Video: Easter Cake

FoodPassion

I always loved to bake and latley I have been taking my cake baking to the next level. For does that follow me on Instagram have probably already noticed it.  I am also extremely restless as a person and need to have a project at my hands all the time. Baking is a way for me to express my creativity, trying out different flavors, shapes and decoration styles is so much fun and therapeutic.

Today we are going to Gunnars family cabin and I made a Easter Cake to bring with us.

1 ÁRS AFMÆLIÐ

HugmyndirPersónulegt

Þá er komin vika frá því að ég hélt upp á eins árs afmæli sonarins og því vel við hæfi að birta myndir af veislunni. Afmæliskakan sjálf sló rækilega í gegn og ég hef nú þegar séð myndir frá nokkrum sem fengu innblástur frá kökuskreytingunni sem ég gerði og það er virkilega skemmtilegt að sjá:) Hugmyndin er auðvitað svo einföld, það liggur kannski ekki svo vel fyrir öllum að fara út í meiriháttar kökukremsdúllerí, eða jafnvel bara skortur á tíma. Þá er ekki svo vitlaus hugmynd að nota einfaldlega leikföng barnsins (sem eru fyrst þvegin að sjálfsögðu), og þau sett ofan á kökuna til skrauts. Dýrin sem ég notaði fást í Toys’r’us en ég fékk nokkur í láni frá litla frænda mínum. Ég lagði mig alla fram að hafa veisluna eins fullkomna og ég gæti (ég veit, bara smá pressa) og ég fékk því smá áfall þegar ég fann ekki myndavélina þegar allir gestirnir voru byrjaðir að mæta því ég vildi ná að taka góðar myndir eftir alla þessa vinnu sem ég hafði lagt á mig. Myndavélin fannst þó loks þegar afmælið var búið, en hún var á bakvið púðana í sófanum þar sem fólkið sat, ég hefði getað farið að grenja í allri hreinskilni sagt. Það er eflaust ekkert svo erfitt að fara yfir um þegar haldið er barnaafmæli, því komst ég alveg að:) Ég þarf því þá að láta símamyndir duga í þetta sinn, en þetta var ótrúlega skemmtilegur undirbúningur og ég gleymdi mér alveg í þessum skreytingum. Ég hlakka strax til næsta afmælis!

20150913_135912

Ég er greinilega óvön að halda stór boð því rúmlega helmingur veitinganna varð í afgang, þarna átti enn eftir að bætast hellingur á borðið.

20150913_135945

Veifurnar föndraði ég sjálf, en mér fannst alveg “nauðsynlegt” að skreyta líka stól afmælisbarnsins. Ég handskrifaði “1 árs” á veifurnar og límdi saman með mynstruðu pappírsteipi. Borðið og kakan ofan á afmæliskökunni eru gömul leikföng úr silvaniudótinu mínu.

20150913_134318

Veifurnar í glugganum bjó ég til fyrr í vor, það var svo tímafrekt föndur að ég mun líklega aldrei tíma að henda þeim. Betúel vildi vera með í dýrapartýinu, eðlilega setti ég kött líka ofan á það borð:)

20150913_144035

Döðlu og lakkrískubbarnir frá Gulur, rauður, grænn og salt eru ómissandi í svona veislur, þvílíkt lostæti. Svo er nauðsynlegt að bjóða líka upp á hollustu á móti sætindunum, sérstaklega þegar um ræðir barnaafmæli.

20150913_135922

Ég reyndi að spara smá uppvaskið með pappadiskum, enda á ég líka ekki nógu mikið stell fyrir svona stórt afmæli:)

20150913_135637

Stafaborðann keypti ég fyrir löngu síðan hjá Petit.is. Silfraða litla blaðran sem sést þarna glitta í mæli ég svo sannarlega ekki með að kaupa, hvorki hjá Söstrene Grene né á vefsíðunni sem ég hafði áður bent á. Þær eru hreinlega of litlar til að svífa þó að blásið sé í þær með helíum. Blaðran var því látin hanga í öðrum helíumblöðrum, mér þótti það mikil synd því ég var mjög spennt yfir þessum blöðrum og hafði keypt tvær á netinu og tvær í Söstrene. Ef þið ætlið að kaupa svona blöðrur passið að þær séu ágætlega stórar, okkar voru ca. 30 cm sem er of lítið.

