Metallic Tryllingur!

AuguDiorÉg Mæli MeðFashionFW15LúkkmakeupMakeup ArtistNýtt í snyrtibuddunni minni

Ég fæ bara ekki nóg af metallic áferðinni í förðunarvörum – hafið þið mögulega tekið eftir því ;) Áferðin er svo skemmtilega öðruvísi, hún krefst athygli en er samt svo mjúk og falleg. Metallic er áberandi í förðunarvörunum í haustlínu Dior, Cosmopolite, og þegar ég fékk aðra augnskuggapallettuna í hendurnar vissi ég að með þessum litum gæti ég gert einhverja tryllingslega flotta förðun – sem tókst!

diormetal

Hér sjáið þið því fyrstu förðunina sem ég geri með haustlúkkinu frá Dior – já þær eru fleiri og ég þarf að koma höndum yfir hina augnskuggapallettuna úr lúkkinu hún er líka tryllt!

Ég blandaði öllum litunm í pallettunni saman en ég sýndi förðunina einmitt inná snappinu þegar ég gerði hana og ég vona að þið sem fylgist með mér þar hafið náð að fylgja mér eftir. En ég ætla líka að reyna að fara aðeins yfir það með ykkur í þessari færslu hvernig ég fór að.

diorhaust16

5 Couleurs Cosmopolite Electric nr. 866

Pallettan samanstendur af mjög mjúkum og áferðafallegum augnskuggum sem er auðvelt að leika sér með og blandast fallega saman. 1 er mattur, 1 er með metallic áferð og 3 eru sanseraðir en samt mjög þéttir í sér. Þessir litir hæfa sérstaklega vel konum með brún og græn augu að mínu mati.

diorhaust5

Diorblush Cheek Stick Cosmopolite Rosewood nr. 765

Ég er svo með þetta dásamlega kinnalitastifti í kinnunum og ég er auðvitað einn helsti talsmaður þess hvað kinnalitir séu æðislegir og algjörlega ómissandi. Þessir eru með sterkum og flottum pigmentum og formúlan blandast mjög fallega saman við grunnförðun. Ég stimpla stiftinu bara í epli kinnanna og nota svo fingurna til að dreifa úr litnum og jafna áferðina.

diormetal2

Hér sjáið þið svo förðunina enn betur.

  1. Ég byrja á því að grunna allt augnsvæðið með ljósa matta litnum.
  2. Tek dökkfjólubláa litinn og set hann yst á augnlokið og nota blöndunarbursta til að mýkja hann upp og færi hann inneftir augnlokinu meðfram globuslínunni.
  3. Tek ljósari fjólubláa litinn og set ofan á dökkfjólubláa litinn og blanda inná mitt augnlokið.
  4. Tek aftur ljósasta litinn og set hann meðfram skilum augnskugganna s.s. við globuslínuna til að mýkja útlínur augnskugganna. Svo set ég hann líka aftur innst á augnlokið.
  5. Tek dökkgræna litinn og set hann í örlítið C yst á augnlokinu til að gera góða skyggingu þar og draga augnlokin saman þar og gera umgjörð augnanna dramatíska. Svo blanda ég litnum vel saman við restina en reyni að fara ekki útfyrir svæðið sem ég setti litinn upphaflega á. Sami græni litur fer svo meðfram neðri augnhárunum og ég mýki þá línu svo vel með stærri augnskuggabursta.
  6. Svo kemur aðaltipsið. Ég notaði vöru sem heitir Mixing Medium frá MAC sem er vara sem er reyndar bara Pro vara svo hún fæst ekki í verslununum hér en þið getið notað Fix+ spreyin til að gera það sama. En með Mixing Medium er hægt að búa til kremaðaaugnskugga t.d. úr lausum pigmentum. Ég nýtti vöruna til að gera silfuráferðina enn meira áberandi í augnskugganum svo ég blanda saman smá Mixing Medium og smá af augnskugganum á handabakinu og doppa augnskugganum svo létt yfir augnlokið og í innri augnkrókana. Þetta kom virkilega vel út þó ég segi sjálf frá ;)

diorhaust17

Diorskin Nude Cosmipolite Illuminating Face Powder

Mattandi örlétt púður sem gefur húðinni náttúrulega ljómandi áferð – need I say more!!

Dior Addict Fluid Stick Avant Garde nr. 499

Þessi fallegi gloss er varla búinn að fara af vörunum mínum síðan ég fékk hann. Dior Addict glossin eru ofboðslega létt og örþunn svo þið finnið ekki fyrir þeim en liturinn er mjög áberandi og flottur. Ég elska glansinn af þessum sjálf þoli ég ekkert mikið að vera með þykk gloss en ég elska þessi því þau eru eiginlega ekki gloss en samt fá varirnar mínar svona glosslegan glans – svo er þessi litur bara æði!

