem um kvöldið og fara síðan að sofa. Þá er brúnkukremið ekki að trufla mig yfir allan daginn og get farið í sturtu um morgunin.

DELUXE SELF TANNING APPLICATOR MITT

Þetta er brúnkukrems hanski og er ótrúlega mjúkur. Hanskinn er einstaklega mjúkur, dreifir brúnkunni jafnt og þétt. Húðin veður ekki flekkót og hanskinn á að duga í allt að sex mánuði.

 

FYRIR & EFTIR

Ég var ótrúlega ánægð með útkomuna og mér finnst brúnkan mjög falleg á litin.

HVERNIG Á AÐ SETJA Á SIG BRÚNKUKREM

Það sem skiptir mestu máli er undirbúningurinn og að vera með gott brúnkukrem.

UNDIRBÚNINGUR – DAGINN FYRIR BRÚNKUKREM

  1. Skrúbba líkamann

  2. Raka líkamhár (persónubundið)

  3. Setja rakakrem/body lotion eftir sturtuna

Það er MJÖG mikilvægt að undirbúa húðina vel fyrir brúnkukrem og því mæli ég með að gera þetta daginn áður.

BRÚNKUKREMSDAGUR

Það sem þú þarft:

  1. Brúnkukrem

  2. Brúnkukrems hanska

  3. Förðunarbursta (val)

Undirbúningur:

  1. Sturta

  2. EKKI setja bodylotion, nema á það staði sem þú átt það til að verða mjög þurr. Til dæmis olboga, fingur, hné og svo framvegis.

Mér finnst best að byrja neðst á líkamanum og vinna mig upp. Sem sagt byrja á fótunum og svo framvegis.

Til þess að brúnkukremið verði sem jafnast þá er best að gera jafn margar froðusprautur á hvern líkamspart. Til dæmis tvær froðusprautur á hvern fót, mér finnst allavega best að gera það svoleiðis og þá held ég skipulaginu. Þá verð ég til dæmis ekki óvart of brún á hægri fætinum heldur verður brúnkan jöfn.

Síðan nota ég förðunarburstann fyrir andlitið og fingurnar.

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

 

 

 

Fyrsta CC kremið í snyrtibuddunni

Ég Mæli MeðHúðmakeupMakeup ArtistMakeup TipsNip+FabNýjungar í SnyrtivöruheiminumNýtt í snyrtibuddunni minni

Jæja nú er komið að því að fjalla almennilega um fyrsta CC kremið sem rataði í mína snyrtibuddu en þessi nýjung í förðunarheiminum verður áberandi hjá merkjum núna í sumar. Þetta CC krem sem ég er með er það eina sem ég er búin að frétta af að sé komið í sölu það er frá breska merkinu Nip+Fab sem er tiltölulega nýtt hér á landi en það kom í byrjun ársins 2012.

Það sem ég er mest búin að vera að pæla í með þessi CC krem er það hversu ólík í alvörunni þau eru BB kremunum af því núna hafið þið vafalaust tekið eftir því að það eru til ótrúlega mörg BB krem og stundum 2-3 týpur hjá hverju merki. Mér finnst reyndar allar nýjungar vera af því góða og ég er alltaf spennt að prófa það sem er nýtt á markaðnum. Svo ég er mikið búin að vera að lesa mér til um almennar umfjallanir um CC krem og hver munurinn á að vera – ég hef áður skrifað almennt um þau HÉR.

CC stendur fyrir Colour Correction – og er sagt líkjast meira farða en BB kremin. Þetta krem frá Nip+Fab inniheldur ljósdreyfandi litarkorn sem draga fram ljómann í húðinni um leið og það leiðréttir litarhátt og misfellur í húðinni. Það inniheldur soline sem gefur húðinni raka í alltað 24 tíma, hafraþykkni sem mýkir og styrkir húðina og Hyaluronic Acid sem gefur einnig raka.

