Trendnet

Algae Bioactive Concentrate er ný íslensk húðvara frá Bláa Lóninu.

Olían sléttir, eykur ljóma húðarinnar og stuðlar að heilbrigðari ásýnd hennar. Varan inniheldur einstaka örþörunga Bláa Lónsins í blöndu með lífrænum olíum sem ver húðina fyrir skaðlegum umhverfisáhrifum og gefur henni sléttara og heilbrigðara yfirbragð – hljómar vel …

„Við erum afskaplega stolt af þessari nýju andlitsolíu sem byggir á virku efnunum úr jarðsjó Bláa Lónsins. Andlitsolían hefur verið eftirsóttasta varan hjá gestum okkar á Retreat spa. Við höfum orðið við ítrekuðum óskum viðskiptavina og nú er hún komin í almenna sölu,“ segir Grímur Sæmundsen, forstjóri Bláa Lónsins.

Kraftmikil, náttúruleg andlitsolía með örþörungum sem vernda kollagenforða húðar.

Algae Bioactive Concentrate er uppbyggjandi andlitsolía sem verndar húðina gegn skaðlegum umhverfisáhrifum og stuðlar að heilbrigðari ásýnd hennar. Það sem gerir olíuna svo áhrifaríka eru hin einstöku virku efni jarðsjávarins í Bláa Lóninu. Jarðsjórinn á sér engan líkan í heiminum en hann kemur af 2.000 metra dýpi úr iðrum jarðar þar sem sjór og ferskvatn síast saman í jarðlögin. Jarðhiti veldur efnahvörfum sem gerir sjóinn ríkan af steinefnum, kísli og þörungum. Vísindamenn í rannsóknar- og þróunarsetri Bláa Lónsins hafa náð að einangra virku efni jarðsjávarins en þau eru grunnurinn í húðvörum fyrirtækisins.

Þörungarnir eru ríkir af lífvirkum og nærandi efnum, þar með talið vítamínum og andoxunarefnum, sem eru mikilvæg fyrir heilbrigði húðar. Þörungarnir örva frumur húðarinnar til nýmyndunar á kollageni og vernda hana fyrir niðurbroti þess sem verður vegna skaðlegra geisla sólarinnar. Algae Bioactive Concentrate dregur þar með úr ótímabærri öldrun húðar svo ásýnd hennar verður þéttari, sléttari og heilbrigðari.

Hvernig notum við hana?

Pressið á PLAY

Rannsóknir hafa sýnt fram á sýnilegan árangur samkvæmt óháðri klínískri rannsókn, framkvæmd af húðlæknum.