FIMM “MUST HAVE” SNYRTIVÖRUR FYRIR VERSLÓ

BURSTARFIMM UPPÁHALDSHreinsivörurSNYRTIVÖRUR

Núna fer að styttast í verslunarmannahelgina og margir eflaust búnir að gera plön. Það eru margir að fara í útilegu og langaði mig því að segja ykkur frá nokkrum snyrtivörum sem mér finnst algjört “must” að hafa með sér. Þetta eru allt snyrtivörur sem hægt er að nota á marga vegu og því fullkomar í útilegurnar.

 

1. MELTDOWN MAKEUP REMOVER – URBAN DECAY

Þessi vara er held ég fullkomin fyrir útlegur en þetta er sprey frá Urban Decay sem tekur í burtu farða. Þú einfaldlega spreyjar þessu í andlitið tekur síðan blautþurrku eða eitthvað annað sem þú ert með við höndina í útlegunni og tekur förðunina. Það þarf ekkert að skola þetta af með vatni eða slíkt, þetta er ótrúlega einfalt og algjör “must” að mínu mati!

 

2. HELLO FAB CAFFEINE MATCHA WAKE UP WIPES – FIRST AID BEAUTY

Ég er ekki mikið fyrir að nota blautþurrkur en það er leyfilegt einu sinni á ári að “hreinsa” á sér húðina með blautþurkkum. Það er hægt að nota þessar frá First aid beauty eftir að maður er búin að spreyja andlitið með Meltdown Makeup Remover og síðan er bara alltaf gott að vera með blautþurrkur við hendina í útilegum. Þessar blautþurrkur er  stútfullar af andoxunarefnum, vitamín C, aloe vera og orkumiklu koffíni. Tekur í burtu óhreinindi, olíu og farða. Þetta er því algjör snilld í útilegur og eru mjög góðar blautþurrkur.

Ég mæli samt með því ef þið hafið tök á því að hreinsa húðina einsog þið getið en auðvitað er það oft erfitt í útilegu þar sem er kannski ekki aðstaða til þess.

 

3. FACE CONTOURING PALETTE – THE BODY SHOP

Þessi palletta frá The Body Shop finnst mér æðisleg, hún er lítil og þægilegt að ferðast með hana. Það eru fjórir litir og hægt að nota þá á marga vegu. Það er til dæmis hægt að nota hana á andlitið í sólapúður, highlight, kinnalit og til þess að skyggja andlitið en hinsvegar er líka algjör snilld að nota hana á augun. Þannig það er hægt að nota hana á marga vegu og því algjör snilld í útileguna.

 

4. SETTING BRUSH – REAL TECHNIQUES

Þetta er einn af mínum uppáhalds burstum frá Real Techniques og fær því að fylgja mér allt sem ég fer. Það er hægt að nota hann í svo margt, til dæmis highlighter, augnskugga, hyljara, púður og svo margt fleira. Því finnst mér hann fullkominn í ferðalög og sérstaklega útilegur þegar maður vill ekki taka með sér of mikið.

 

5. NAKED 2 LIP LINER – URBAN DECAY

 

Mér finnst varablýantarnir frá Urban Decay æðislegir en þeir eru vatnsheldir og haldast ótrúlega vel á vörunum. Það er hægt að nota hann til þess að móta eða setja yfir allar varirnar og setja síðan annan varalit yfir þá helst allt miklu lengur. Síðan er auðvitað hægt að nota þá bara eina og sér sem varaliti.

 

Vonandi var þetta hjálplegt og þið skemmtið ykkur sem allra best um helgina. Munum bara að skemmta okkur fallega og ganga hægt um gleðinnar dyr xx

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

FIMM UPPÁHALDS: NYX COSMETICS

FIMM UPPÁHALDSSNYRTIVÖRUR

Mig langaði að segja ykkur frá snyrtivörumerki sem ég held ótrúlega mikið uppá en það er NYX COSMETICS. Þetta merki er ótrúlega skemmtilegt og fjölbreytt. Ég á mér nokkrar uppáhalds vörur frá þessu merki og langar að deila þeim með ykkur. Þetta eru allt vörur sem ég nota nánast daglega og gæti ekki verið án!

1.NYX LINGERIE – SWEET CLOUD NR.1

Þessi vara er mín allra uppáhalds og er þetta líklegast eitt af mest notuðu snyrtivörunum mínum. Þetta er krem augnskuggi í gloss formi. Hann helst ótrúlega vel á auglokunum og ótrúlega auðveldur í notkun. Ég nota hann alltaf þegar ég mála mig fyrir vinnuna og einnig þegar ég er að farða aðra. Ég nota þessa vöru líka oft sem augnskuggaprimer eða sett kremaugnskuggann fyrst og síðan púður augnskugga yfir. Það líka bregst ekki að þegar ég er með þennann augnskugga þá er ég spurð hvað ég sé með á augnlokunum. Ég mæli 100% með!

 

2. NYX ULTIMATE SHADOW PALETTE – WARM NEUTRALS

Fallegir hlýtóna augnskuggar.. þarf ég að segja meira? Fyrir mér er þetta fullkomin palletta, það eru nokkrir “shimmer” augnskuggar og síðan góðir mattir inn á milli. Það er hægt að gera margar farðanir með þessari pallettu. Síðan skemmir það ekki fyrir hvað hún er lítil og þægilegt að ferðast með hana.

3. NYX PIGMENT – VEGAS BABY NR.20

Þetta er líka eitt af mínum allra uppáhalds snyrtivörum en þetta er “pigment” eða laus augnskuggi og er ótrúlega fallegt að setja til dæmis í innri augnkrók. Ég nota þetta nánast alltaf þegar ég mála mig eða aðra og það sést varla á þessu. Síðan er ótrúlega flott að setja þetta líka yfir aðra augnskugga til þess að gefa þeim aðeins meiri glans eða ljóma.

4. LID LINGERIE & COSMIC METALS

Ég er eiginlega bara nýbúin að kynnast þessum pallettum en þær eru strax komnar í uppáhald. Þetta eru Lid Lingerie pallettan sem er með einunigs með matta liti og síðan Cosmic Metals sem er bara með “shimmer” liti. Þessar finnst mér æðislegar til þess að ferðast með og er hægt að ná fram allskonar förðunum aðeins með þessum tveimur pallettum.

5. HIGHLIGHT & CONTOUR PALETTE

Þessi palletta er vel elskuð (einsog þið sjáið eflaust) en ég er búin að nota hana stanslaust síðan að ég fékk hana og þarf líklegast að fara fjárfesta í nýrri. Þessi skyggingapalletta er ótrúlega þægileg og hægt að nota hana á marga mismunandi vegu. Ég  nota hana oft þegar ég er að drífa mig, nota hana þá fyrir andlitið og augun.

Vonandi fannst ykkur gaman að sjá hvaða vörur ég held mest uppá frá NYX COSMETICS en þið megið endilega segja mér ef ykkur langar að sjá fimm uppáhalds vörur frá fleiri merkjum.

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup