BRÖNS

BRÖNSINSTAGRAMPERSÓNULEGT

Við fjölskyldan erum með eina ótrúlega skemmtilega hefð á uppáhalds vikudeginum okkar sunnudegi – bröns. Við hjálpumst öll að við að útbúa brönsinn og skiptum með okkur verkefnum. Þetta er ótrúlega gaman og ég mæli svo eindregið með því að allir fái að taka þátt í ferlinu, bara það að fá að skera niður ávextina gerir þetta allt miklu skemmtilegra upplifun fyrir börnin. Það sem mér finnst skemmilegast við þetta er samveran, þarna erum við saman fjölskyldan og spjöllum um allskonar og ekkert og höfum gaman saman. Það er svo ótrúlega dýrmætt í amstri dagsins að eiga gæðastundir með fólkinu sínu!

Ég er mjög dugleg að deila brönsgleðinni með fylgjendum mínum á Instagram (@hrefnadan) og margir hverjir hafa boðað komu sína einhvern sunnudaginn… auðvitað allir velkomnir og þá er alls ekki verra ef viðkomandi grípur með sér eitthvað gott meðlæti á matarborðið!!

Nokkrar myndir frá okkar sunnudags bröns..

Mæli með bröns!

 

HDan

 

FERMING VIKTORÍU

HUGMYNDIRINNBLÁSTURPERSÓNULEGT

Viktoría mín fermdist síðasta sunnudag og mikið rosalega er gaman að ferma barnið sitt… mjög fullorðins fannst okkur Palla en um leið svo ótrúlega skemmtilegt. Það var svo magnað að eiga þennan dag með henni og sjá hvað hún naut sín vel, hún var svo þakklát og ánægð með allt saman.

Veislan var algjörlega eins og Viktoría vildi hafa hana, skreytingar einfaldar og stílhreinar og þema litirnir svartur, ljósbleikur og hvítur með dass af marmara. Maturinn var með mexíkósku ívafi sem er með því betra sem Viktoría fær. Kökurnar sem var boðið upp á eftir matinn voru kransakaka sem við mæðgur gerðum saman á námskeiði hjá föðurömmu hennar, föðuramman gerði svo kransatoppa, móðuramman útbjó Rice Krispies kransaköku og bita, mágkona mín gerði fermingarkökuna sem var með þeim fallegri kökum sem ég hef augum litið – súkkulaðikaka með smjörkremi. Einnig vorum við með makkarónur sem við pöntuðum hjá Lindu Ben, meira HÉR. Við vorum með þrjár tegundir af makkarónum – ljós bleikar með vanillu fyllingu, svartar með lakkrís fyllingu og hvítar með saltkaramellu fyllingu.

 

img_7584

Borðskreytingarnar voru einfaldar og stílhreinar. Afskorin blóm, þykkblöðungar, krukkur skreyttar með blúndu, smá nammi og marmara servíettur og borðrenningar. Við fengum allar servíettur, borðrenninga og kerti að gjöf frá Ölgerðinni – en ég veit að þið getið fengið þessar ótrúlega fallegu marmara vörur í Stórkaup í Skeifunni

img_7588

img_7606

Fermingarbarnið klárt í daginn.

img_7786

Sara og Tinna, sem rífast alla daga eins og góðum systrum sæmir en elska líka hvor aðra ofur heitt

img_7809

Tinna

img_7699

Fermd!

5

Helena vinkona sá um að hárið

img_7697

Ömmurnar tvær klæddu sig í sitt fínasta púss, peysuföt og upphlut í athöfninni og mikið voru þær fínar

img_7194Mæðgur

6

Mexíkó fiesta að ósk fermingarbarnsins. Ein últra mega dugleg vinkona okkar sá um allan matinn sem sló rækilega í gegn.. lasagne, nachos skál, guacamole, snakk, salsasósa, brauð og allskonar gúmmelaði. Bragðlaukarnir dönsuðu af gleði!!

img_7776

Maríanna mágkona mín og kökusnillingur bakaði fermingarkökuna og VÁ get ég sagt ykkur.. hún er ekki bara falleg, hún var líka mega bragðgóð.

img_7789

Makkarónur frá Lindu Ben… mæli svoo eindregið með henni, finnið meira um þessar dásamlegu makkarónur HÉR.

img_7891

9Stoltir foreldrar og fermingarbarnið

img_7827

Afgangaát út vikuna.. ég tek það á mig!

 

Ef þið hafið einhverjar spurningar tengdar þessu, þá ekki hika við að hafa samband.

 

HDan

HEIÐARBRAUT – FYRIR & EFTIR

HEIMAHEIMILIPERSÓNULEGT

Jæja ég held það sé alveg komin tími á fyrir og eftir blogg af nýja húsinu okkar sem ég hef jú gefið ykkur smá innsýn í hérna á blogginu.

Við fluttum inn laugardaginn 11. mars og erum búin að koma okkur mjög vel fyrir, hérna líður okkur öllum rosalega vel og mér finnst eiginlega pínulítið eins og ég hafi alltaf búið hérna. Það eru nokkur smáatriði ókláruð en það er líka bara gott mál, maður þarf ekki að gera allt í einu. Okkur langar líka að finna okkur aðeins betur í húsinu áður en við hengjum upp allar myndir, platta og annað slíkt.

Viðbrögðin við þessum framkvæmdum okkar voru hreint út sagt frábær, mjög margir fylgdust með “í beinni” á snapchat og ansi margir ráku reglulega inn nefið og fylgdust með. Ég var líka mjög dugleg og er reyndar enn að setja inn myndir af heimilinu okkar á Instagram.. @hrefnadan .

 

Baðherbergið fyrir & eftir

Inni á baðherbergi tókum við innréttinguna, spegilinn og ljósin sem fyrir voru niður. Við settum inn skáp sem ég fann í Ikea sem er ekki ætlaður inn á baðherbergi, mér fannst hann bara smellpassa inn í hugmyndina að hönnuninni á rýminu. Palli og vinnufélagi hans söguðu svo skápinn til svo hægt væri að setja handlaugina ofan á hann og koma fyrir lögnunum. Dúkurinn var málaður svartur sem og framan á baðkarið og veggurinn þar fyrir ofan. Það kom aldrei neitt annað til greina en að setja hringspegil þarna inn og við völdum þennan frá Ikea, veggljósið er frá Brauhaus.

img_6233
img_7508

 

Eldhúsið fyrir & eftir

Í eldhúsinu fórum við í mestar breytingar, þar brutum við niður skápa, tókum út eldavélina, viftuna og vaskinn. Við brutum niður flísarnar á milli, tókum borðplötuna og skrúfuðum höldurnar af öllum skápum. Því næst tókum við allar skápahurðarnar af og filmuðum framhliðina á þeim ( eða réttara sagt filmaði meistarinn Eyþór Óli fyrir okkur), máluðum svo kantana og bakhliðarnar með svartri akrýlmálningu. Sett var ný borðplata og keypt inn ný tæki, nýr vaskur og blöndunartæki. Höldurnar keyptum við í Ikea og ég spreyjaði þær mattar svartar með Montana spreyji. Punktinn yfir i-ið setur svo veggljósið sem við settum upp sem vinnulýsingu.

img_7369

img_7390

img_7367

img_7364

 

Stofan fyrir & eftir

Í stofunni skrúfuðum við niður allar gardínustangir, máluðum sólbekkina hvíta og gluggana. Veggina í stofunni og borðstofunni máluðum við með litnum Nóvember frá Slippfélaginu. Við settum líka rósettur í loftinu í þessum rýmum. Við parketlögðum nýtt parket yfir það sem fyrir var.

Með því að mála veggina í dökkum lit drógum við fram fallegu smáatriðin sem skrautlistarnir eru.

img_7370

img_7296

 

Forstofan fyrir & eftir

Í forstofunni lögðum við parket yfir flísarnar, eins og við gerðum líka í eldhúsinu, stofunni og borðstofunni. Parketið sem við völdum okkur heitir Colorado Oak og við fengum það hjá Byko. Við máluðum alla veggi (að undanskildum stofunnni og borðstofunni) í húsinu með litnum Rut Kára frá Slippfélaginu og loftin máluðum við með Arkitektarhvítum einnig frá Slippfélaginu.

img_7371

img_7366

 

Svefnherbergið okkar fyrir & eftir

Í svefnherberginu máluðum við veggi og loft og settum rósettu í loftið

img_6464

img_7272

 

Borðstofan fyrir & eftir

Í borðstofunni tókum við niður gardínustöngina og máluðum veggina með litnum Nóvember eins og ég talaði um áður og parketlögðum. Einnig settum við rósettu í loftið þar.

img_6284

img_7404

img_7808

 

Framkvæmdirnar gengu ótrúlega vel og eins og ég hef talað um á öðrum miðlum þá er Palli hetjan mín, hann var algjörlega vakinn og sofinn yfir þessu verkefni okkar og stóð sig alveg hreint frábærlega. Árangurinn lætur ekki á sér standa og útkoman er draumi líkust, við erum í sæluvímu með þetta allt saman og okkur líður öllum ótrúlega vel hérna.

Við fengum líka heilmikla hjálp frá frábæru fólki og erum þeim sem ótrúlega þakklát, við eigum sko aldeilis góða og yndislega fagmenn að. Allir voru tilbúnir að leggja sitt af mörkum sem við leituðum til og það er svo magnað!!

Við versluðum alla okkar málningu og allt sem málningarvinnunni tengdist í Bresabúð hérna á Akranesi og það sem þeir nenntu að elta vitleysuna í mér. Ég er jú ekki auðveldur kúnni alltaf hreint og vildi stundum fara aðeins flóknari leiðir og gera eitthvað sem kannski ekki allir vilja gera. En alltaf gerðu þeir allt og betur en það.. ég mæli 100 % með þeim öllum félögum í Bresabúð!

– Ef það er eitthvað fleira sem þið viljið vita um framkvæmdirnar, einhverjar spurningar sem kvikna hjá ykkur þá endilega sendið á mig. Ég reyni eftir fremsta megni að svara.

 

HDan

MY NEW HOME – PART II

HEIMAHEIMILIHUGMYNDIRPERSÓNULEGT

Ég vil bara byrja á að þakka ykkur sem fylgdust með mér á Instagram stories hjá @trendnetis í gær samfylgdina, ég fékk mjög góðar viðtökur og hafði mikið gaman af.

Jú ég var sem sagt með take over á Instagram stories og leyfði fólki að skyggnast á bakvið tjöldin í nýja húsinu, sýndi fallegu smáatriðin sem leynast víða, sagði aðeins frá framkvæmdunum og fór hústúr þar sem ég sýndi frá hverju rými. Einnig kíkti ég við á mínum uppáhalds antíkmarkað sem er jú bara staðsettur rétt hjá nýja húsinu, nánar tiltekið á Heiðarbraut 33.

En aftur að húsinu okkar, því þar hefur jú mikið gerst síðustu daga. Páll er búin að standa sig svo ótrúlega vel, hann er algjörlega vakin og sofin yfir þessu verkefni okkar og ykkur að segja þá er hann hetjan mín. Hann vinnur fullan vinnudag, fer beint á fótboltaæfingar, borðar smá og beint upp í hús og þar er hann fram til miðnættis. Árangur þessarar miklu vinnu er líka svo að skila sér og eins og staðan er í dag á Heiðarbrautinni þá stefnum við á að flytja inn á fimmtudaginn. Ég spring úr spennu!!

Ég ætla að að koma með fyrir og eftir póst af húsinu þegar við erum flutt inn og búin að koma okkur fyrir, en núna ætla ég að láta nægja að sýna ykkur nokkrar myndir…

img_6976

img_6979

Við máluðum handriðið svart og það kemur mega vel út – gerir ótrúlega mikið fyrir rýmið

img_6790

Þarna leynast svalir drauma minna – mig hefur dreymt það í mörg ár að hafa svalir út af svefnherberginu og sá draumur rætist á Heiðarbrautinni

img_6985

Veggirnir í stofunni og borðstofunni voru allir málið gráir, okkur langaði að draga fram fallegu smátriðin í rýminu og það tókst – liturinn heitir Nóvember og er frá Slippfélaginu, við fengum okkur í Bresabúð á Akranesi þar sem við versluðum alla okkar málningu

img_7036

Rósettur gera gæfumuninn finnst mér

img_6868

img_6843

Ég er aðeins byrjuð að skreyta heimilið, bara smá!

