SUMARPARTÝ Í NORR11 & GJAFALEIKUR

Íslensk hönnun

*Búið er að draga úr leiknum og var það Matthildur Víðisdóttir sem hafði heppnina með sér.

Á morgun verður haldið veglegt sumarpartý í versluninni NORR11 þar sem kynnt verður nýtt samstarfsverkefni NORR11 og Postulínu sem ég held svo mikið upp á. Þær Guðbjörg Káradóttir og Ólöf Jakobína Ernudóttir í Postulínu hafa töfrað fram fallegu kertastjakavasana sína í fyrsta skipti í svörtu, í sérstakri útgáfu sem verður eingöngu fáanleg í takmörkuðu upplagi í NORR11 og beint frá Postulínu. Ég elska samstarfið þeirra NORR11 og Postulínu en um jólin kynntu þau Svartaskóg sem ég féll kylliflöt fyrir. Þau ykkar sem hafið enn ekki kíkt við í verslunina þeirra á Hverfisgötu 18a þurfið að setja það á dagatalið enda með fallegri verslunum landsins.

Á morgun verður einnig kynnt til leiks nýtt merki til sölu í NORR11, en það verða yndisleg teppi frá As We Grow sem ég held líka mikið upp á. Þess má geta að As We Grow unnu íslensku hönnunarverðlaunin í fyrra fyrir vörur sínar og áttu þær verðlaunin svo sannarlega skilið enda gæðin mjög mikil og hönnunin frábær.

Til að fagna sumrinu með NORR11 ætlum við í samstarfi að gefa einum heppnum lesanda fallega sumargjöf, en það er stór kertastjakavasi frá Postulínu ásamt hlýju teppi frá As We Grow. Fullkomin gjöf fyrir öll sumarkvöldin sem framundan eru…

Ég get ekki beðið eftir að sjá vörurnar með eigin augum í sumarpartýinu en fyrir ykkur sem sjáið ykkur ekki fært að mæta þá kem ég til með að sýna frá því á Svartahvitu snapchat. Gjafaleikurinn er þó opinn öllum! (Sjá neðst í færslu).

Teppið frá As We Grow sem fer í sölu á fimmtudaginn er dásamlega mjúkt og hlýtt úr 100% baby alpaca ull. Fullkomið fyrir notalegar stundir heima við, upp í sófa með heitan drykk eða úti á palli á íslenskum sumarkvöldum.

Um kertastjakavasana frá Postulínu. “Það er gaman að raða hlutunum á heimilinu og nýta með nýjum hætti. Ef þú ert sammála þessu þá eru kertavasarnir okkar eitthvað fyrir þig. Blóm fara vel í þeim en sé þeim snúið við er hægt að nýta þá undir kubbakerti sem fara einstaklega vel á þeim. Engir tveir eru eins.”

Fyrir frekari upplýsingar um sumarboðið í NORR11, smellið hér.

Til að skrá sig í pottinn og eiga kost á því að vinna fallegu sumargjöfina frá NORR11 þarf einfaldlega að skrifa athugasemd hér að neðan með nafni ásamt því að deila færslunni ♡

Vinningshafinn verður dreginn út á sunnudagskvöld þann 21. maí. 

Áhugasamir geta síðan fylgt NORR11, Postulínu og As We Grow á facebook til að missa ekki af neinu.

Sjáumst á morgun!

DEKKAÐ JÓLABORÐ

Persónulegt

Þá er uppáhaldsmánuðurinn minn á árinu loksins genginn í garð jibbý!

Ég kom heim úr yndislegri mæðgnaferð frá Boston fyrr í vikunni og vá hvað það var æðislegt að fá smjörþefinn af amerískum jólum þar sem öllu er tjaldað til, með jólatónlist í öllum verslunum, jólakransar á hverjum ljósastaur og rauður jólasveinn í hásæti sínu bauð mér að setjast í kjöltuna á sér í myndatöku (sem ég að sjálfsögðu þáði). Ég elska fallegar jólaskreytingar og þarna mátti sjá nóg af þeim enda hver einasta verslun með glæsilegar jólaútstillingar og ég upplifði mig dálítið eins og í jólabíómyndunum sem ég man eftir úr æsku þegar ég horfði á stærsta jólatré lífs míns tendrað við jólatónlist og almáttugur hvað kaninn fer “all in” og ég elska þá fyrir það.

Að öðru, ég hef síðustu daga verið að undirbúa OFUR jólagjafaleik hér á blogginu sem fær í senn að vera afmælisgjafaleikur í tilefni þess að Svart á hvítu fagnaði nýlega 7 ára afmæli sínu sem hlýtur að teljast ansi merkilegur áfangi og vá hvað ég er stolt.

Ég hef því fengið til liðs við mig nokkrar af flottustu hönnunarverslunum landsins til að búa til flottasta gjafaleik sem þið hafið séð. – Mæli því með að fylgjast vel með til að missa ekki af neinu.

