FULLT ÚT ÚR DYRUM ÞEGAR GEYSIR KYNNTI FIMMTU FATALÍNU ERNU EINARSDÓTTUR

October 23, 2019

KYNNING

Trendnet lét sig ekki vanta þegar GEYSIR sýndi tískusýningu í Listasafni Reykjavíkur um helgina. Troðfullt var út úr dyrum en áætla má að um 500 manns hafi mætt á sýninguna.

Sýningin var frumsýning á nýjustu og jafnframt fimmtu línu hönnuðarins Ernu Einardóttur fyrir Geysi. En fyrir ykkur sem ekki þekkið til Ernu þá útskrifaðist hún sem fatahönnuður hjá Central Saint Martins College of Art and Design í London og eftir nám vann hún hjá Yves Saint Laurent í París um stund áður en hún flutti til Íslands og byrjaði að brillera fyrir Geysi.

Ný útgáfa af Geysis-pokunum vinsælu tók á móti gestum en það má eiginlega segja að pokarnir séu orðnir staðalbúnaður fólks í erindagjörðum um Reykjavík.

Línan nefnist Fýkur yfir hæðir og er innblásin af verkum myndhöggvarans fræga, Ásmundar Sveinssonar. Innblásturinn er svolítið 90’s og við sjáum sterka tengingu við íslensku konuna í kvenna hluta hennar en í fyrsta sinn hannar Erna heilsteypta karlalínu, fréttir sem eflaust margir fagna.

73515623_483971302196974_7269062797919518720_n

75594307_722181661584680_5047856762133151744_n

72372355_765391557221138_1387035636426342400_n

75341153_775299216233802_993140745441378304_n

74887109_816892498725280_6754319480119099392_n

73232845_1899298360215391_7814636838374604800_n

73171857_2142444206065060_8523412167129563136_n

73083637_2247743805517089_8607958503862042624_n

73413140_2449209315134537_4462710559460032512_n

73388333_3331095340299258_2174543771620868096_n

74360833_2200440666921358_8180308580134551552_n

74349030_2437572463191838_6428497930990125056_n

72373558_1431878956978882_4155473913641435136_n

74235995_556619288440210_7507240948053573632_n

Fýkur yfir hæðir, 2019

Erna hefur þetta að segja um mótun línunnar:

„Línan Fýkur yfir hæðir er innblásin af verkum Ásmundar Sveinssonar. Vinnan við línuna hófst í fæðingarorlofi veturinn 2018. Þann vetur varð á vegi mínum stytta nokkur af móður að faðma barn sitt, sem snart streng í hjarta mínu. Þar var á ferðinni einn af fjölmörgum málmskúlptúrum Ásmundar Sveinssonar en verk hans má finna víða í höfuðborginni. Má því segja að rölt mitt um borgina í leit að skúlptúrum Ásmundar hafi haft mikil áhrif á línuna, enda er Reykjavík óþrjótandi innblástur fyrir mig.

Erna Einarsdóttir

Línan er nokkuð minimalísk og undir áhrifum tísku frá tíunda áratugnum og húmor og sérviska eru aldrei langt undan. Sem endranær eru sterkir litir og prjónaðar flíkur hluti af línunni, en ný form líta dagsins ljós í þessari línu. Geysiskonan heldur áfram að þróast en nú bætir hún gallabuxum og ullarkápum við í fataskápinn sinn. Ég er einnig einstaklega ánægð að kynna ykkur nú fyrir manninum hennar, en hann hefur verið í mótun í hugum okkar síðastliðið ár.“ segir Erna

Ástrós Erla Benediktsdóttir stýrði teymi förðunarfræðinga, sem samanstóð af Kolbrúnu Vignisdóttur, Alexander Sig og Sigrúnu Ástu Jörgensen. Hárið var í höndum Hárakademíunar.

Fyrirsæturnar voru ekki af verri endanum og gengu okkar vinsælustu fyrirsætur niður tískupallinn. Þar má nefna þær Alísu Helgu Svans og Kristínu Lilju sem hafa gengið tískupallana hjá stærstu erlendu tískumerkjunum síðustu misserin, Dior og Armani sem dæmi. Það var síðan söngkonan Bríet sem lokaði sýningunni með teppi vafið um sig eins og drottning en Geysir hannar líka vörur fyrir heimilið sem var ánægjulegt að sjá stíliserað með þessu móti inn í sýninguna.