Þegar ég er að lesa um vörur á erlendum förðunarbloggsíðum kann ég alltaf að meta að sjá sem mest myndefni svo í tilefni þessarar spennandi nýjungar ákvað ég að splæsa í þó nokkrar myndir:

Hér sjáið þið hreint handabakið mitt. Húðin er ótrúlega ljós og nánast gegnsæ –
eins og þið sjáið þá er ég mjög æðaber.Hér sjáið þið nokkuð vel þykktina og þéttleikann í kreminu – ég er með ljósari litinn. Við fyrstu sýn hélt ég að hann væri alltof rauður fyrir mig og varð smá smeik um að þetta yrði alltof mikið.Hér er ég búin að dreifa úr litnum jafnt yfir handabakið og það kemur svona falleg mött áferð á kremið og eins og þið sjáið þá gefur kremið mjööög góða hulu og liturinn er svo jafn að æðarnar sjást varla.Svo langaði mig líka að sýna ykkur hvernig kremið er á andlitnu – ákvað að splæsa í góðar fyrir og eftir myndir. Eins og á höndunum er ég með mjög ljósa húð í framan. Æðarnar sjást vel og ég er með rauða flekki í kringum nefið, húðin á augnlokunum er frekar dökk og allt í einu mættu þessar rosalegu freknur.Hér er ég svo komin með kremið á húðina – þvílíkur munur finnst ykkur ekki? Tek það fram að ég er ekki með neitt nema CC kremið frá Nip+Fab á húðinni. Þó ég virðist vera með skyggingu undir kinnbeinunum þá eru mín bara frekar útstæð og svo féll sólin akkurat ofan á kinnbeinin og ljóminn frá kreminu ýtti þeim svona upp. Það eina sem ég hefði þurft í viðbót væri maskari og kannski smá kinnalitur – þá væri þetta bara flott dagsförðun.

CC kremið frá Nip+Fab er að standast þær væntingar sem ég gerði til þess – jafnar litarhaft húðarinnar og gefur meiri þekju en samt ekki of mikla. Mér finnst það endast mjög vel á húðinni og betur en sum BB kremin sem ég hef prófað. Ég dýrka ljómann sem það gefur húðinni minni og svo hef ég verið að nota CC Eye Fix pennann með sem ég skrifaði einmitt um í stóru hyljaraumfjölluninni HÉR. Með því að nota hann líka undir augun fá þau extra mikinn ljóma og öll þreytueinkenni hverfa – svo reyndar hef ég líka doppað honum létt á kinnbeinin til að fá meiri ljóma í kinnarnar. Báðar vörurnar eru án parabena og ég myndi mæla með henni fyrir allar húðgerðir.

Ef ykkur langar að prófa þá fást vörurnar í Lyfju;)

Ég held að það sé alveg pláss fyrir BB krem og CC krem á íslenskum markaði – jafnvel pláss fyrir DD krem ef þau koma einhver tíman.

EH

St. Tropez – fyrir & eftir

Ég Mæli MeðHúðNýjungar í Snyrtivöruheiminum

Eins og þið hafið flest líklega fattað eftir þessa færslu HÉR þá eru St. Tropez sjálfbrúnkuvörurnar að koma í sölu á Íslandi. Ég fékk að prófa Starter Kit-ið þeirra og stigvaxandi sjálfbrúnku fyrir andlitið.

Starter Kit-ið inniheldur: líkamsskrúbb, bodylotion og litaða sjálfbrúnku – þá meina ég að kremið er brúnt á litinn og því gott ráð að nota hanska þegar það er borið á:) En útkoman er vægast sagt flott og mér fannst upplagt að taka fyrir og eftir myndir til að sýna ykkur útkomuna. Það skemmtilega við vörurnar er að hver og einn fær lit sem hentar sínu litarhafti. Þið fáið líklega allt annan lit en ég t.d. en lit sem passar ykkur. Ég setti á mik brúnkuna að kvöldi til og svaf með hana á mér, kremið litaðist ekki í sængurverin og ég vaknaði með jafnan og flottan lit. Ég get vonandi bráðum farið að segja ykkur frá því hvenær og hvar vörurnar verða í sölu. Það er um að gera að fá frekar flottan sumarlegan lit á líkamann með því að nota sjálfbrúnku það er svo mikið úrval núna af flottum vörum og nú nýtt merki að bætast við úrvalið. Ég hef líka ótrúlega góða reynslu af svona sjálfbrúnkuúðum þeir eru algjör snilld fullkomið fyrir þær sem búa einar og hafa engann til að bera á bakið á sér;)

En það besta við þær vörur sem ég hef prófað frá St. Tropez er að þær eru algjörlega lyktarlausar!!!

EH