Í dag hafði ég hinsvegar tekið að mér að skreyta jólaborð í verslun Epal í Skeifunni, mögulega örlítið út fyrir minn þægindarramma þar sem að verð að viðurkenna að ég held aldrei svona fín matarborð þar sem allt stell er týnt til – en gaman var það. Ég vildi gera þetta í mínum anda, ekkert of jólalegt og ofhlaðið heldur stílhreint og létt og að sjálfsögðu er bleiki liturinn aldrei langt undan þegar ég kem nálægt. Bleiku Issey Miyake diskamotturnar og glasamottur frá Iittala voru það fyrsta sem ég ákvað að leggja á borðið og allt hitt kom út frá þeim, Iittala Taika og Tema diskar urðu fyrir valinu ásamt Arne Jacobsen hnífapörum frá Georg Jensen. Glösin eru einnig frá Iittala, Essence hvítvínsglas, Ultima Thule fyrir vatn en svo bætti ég við þriðja glasinu sem er frá Hay. Borðskrautið er einnig látlaust að mínu mati, String kertastjaki frá Ferm Living, postulíns jólatré frá Postulínu, glerbakki frá Menu ásamt nokkrum munum sem sjást ekki á þessari mynd m.a. glæsilega silfur kannan frá Georg Jensen. Ég viðurkenni að þetta var töluvert skemmtilegra en ég þorði að vona og hver veit nema ég vippi upp einu góðu matarboði sem fyrst þar sem ég dekka upp borðið frá a-ö.

15292611_10155483254958332_68416785_o 15302402_10155483232448332_1445994501_o

En hvað segið þið annars með gjafaleikinn… spennt?

skrift2

LANGAR: JÓL Í NORR11

FASHIONLANGAR

Desember er mánuður árs og friðar … en líka viðburðamánuðurinn mikli. Ég hef ekki undan að fylgjast með hvað er að gerast í verslunum landsins en margt spennandi hefur verið á dagskrá síðustu vikur og það á bara eftir að færast í aukana fram að jólum. Mér finnst synd að missa af mörgu sem boðið er uppá og í þessum skrifuðu er ég leið yfir Jólapartýi Norr 11 sem haldið verður 1 desember á Hverfisgötu.
Þar verður tvennt sem fer í sölu í takmörkuðu upplagi – og mig langar mjög í bæði!

Guðrún Helga Kristjánsdóttir, GUDRUN,  vinkona mín mun í fyrsta sinn selja hönnun sína en hún útskrifaðist úr Listaháskóla Íslands í vor með tryllta útskriftalínu. Ég er ekki ein um að langa í draumaflíkurnar fögru. Fyrst um sinn verða tvær yfirhafnir í sölu og koma í mjög takmörkuðu upplagi. Báðar flíkurnar eru framleiddar á Íslandi úr íslenskum mokkar og hágæða ull. Mikil áhersla á smáatriði og gæði efna gera flíkurnar einstakar.
Einn daginn mun ég vonandi eignast flík eftir þennan snilling (!)

Ég hef áður talað um Guðrúnu: HÉR

15156836_1236482206374211_5701915047443847110_o

Jólakápa ársins?

15202724_1236482203040878_3722062357139511226_n 15178311_1236482143040884_1079457415180495503_n

*hvísl*
Þessi dásemdar draumajakki kemur í army grænum lit!

Einnig fer Svartiskógur, samstarfsverkefni Postulína x Norr11 í fyrsta sinn í sölu og mig dreymir um eitt slíkt tré. Fallegasta jólaskraut ársins? Margir þekkja jólatréin frá snillingunum Guðbjörgu Káradóttur og Ólöfu Jakobínu Ernudóttur í Postulína en þau koma nú í fyrsta sinn svört, bæði mött og glansandi. Sérstök útgáfa sem verður eingöngu fáanleg í NORR11 en einungis í takmörkuðu upplagi.

15288582_1236482766374155_6209165881450501394_o 15271986_1236482763040822_1533504347161129269_o

Svana á Svart á Hvítu talaði nánar um þetta vel heppnaða samstarfsverkefni: HÉR

Þið sem hafið áhuga á að kíkja við getið lesið meira um málið: HÉR

Langar … (!!)

 

xx,-EG-.

Elísabet Gunnars á Facebook – HÉR
&

Trendnet á Facebook – HÉR

POSTULÍNA x NORR11

Íslensk hönnunJóla

Eitt af mínu uppáhalds jólaskrauti eru hvítu postulíns jólatrén frá Postulínu sem ég byrjaði að safna í fyrra. Í ár koma trén einnig í glæsilegum svörtum lit sem verða í takmörkuðu upplagi og koma aðeins til með að fást í NORR11. Línan heitir Svartiskógur sem hæfir vel þessum dularfullu og drungalegu jólatrjám. Virkilega falleg lína sem kemur auðvitað ekki á óvart þegar kemur að þeim Postulínu stöllum Ólöfu Jakobínu og Guðbjörgu Káradóttur.

15193684_1329135303786559_7403897035518318853_n-2

Svartiskógur mætir í NORR11 þann 1.desember. Ég myndi leggja það á mig að standa í röð fyrir þessar elskur.

skrift2

HÖNNUNARMARS: JÖKLA MATARSTELL

Fyrir heimiliðÍslensk hönnun

Ein fallegasta sýningin sem ég sá á Hönnunarmars var sýning Postulínu sem sýndi nýja matarstellið Jökla í Crymogeu. Stellið var umkringt ljósmyndum eftir Vigfús Birgisson sem teknar voru á Sólheimajökli og tónuðu myndirnar því einstaklega vel saman við Jökla stellið, enda innblásið frá sama jökli!

IMG_3719

IMG_3717IMG_3721 IMG_3722 IMG_3723IMG_3709

IMG_3730

Postulína er samstarfsverkefni Guðbjargar Káradóttur leirkerasmiðs og Ólafar Jakobínu Ernudóttur hönnuðar.

Litasamsetningin og hönnunin á stellinu er fullkomin, núna þarf ég bara að drífa mig í að gifta mig til að geta smellt þessu á listann:)

-Svana