 

img_7065

Við tókum þá ákvörðun að mála dúkinn upp á baði svartan og útkoman er þessi, það á reyndar eftir að mála hvíta listann þegar þessi mynd er tekin – ég fór yfir þetta ferli og sagði frá efnunum sem við notuðum á snapchat í gær

img_7054

Gömul eldhúsinnrétting fær nýtt líf – við ákváðum að fá okkur svarta innréttingu og fyrsta hugsun var að filma allar hurðar í bak og fyrir en svo fengum við brilljant hugmynd. Við ákváðum að mála bakhliðar og kanta með svartri akrýl málningu (sömu málningu og við notuðum á handriðið) og þá kemur bara filma á framhliðina. Töluvert auðveldara og kemur ótrúlega vel út.

 

Eins og ég sagði ykkur áður þá er ég með opið snapchat (hrefnadan) þar sem ég leyfi fólki að fylgjast með framkvæmdunum og á Instagram @hrefnadan set ég mjög reglulega inn myndir frá húsinu.

En næst þegar ég blogga verður það vonandi í vinnuaðstöðunni minni í nýja húsinu x

 

HDan

MY NEW HOME – DETAILS

HEIMAHEIMILIINSTAGRAMPERSÓNULEGT

Jæja við erum komin með lyklana af Heiðarbrautinni í hendurnar og þar er allt á fullu spani. Við erum búin að brjóta niður innréttingar, rífa niður hillur, skápa, gardínur, gardínustangir, veggfóður og margt fleira. En við erum svo sem ekkert að gera húsið fokhelt, við erum meira bara að gera það að okkar. Þessa dagana er verið að sparsla neðri hæðina og mála efri hæðina.

Ég hef aðeins verið að leyfa fólki að fá innsýn í ferlið á snapchat (hrefnadan) og vá undirtektirnar hafa verið frábærar inni á þeim miðli. Okkur finnst það ákveðin hvatning fyrir okkur að leyfa öðrum að fylgjast með og svo er alls ekki verra að fá pælingar og pepp frá fólkinu sem fylgist með.

Ég hef líka síðustu daga verið að setja inn myndir á Instagram (@hrefnadan) .. húsið er yfirfullt af fallegum detail-um sem heilla augað og ég elska að mynda þá. Ég er búin að mynda marga þeirra frá fleiru en einu sjónarhorni, enda algjör detail-a perri. Þessar myndir að neðan eru af Instagram…..

img_6181

Skrautlistinn í loftinu í stofunni – hann var steyptur í loftið í kringum 1960, húsið er byggt 1956

img_6298

Hringgluggi við stigann

img_6284

Allt út um allt – þetta er opið inn í forstofuna og þar ætlum við að setja gerefti í kringum

img_6386

Gluggarnir í herbergjum Viktoríu og Tinnu eru mega fallegir

img_6423

Stigahandriðið – við ætlum okkur að mála það ….. (þið megið giska!)

img_6464

Undir súð – þetta er inni í svefnherberginu okkar

img_6473

Detail-ar í horninu hjá litla baðinu

Ég er ennþá að klípa mig í kinnina og sjá hvort ég vakni ekki af þessu draumi, því jú þetta er hús drauma minna. Gamalt hús með góða sögu, falleg smáatriði, vel byggt og á frábærum stað.. hvað er hægt að biðja um meira.

En við stefnum á að flytja fyrstu helgina í mars, svo áfram við!

 

HDan

HELGIN

DRESSHELGININSTAGRAMPERSÓNULEGT

Kaffibolli og dýrindis þreföld lakkríssprengja (bóndadagskaka Kára bróðir), tvöföld afmælisveisla, fótbolti, partý, þorrablót, bröns, göngutúr, kaffiboð, samvera og almenn kósýheit – jú þetta er ágætis útdráttur á helginni minni!

img_5141

Kári bróðir er einstaklega vel giftur maður og Maríanna konan hans er sannkallaður kökusnillingur – hér að ofan höfum við bóndadagskökuna hans Kára, þreföld lakkríssprengja. Kakan var ekki bara falleg, því hún bragðaðist líka mega vel

img_5146

Uppáhalds buxur

img_5163

peysa – H&M / skyrta – Zara / buxur – Asos / skór – Kaupfélagið

img_5177

“Bolurinn” (sem ég fékk ansi margar fyrirspurnir um) er kjóll sem ég fann á útsöluslá í versluninni Ozone hérna á Akranesi. Ég tók mér skæri í hönd, klippti kjólinn og bjó mér til bol.

img_5209

Hjónin tilbúin á þorrablót Skagamanna

img_5204

Þessi er í uppáhaldi, yndið hún Dúna

img_5223

Sunnudagsbrönsinn var á sínum stað.. bakarísmöns að þessu sinni

img_5231

Spenntust þessi tvö

img_5235

Fyrsta uppstillingin af mörgum fyrir fram þetta hús!

img_5236

#fyrirbirnu

Ágætis helgi sem leið alltof hratt, eins og flestar helgar!

Þið finnið mig á Instagram @hrefnadan

HDan

NÝTT TEPPI & NÝTT HÚS!

HEIMANEW INPERSÓNULEGT

Það hefur ekki farið fram hjá neinum sem hefur lesið síðustu þrjár bloggfærslur frá mér að mig er búið að dreyma um að eignast gróft teppi. Ég var komin það langt með þennan teppadraum að tengdamamma mín og frænka voru farnar að hjálpa mér að leita að uppskriftum og efni í teppið.. sem gekk þó ekki alveg nógu vel.

En viti menn, það borgar sig stundum að blogga um hluti sem manni langar í því eftir þessa tíðu umfjöllun mína um teppin hafði samband við mig kona. Hún sagði mér að hún ræki vefverslun sem ber heitið kreo.is og í þeirri ágætu verslun væri teppi drauma minna til sölu, handunnið úr 100 % ull. Við ræddum aðeins málin og hún sagði mér að Kreó væri vefverslun sem opnaði í nóvember á síðasta ári. Þau eru að þreifa fyrir sér varðandi vöruúrval en finnst mikilvægt að vanda valið vel hverju sinni. Helstu markmið þeirra er að auka vöruúrvalið á Íslandi og að eiga sem ánægjulegust samskipti við viðskiptavini sína – frábær markmið finnst mér!

Ég valdi mér teppi hjá þeim og fyrir valinu varð steingrátt teppi í stærðinni 100×200, sjá HÉR

img_4877

Teppið kemur ótrúlega vel út í stofunni okkar, það verður þó ekki alltaf upp á punt í þessum stól. Helsta hlutverk þess verður að halda á okkur hita í sófanum en það skemmir ekki fyrir hversu fallegt það er og mikið prýði.

img_4880

Já og í sambandi við þessar endalausu heimilisfærslur mínar, ástæðan fyrir þeim er mjög spennandi og skemmileg get ég sagt ykkur. Ég og Palli keyptum okkur einbýlishús í gær. Húsið er hérna á Akranesi, ótrúlega fallegt eldra hús (byggt 1956) á besta stað í bænum og við getum ekki beðið eftir því að flytja inn!

Ég efast sko ekki um að nýja fína teppið eigi eftir að taka sig vel út í nýja húsinu.

 

HDan

JÓLIN

INSTAGRAMJÓLPERSÓNULEGT

Gleðilega hátíð elsku þið xx

Mikið vona ég að þið séuð búin að hafa það ótrúlega ljúft og gott með ykkar nánustu, borða yfir ykkur, njóta augnabliksins og kósa ykkur. Það er allavega nákvæmlega það sem ég er búin að gera og vel af því!

 

img_3985

Love is all around

img_3935

Tinna lék engil Drottins í Jólaguðspjallinu í skólanum

img_3981

Sælla er að gefa en þiggja..

img_4052

Tinna fagnaði 8 ára afmæli á Þorláksmessu

img_4023

Jólablómin

img_4093

Árlega Þorláksmessuröltið um miðbæinn

img_4105

Aðfangadagsmorgun skartaði sínu fegursta

img_4151

Náttfatajólin okkar fjölskyldunnar voru mega kósý.. ég skartaði þessum fallega náttfatasamfesting sem ég sagði ykkur frá HÉR

img_4164

Úti að leika á Jóladag

Instagram stories – ég er virkari þar en á Snapchat!

img_4192

Jólafjölla.. fólk mismikið að nenna þessari myndatöku!!

img_4213

Kaffi, trufflur og bókin sem var á mínum óskalista fyrir jólin.. jólasveinninn þekkir sína

 Þessar myndir eru allar af Instagram, ykkur er velkomið að fylgja mér þar @hrefnadan

 

HDan

ÞESSI FALLEGI STAÐUR – ÁLAFOSSKVOS

DRESSINSTAGRAMPERSÓNULEGT

Ég og Palli fórum í smá Reykjarvíkurferð tvö saman um daginn og vorum að erindast allskonar, fundur, jólagjafastúss og smá búðarráp..sem er alls ekki í uppáhaldi hjá mínum manni!

