BANANAPÖNNSUR

BRÖNSDAGSINSSÆTINDI

Þegar ég hef nægan tíma á morgnana og er í stuði, finnst mér ótrúlega gaman að útbúa mér góðan morgunverð.

Í morgun skellti ég í bananapönnukökur sem klikka aldrei og í þetta skipti ákvað ég að skreyta þær með allskonar gúmmelaði. Oftast borða ég þær bara með smjöri og bönunum en þetta var miklu betra!

Bananapönnsur:

1 banani

1 egg

1/2 dl haframjöl

1/2 tsk kanill

smá salt

Ég er með pönnuna á meðalhita og set smá kókosolíu eða íslenskt smjör á hana til að þess að pönnukökurnar festist ekki við og verði meðfærilegri í bakstrinum.

Ég skreytti pönnukökurnar með banana, möndlum, kókosmjöli og döðlusýrópi.

Mæli með….

HDan

BRÖNS

BRÖNSINSTAGRAMPERSÓNULEGT

Við fjölskyldan erum með eina ótrúlega skemmtilega hefð á uppáhalds vikudeginum okkar sunnudegi – bröns. Við hjálpumst öll að við að útbúa brönsinn og skiptum með okkur verkefnum. Þetta er ótrúlega gaman og ég mæli svo eindregið með því að allir fái að taka þátt í ferlinu, bara það að fá að skera niður ávextina gerir þetta allt miklu skemmtilegra upplifun fyrir börnin. Það sem mér finnst skemmilegast við þetta er samveran, þarna erum við saman fjölskyldan og spjöllum um allskonar og ekkert og höfum gaman saman. Það er svo ótrúlega dýrmætt í amstri dagsins að eiga gæðastundir með fólkinu sínu!

Ég er mjög dugleg að deila brönsgleðinni með fylgjendum mínum á Instagram (@hrefnadan) og margir hverjir hafa boðað komu sína einhvern sunnudaginn… auðvitað allir velkomnir og þá er alls ekki verra ef viðkomandi grípur með sér eitthvað gott meðlæti á matarborðið!!

Nokkrar myndir frá okkar sunnudags bröns..

Mæli með bröns!

 

HDan