ÓSKALISTINN : SEPTEMBER

HönnunÓskalistinn

Óskalistinn að þessu sinni er stuttur – þó svo að ég geti auðveldlega fyllt heila bók af hlutum sem ég hef augun á. Stundum birti ég sömu vörurnar nokkrum sinnum sem mér finnst virka sem ágætis áminning fyrir mig sjálfa, það þýðir sumsé að hluturinn er mjög ofarlega á listanum. Það á einmitt við um plakatið eftir Kristinu Krogh sem ég ætla að panta á næstu dögum ásamt því að röndótt Pappelina motta frá Kokku hef ég lengi ætlað að næla mér í. Ég keypti tvær Pappelina mottur í bústaðinn í vor og gat ekki leyft mér kaup á þeirri þriðju í sömu ferð en þessi hvíta fær pláss í eldhúsinu þegar hún verður mín.

Hinsvegar er ég orðin hrikalega spennt fyrir nýju Aalto línunni frá Iittala sem er væntanleg og þessar koparskálar eru eitthvað sem ég verð að skoða betur. Þvílík dásemd sem þær eru, ég kem til með að sýna ykkur svo alla línuna í heild sinni. Nýr Flower Pot lampi er einnig á listanum eftir að minn svarti skemmdist í tjóni, en þar sem svartur er hættur í framleiðslu hef ég ekki skipt honum út vegna valkvíða um nýjan lit – þessi úr stáli er líklegur til vinnings. Að auki verð ég að nefna fallegu Gloria geómetrísku kertastjakana frá Winston Living en ég kíkti nýlega til þeirra í heimsókn á Snapchat þar sem ég sýndi ykkur þessa stjaka. Og síðast en alls ekki síst er þessi unaðslegi kolkrabba kertastjaki frá sænsku versluninni Artilleriet, ég elska hvað hann er óvenjulegur og skrítinn og yrði svo glöð ef hann rataði heim til mín einn daginn í framtíðinni.

Er eitthvað hérna sem er einnig á þínum óskalista? Ég veit ekki hvað það er en ég elska að setja saman svona lista og láta mig dreyma…

HEIMA HJÁ EIGENDUM SÆNSKU ARTILLERIET

HeimiliVerslað

Ég á mér eina uppáhalds verslun sem ég hef þó aldrei heimsótt. Það er sænska Artilleriet sem ég er svo heilluð af og fylgist með þeim á flestum miðlum sem ég get. Einn daginn þá kem ég til með að heimsækja fallegu verslunina þeirra sem staðsett er í Gautaborg í Svíþjóð. Heimili eiganda verslunarinnar er hið glæsilegasta, nokkrar myndir hafið þið mögulega þegar séð á flakki um vefinn enda alveg einstakt heimili sem heillar flesta. Hér búa þeir Christopher og Björn, kíkjum í heimsókn…

Þvílíkur demantur sem þetta heimili og er miklir smekkmenn á ferð með gott auga fyrir smáatriðum. Þessar myndir voru teknar fyrir Residence tímaritið sem trónir núna á toppinum yfir sænsk tímarit en þar fer fremst í flokki hún elsku Lotta Agaton sem einmitt stíliseraði þessar myndir. Heimilið er hlýlegt og skandinavískur stíll ræður ríkjum, ljósir litir á móti grófum textíl og margar plöntur og persónuleg listaverk setja sinn svip á heimilið. Eigum við að flytja inn núna?

DRAUMKENNT HEIMILI : ARTILLERIET

Heimili

Artilleriet er ein af fallegustu verslunum sem hægt er að finna en hún er staðsett í Gautaborg. Áður hefur verið fjallað um þessa glæsilegu verslun á Trendnet, Pattra hér, Ása Regins hér og nýlega kíkti Elísabet Gunnars í innlit til þeirra sem sjá mátti á Trendnet Instagram stories. Artilleriet stendur fyrir fjölbreyttu og fallegu úrvali af innanhússmunum, húsgögnum og smávörum. Þar má finna fullkomna blöndu af klassík, vintage og nútímalegri hönnun sumt frá vel þekktum merkjum sem standa fyrir mikil gæði en einnig frá óþekktari merkjum sem eru á uppleið.

Artilleriet birti hjá sér þessar myndir af heimili Lisu Robertz sem er ekki aðeins fyrrverandi starfsmaður verslunarinnar heldur mikill fagurkeri, það verður að segjast að það er ekki vitlaus hugmynd hjá verslun að auglýsa vörurnar sínar á þennan hátt, í innliti sem er ekki bara ótrúlega fallegt heldur gefur einnig góðar hugmyndir.

Ef þið smellið á innlitið hér, þá má sjá að verslunin hefur tekið saman nokkrar vörur svo auðveldlega er hægt að leika eftir þennan stíl! Virkilega fallegt og elegant heimili með persónulegum stíl ♡

MÆLI MEÐ ARTILLERIET

DESIGNJ'ADOREMæli MeðScandinavian

Ef þið eruð einhvern tímann í Gautaborg mæli ég sterklega með að þið heimsækjið ARTILLERIET sem er staðsett á Magasinsgatan. Ánægjulegt að segja frá því en við hjónin bjuggum einmitt á þessari dásemdar götu. Jimundur minn, þessi gullfallega verslun -ég læt myndirnar tala.

SONY DSCSONY DSCSONY DSCSONY DSCSONY DSCSONY DSCSONY DSCSONY DSCSONY DSCSONY DSCSONY DSCSONY DSCSONY DSCSONY DSCSONY DSC

 Það er heldur betur margt sem ég óska mér fyrir heimilið í þessari búð og það þurfti bókstaflega að draga mig út úr henni en ég hefði vel getað eytt deginum þarna inni. Ég hef reyndar sjaldan séð jafn mikinn æsing í einni búð, það var kanski pínu yfirþyrmandi allavegana fyrir hann Elmar minn(mynd 3).

ARTILLERIET á Facebook fyrir áhugasama.

..

ARTILLERIET in Gothenburg is must visit place if you are ever in the city. Sweet baby jesus, this beautiful store has a lot of things I wish for my humble home.. to say the least. I literally had to be dragged outta there but I could easily spend a whole entire day in there. Located on Magasinsgatan which we were lucky enough to be living in whilst in Sweden, the most wonderful street!

PATTRA