Í lok ferðarinnar þegar við vorum á leiðinni heim ákvað Palli að stoppa í Álafosskvos í Mosfellsbæ. Sá staður er pínu staðurinn okkar, því þegar við vorum nýbyrjuð að deita bauð Palli mér út að borða í Reykjavík og á heimleiðinni sagðist hann vilja bjóða mér á ótrúlega flottan stað í göngutúr (rjóminn hann Páll). Ég var nú ekki alveg viss í fyrstu íklædd hælaskóm og léttum jakka en þegar á staðinn var komið þá lét ég undan og sá sko ekki eftir því.

Ég vissi ekki af þessum stað fyrr en þetta kvöld og við höfum núna 15 árum seinna stoppað óteljandi oft þarna og það er alltaf jafn gott að koma þarna.

photo-20-11-2016-15-57-11

Það var einstaklega fallegt í Álafosskvos þennan tiltekna dag, himininn skartaði sínu fegursta og frostið beit kinn. Við röltum saman um svæðið, ég tók slatta af myndum og minn persónulegi ljósmyndari smellti af nokkrum myndum af undirritaðri.

photo-20-11-2016-15-55-40

photo-20-11-2016-15-55-37

photo-20-11-2016-15-54-13

jakki – Búkolla nytjamarkaður / peysa – Vila / gallabuxur – Zara / sokkabuxur – Oroblu /

skór – Asos / húfa – Tiger

Ég mæli með því að þið kíkið við á Instagram hjá mér, þar er ég með aðventuleik í samstarfi við Gjafavöruverslunina @home – þið finnið mig undir hrefnadan … einn, tveir og taka þátt!

 

HDan

 

HALLÓ TRENDNET!

HÖNNUNINSTAGRAMPERSÓNULEGTTÍSKATRENDNET

Ég heiti Hrefna Dan og er nýr bloggari hérna á Trendnet.

Ég er 34 ára (aldursforsetinn í hópnum skilst mér!), gift honum Páli og við eigum þrjár stelpur – Viktoríu (13), Söru (10) og Tinnu (7). Við búum á Akranesi þar sem ég vinn á fasteignasölunni Hákot og í hlutastarfi hjá Akraneskaupstað. Ég er forfallinn sætindagrís sem finnst mega næs að vera í góðum hópi vina með sætindi í annarri og gott rauðvín í hinni en svo er ég líka háklassa sófakartafla sem er með eindæmum heimakær.

photo-19-11-2016-13-04-14

Þið kannist kannski einhver við mig úr bloggheimnum þar sem ég hef haldið úti mínu eigin bloggi síðastliðin fjögur ár á www.hrefnadaniels.com og á þar skemmtilegan lensendahóp sem vonandi fylgir mér hingað yfir. Ég ákvað eftir litla umhugsun að slá til þegar mér bauðst að verða bloggari á Trendnet, það hljómaði mjög spennandi að fá að tilheyra þessum fjölbreytta og flotta hóp af bloggurum.

photo-20-11-2016-15-55-40photo-07-10-2016-12-28-52

photo-16-08-2016-15-33-12 photo-01-08-16-13-03-40

Ég hef mikinn áhuga á fallegri hönnun, öllu sem viðkemur heimilum, tísku og ljósmyndun. Færslurnar mínar á blogginu verða mikið tengdar þessum áhugamálum. Ég leyfi mér lika að vera á persónulegu nótunum með ykkur og fjalla þá auðvitað um fjölskylduna og fleira tengt mínu lífi.

photo-14-10-2016-09-40-14-1 photo-22-10-2016-15-48-21-1

photo-08-07-2016-11-22-45 photo-17-11-2016-10-31-30

Annars hlakkar mig bara mega mikið til að hefja þennan nýja kafla í blogglífinu, sem bloggari hérna á Trendnet. Spennandi og skemmtilegir tímar framundan!

Þið finnið mig á Instagram/ hrefnadan og  Snapchat/ hrefnadan

-HDan