Farðinn sem ég notaði var Diorskin NUDE Air sem er ofboðslega léttur skincare farði sem fer svo vel með húðina og gefur jafnt og falleg yfirborð. Svo notaði ég nýja Fix It hyljarann frá Dior sem er hyljari með primer inní miðjunni. Ég þarf að sýna ykkur hann betur seinna.

diorhaust9

Sourcils Poudre 

Svo fyrst augabrúnir falla svona vel í kramið hjá ykkur miðað við ásókn í nýlega augabrúnafærslu verð ég að segja ykkur frá þessum blýöntum. Þetta er s.s. endurhönnun á vöru sem var áður til en nú er formúlan alveg púðurkennd og áferðin minnir meira á augnskugga en augabrúnablýant. Það er svaka auðvelt að nota þá og þeir renna mjúklega eftir augabrúnunum og svo er lítið mál að dreifa vel úr litnum eða leiðrétta mistök með skásettum förðunarpensli.

diormetal3

Sjáið þið ljómann á húðinni – þetta er þetta æðislega púður ekkert annað!

Þið verðið að afsaka hreinskilnina í mér en ég er eiginlega bara virkilega montin með þessa förðun – þetta kom bara virkilega vel út og ég er eiginlega alveg bara ástfangin af þessari fallegu augnskuggapallettu og hvernig litirnir blandast saman.

Elsku Peter minn Phillips TAKK fyrir þessa dásamlega fallegu haustlínu fyrir Dior!

EH

Vörurnar sem ég skrifa um hér fékk ég sendar sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit.

Metallic fegurð fyrir haustið frá YSL

AuguFashionFW15makeupNýjungar í SnyrtivöruheiminumTrendYSL

Ein helsta ástæðan fyrir ást minni á haustinu er sú að það kemur færandi hendi með glæsilegar haustlínur frá snyrtivörumerkjunum…

Nú er komið að því að hita aðeins upp fyrir haustið frá YSL sem ber nafnið Pretty Metal. Línan einkennist af uppreisn, litum sem krefjast athygli, nýjum vörum sem skapa dramatískar tilfinningar og áferð sem hyllir metallic förðunartískuna.

yslhaust5 yslhaust

Augnskuggapalletturnar sem koma í lúkkunum frá YSL eru vanalega í takmörkuðu upplagi og því eru umbúðirnar alltaf extra sérstakar. Hér sjáið þið metal búning augnskuggapallettunnar í Pretty Metal.

yslhaust7

Litirnir í pallettunni eru sannarlegir uppreisnarseggir. Litir sem eru áberandi og krefjast athygli en um leið blandast þeir saman í fallega augnförðun sem ég mun sýna ykkur innan skamms. Ég hef verið mjög hrifin af augnskuggaformúlunni frá YSL sérstaklega því litirnir eru mjúkir en með sterkum litapigmentum svo þeir blandast mjög fallega saman. Ég nota alltaf augnskuggaprimerinn frá merkinu en ég sýndi hann einmitt inná snappinu mínu í gær – mér finnst hann fullkomna yfirborð augnlokanna enn betur svo það er enn.þægilegra að vinna þá.

YSL virðist svo ætla að taka Blur æðið enn lengra og eigna sér sannarlega viðurkenningu fyrir nýjungar á því sviði því hér sjáið þið líka blur púðrið. Fullkomin vara sem gerir áferð húðarinnar matta án þess að þyngja förðunina og stífla húðina og blurrar um leið ójöfnur í húðinni og gerir áferð hennar enn fullkomnari en áður. Púðrið er því eins og mattur primer sem fer yfir förðunina – fullkomnar hana og eykur endinguna til muna.

yslhaust6

Aðrar stjörnuvörur í lúkkinu er litað augabrúnagel sem ég er nú þegar búin að sýna ykkur HÉR. Svo er það aðalvaran Kajal eyeliner liturinn sem ég sýndi einmitt líka inná snappinu mínu í gær ernahrundrfj

yslhaust2

Augabrúnagelið er með keilulaga bursta sem einfaldar ásetninguna til muna. Hárin liggja frekar þétt saman svo það er auðvelt að greiða vel úr hárunum og þægilegt að stýra mótun augabrúnanna hvort sem þið viljið hafa þær svona úfnari kantinum eða mjóar og vel mótaðar. Sjálf nota ég augabrúnagel ein og sér eða eftir að ég er búin að móta augabrúnirnar með öðrum vörum – þá klára ég ferlið alltaf með aguabrúnageli.

yslhaust3

Kajal linerinn er stjörnuvara línunnar. Þetta er vaxkennd formúla sem er silkimjúk, litsterk og þétt í sér. Það er svakalega gott að vinna með litinn og linerinn er hægt að nota á nokkra vegu. Auðvitað bara eins og eyeliner umhverfis augun, smitið hann svo til til þess að gera dramatíska umgjörð a la Carrie Bradshaw í seinni SATC myndinni. Svo eins og lúkkið sem ég gerði í gær inná snappinu þá grunnaði ég augnlokið með möttum augnskugga og setti svo Kajal linerinn yfir og gerði smoky lúkk með honum.

Kajal linerinn kemur í fjórum litum ég fékk þennan dökkgræna og hann kemur sannarlega á óvart! Á óskalistanum er líka fagurblái liturinn af vörunni og svo auðvitað svarti – það er alltaf möst að eiga góðan svartan liner!

yslhaust4

Alveg æðislega flott lína og ég hlakka bara til að sýna ykkur betur lúkkin sem ég er búin að gera með vörunum á næstu dögum og  vikum.

Hvernig líst ykkur á þessa haustlínu – vörurnar eru væntanlegar á sölustaði YSL núna í lok mánaðarins.

EH

Vörurnar sem ég skrifa um hér fékk ég sendar sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit.