( strax byrjaður að rífa kjaft við dómarann)
Þessi litli tveggja ára gaur elskar Hellas, fótbolta og fótboltaskó. Hann vill helst alltaf fara í skærbleiku skónum sínum á leikskólann og ef hann fengi að ráða værum við í fótbolta allan daginn, sem ég er einmitt ekki til í. Draumurinn rættist samt á Dubai en þar spörkuðu þeir feðgar á milli allan daginn, á sundlaugabakkanum, á ströndinni, í lobbýinu eða inni í verslunum. Það síðasta sem hann segir á kvöldin og það fyrsta sem hann segir á morgnanna er “palla” sem þýðir bolti á ítölsku, finnur svo boltann og sparkar honum í okkur. Eins og þið sjáið á videoinu að þá eru spyrnurnar orðnar nokkuð góðar :-)
Skórnir sem Emanuel er í á myndunum eru frá Adidas og fást í Adidasbúðinni í Kringlunni. Þeir mjög þægilegir, léttir og góðir og tilvaldir sem strigaskór fyrir sumarið – já eða í íþróttaskólann í vetur. Mér finnst líka mikill kostur hversu auðvelt er að klæða hann í þá en reimarnar eru teygjur sem eru fastar og því þarf bara að losa franska rennilásinn áður en fætinum er smellt í og hlaupið af stað!
Skrifa Innlegg