Ég held áfram með spænska þemað en að þessu sinni er það fiskréttur. Þennan gerði ég á Íslandi í sumar fyrir matarboð hjá foreldrum mínum og hann slóg heldur betur í gegn. Fersk og fá hráefni sem kom saman og gera þetta frábæra rétt.
Fyrir 6
Hráefni
- 1 Rauðlaukur
- 3 Hvítlauksgeirar
- 2 Pakkar kirsuberjatómatar eða um 750g
- Þorskhnakkar skornir í jafna 6 bita
- 6 Hráskinkusneiðar
- Grænar ólífur eftir smekk
- Steinselja
- Ólífuolía
- Salt & pipar
Aðferð
Hitið ofninn í 200°. Skerið rauðlaukinn og hvítlaukinn í þunnar sneiðar og tómatana í helming,
grænar olífur og settu í eldfast mót. Settu 4 msk af ólífu olíu, salt og pipar og blandaðu öllu vel saman.
Bakið í ofninum í 15 mínútur.
Settu parmaskinku utan um hverja fiskisneið og setjið þorskinn ofan á tómatana og aftur í ofninn í aðrar 15 mínútur þar til þorskurinn er eldaður í gegn og parmaskinkan orðin aðeins stökk.
Stráið saxaðiri steinselju yfir fiskinn, smá svartan pipar og berið fram með góðu brauði til þess að dýfa í kraftinn sem myndast.
*það þarf ekki að salta fiskinn því parmaskinkan gefur mikið saltbragð þegar hún bakast.
Ég bar réttinn fram með sætri kartöflumús sem mér fannst passa vel saman með öllu grænmetinu sem er í réttinum.
Mér þætti alveg ótrúlega gaman að vita ef þið prófið einhverjar uppskriftir hjá mér með því að láta mig vita hér í kommetnum !
Marta Rún
Skrifa Innlegg