20150913_140021

Ég setti svo saman smá myndaseríu af Bjarti, ein mynd fyrir hvern mánuð, virkilega gaman að skoða í gegnum þessar myndir og sjá hvað hann hefur stækkað og breyst:) Um að gera að hafa myndir af afmælisbarninu uppi við, það geta annað hvort verið skemmtilega minningar eða mánaðarmyndir. Planið mitt var að merkja við hverja mynd “1 mán” 2 mán”… o.s.fr. en það gafst ekki tími til þess.

20150913_150730

Það dugði ekkert annað en 4 hæða kaka!

20150913_161621

Afmælispakkaflóð og mikið stuð, hér með fínu gjöfina frá mömmu sinni og pabba. Eflaust eina gjöfin sem gaf ekki frá sér hljóð:)

20150913_135628

Allt spikk og span fyrir veisluna!

20150913_181902

Og nokkrum tímum síðar var allt komið í rúst…

Vá hvað þetta var gaman, núna tel ég niður í næsta afmæli og get þá vonandi komið öllum hugmyndunum mínum í framkvæmd:)

Screen-Shot-2015-04-23-at-22.38.4211

AFMÆLISGJÖFIN & KAKAN

DIYPersónulegt

Þá er afmælið hjá Bjarti Elíasi yfirstaðið og vá hvað mamman er búin á því. Ég ætla bara rétt að setja inn tvær myndir í kvöld og sýni ykkur allt betur í næstu færslu. Ég hafði nefnilega lofað Home Magazine að koma í heimsókn í dag og því varð allt að verða spikk og span morguninn eftir að hafa haldið risa veislu, svo núna kemst fátt að nema koddinn minn zzzz. Við gáfum Bjarti í afmælisgjöf indíánafjaðrir sem ég hafði keypt á netinu fyrir nokkru síðan og þær slógu alveg í gegn þó svo að sonurinn átti sig lítið á því hvað þetta er. Ég sé þetta þó fyrir mér vera vinsælt í leik næstu árin og tala nú ekki um hvað þetta er fallegt leikfang.

Screen Shot 2015-09-14 at 21.20.13

Svo fékk hann smá aukagjöf sem var þetta plakat sem ég bjó til handa honum. Til að hafa það á hreinu þá sá ég hugmyndina á netinu en þetta er í raun byggt á frægri “fletti”klukku sem ég kenni sjálf við Habitat og hefur lengi verið í uppáhaldi hjá mér. Ég hef séð hugmyndina útfærða bæði með fæðingarupplýsingum barnsins, giftingardegi hjóna og jafnvel sem boðskort í brúðkaup sem kom ansi vel út. Ég teiknaði klukkuna frá grunni í Photoshop og bætti svo við fæðingarupplýsingunum hans Bjarts. Hugmyndin þykir mér svo æðisleg að ég gat ekki staðist það að búa til eitt fyrir soninn:)

Screen Shot 2015-09-14 at 21.25.14

Svona endaði kökuskreytingin, nema það að þarna átti ég eftir að leggja dúk á borðið… bæði á mitt borð og hjá dýrunum haha. Andrés minn hélt að sjálfsögðu að ég væri að missa vitið þegar ég sat við borðið að raða partýhöttum á lítil plastdýr sem stóðu á köku, en vá hvað þetta var skemmtilegt. Ég bjó til allskyns dúllerí fyrir veisluna eins og t.d. veifurnar á barnastólnum. Sýni ykkur þetta betur næst!:)

Screen-Shot-2015-04-23-at-22.38.421