TRENDNET leggur áherslu á að halda í trúverðugleika síðunnar og þeirra blogga sem hún hýsir. Síðan var stofnuð árið 2012 og hefur frá upphafi lagt mikið upp úr traustu sambandi við lesendur.

TRENDNET hefur sett saman nokkra punkta sem mynda eins konar siðareglur síðunnar:

• TRENDNET er ekki ritstýrður miðill. Bloggarar TRENDNET eru frjálsir, óháðir og skrifa um það sem þeim sýnist samkvæmt eigin sannfæringu.

• TRENDNET birtir ekki kynningar frá fyrirtækjum eða selur færslur.

• Undantekning á þessu er ef um gjafaleiki í samstarfi við fyrirtæki er að ræða, þá er það tilgreint í færslunni og fer ekki framhjá lesanda.

• Hjá hverjum bloggara er að finna auglýsingapláss, til hliðar og undir hverri færslu, sem þeir hafa sjálfir möguleika á að selja.

• Fyrirtækið sem heldur utanum TRENDNET sér um að selja auglýsingaplássin á forsíðunni.

• Bloggarar TRENDNET merkja sérstaklega færslur sem unnar eru í samstarfi við fyrirtæki eða þar sem þeir hafa notið einhverskonar fríðinda, hvort sem um er að ræða til dæmis gjöf, greiðslu, afslátt eða gjafaleik. Þær eru merktar “samstarf” og hægt að sjá greinilega undir titli færslunnar. Það er á ábyrgð hvers og eins bloggara að koma þeim upplýsingum til skila.

*reglur síðast uppfærðar 3.10.2018