Gjafabolir og fleira.

BARNAVÖRURKATIE MÆLIR MEÐ

Í upphafi meðgöngunnar hélt ég að meðgöngufatnaður væri óþarfi. Ég sá alveg fyrir mér að ég kæmist í boli og annað slíkt.. þeir yrðu kannski í mesta lagi örlítið þröngir. Neibb. Ég þurfti bókstaflega að pakka fataskápnum mínum niður og kveðja fötin í langan tíma. Ég er ekki enn búin að taka sum upp, einfaldlega því ég passa ekki í þau.

Meðgöngufatnaður er ótrúlega góður. Það fyrsta sem mér dettur í hug þegar kemur að fatnaði á meðgöngu er orðið þægindi. Úff, allt sem þrýstir á (brjóstahaldaraspöng, þröngar buxur, þröngir bolir etc.) er bókstaflega HISTORY! Hælaskór? Bless. Jú sumar eru í þessu en ég set stórt spurningamerki við það. Ég gat ekki verið í neinu sem flokkaðist ekki undir kósíflokkinn.

Þegar ég áttaði mig á því að mín föt væru bara alls ekki að virka.. þá fór ég á fullt að reyna að finna meðgöngufatnað í Target og H&M. Það gekk svo illa.. að ég fann ekkert (nema gallabuxur).. og ég endaði með því að kaupa einn kjól í Marshalls sem var ekki einu sinni meðgöngukjóll. Hann var bara í extra large deildinni.. en ég þurfti að hætta að nota hann á 32. viku vegna óþæginda.

Jess. Ég átti ekkert.. nema hvað, þær hjá Tvö Líf höfðu samband við mig og buðu mér í heimsókn eins og ég hef áður skrifað um (sjá hér). Þær sögðu að ég yrði hreinlega að eiga gjafaboli.. sem var hárrétt hjá þeim. Ég er ennþá að nota þá!

screen-shot-2017-03-15-at-9-52-30-pm
screen-shot-2016-10-04-at-7-57-46-pm

Á efri myndinni er ég í þessum bol sem þær gáfu mér. Það sést ekki mikið í mig, enda var ég orðin eitthvað myndavélafælin undir lokin. Bjúguð fyrir allan peninginn. En ég fór í þessum bol á fæðingardeildina.. og heim af fæðingardeildinni. Liturinn er æðislegur og svo er efnið eitthvað extra mjúkt. Þær eiga bolina til í nokkrum litum. Ég mun geyma þennan bol fyrir næstu meðgöngu því hann er frábær. Fæst hér.

large-18

Eins fékk ég annan bol frá þeim.. en hann er of lógískur fyrir brjóstagjöfina. Toppstykkið sem hylur brjóstin er nefnilega flíseraður að innan. Fyrir þær sem ekki vita þá má manni alls ekki verða kalt á brjóstunum. Örlítill hrollur getur leitt til þess að maður missi brjóstamjólkina. Það vil engin nýbökuð mamma. Þessi “sweatshirt-bolur” er í enn meira uppáhaldi enda dúnmjúkur. Ég er bókstaflega búin að ofnota hann! Fæst hér.

505_black_02_01_lr_500_500_3

… ég er enn að nota meðgöngunærbuxurnar líka. Sorry, hljómar kannski illa fyrir suma.. en ég held ég noti þær bara út lífið. Allavega á nóttunni :)

screen-shot-2017-03-15-at-11-00-57-pm 16195368_1347253481962737_5818197619881891520_n

Svo langar mig að mæla sérstaklega með silkihúfunum frá þeim.. ég fékk eina í gjöf frá frænku minni & svona húfu verður hver einasta mamma/foreldri með ungabarn að eiga. Þær halda svo vel að.. svo haldast þær líka á sínum stað, hylja eyrun og ennið og lofta mjög vel að þau svitna ekki með hana. Ég nota hana oft eina og sér þegar hún fer í vagninn. Það þarf ekki meira – enda eru þær úr 100% silki. Ég hefði viljað vita af þessum húfum áður en ég átti hana, því ég fékk hana þegar hún var sex vikna og var í bölvuðum vandræðum með aðrar húfur fram að því.

Takk enn og aftur fyrir mig Tvö líf. Ég er enn að njóta :)

karenlind1

Október

FÖT

Í byrjun þessa árs fékk októbermánuður nýja merkingu fyrir mér.. en þá komst ég að því að ég væri ófrísk. Október væri mánuðurinn sem ég myndi líklegast eignast barn. Þvílík ferð sem þessir mánuðir hafa verið fyrir mér. Meðgönguferlið reyndist mér allt öðruvísi en ég hafði hugarlund um. Það reyndi oft meira á en minna en nú er kominn október og dagurinn nálgast eflaust hratt fyrir sumum, en ótrúlega hægt fyrir mér. Hver dagur er í slow motion, en þeir líða engu að síður.

Það er tæp vika í settan dag og ég fer með möntru “Vonandi geng ég ekki fram yfir”. Þessi bið sem ég hef margoft heyrt talað um er fyrir mér loksins orðin skiljanleg.. ég tengdi aldrei almennilega við “þessa eilífu bið”. Mörgæsina í öllu sínu veldi langar til að verða “ég” aftur.

Annars finnst mér haustið einstaklega heillandi og kósí. Fatnaðurinn höfðar sérstaklega til mín.. litirnir sömuleiðis. Ætli ég fari ekki heim í þessu af fæðingardeildinni?

Screen Shot 2016-10-04 at 7.36.15 PM

Nýjasta sjóarahúfan frá 66° úr 100% merino ull. Kemur í fjórum litum.

Screen Shot 2016-10-04 at 7.57.46 PM

Gjafabolur frá Tvö Líf. Í einum af mínum uppáhaldslitum.

Screen Shot 2016-10-04 at 8.20.23 PM

Barbour vax jakki. Fæst í Geysi.

Screen Shot 2016-10-04 at 8.38.29 PM

Ég gaf kærasta mínum þennan trefil í afmælisgjöf.. hann er vægast sagt of stór og of hlýr. Cashmere- og ullarblanda. Ég keypti hann “smá” með það í huga að ég gæti stolið honum og fengið hann að láni svona við og við. Frá Burberry.

Ætli ég verði ekki eitthvað aðeins lengur í meðgöngubuxunum sem ég keypti í H&M fyrr á árinu. Ég get rétt ímyndað mér að það taki smá tíma að losna við magann og allt dúlleríið sem fylgir meðgöngunni.

Screen Shot 2016-10-04 at 8.26.24 PM

Farmers Market sokkar eru tilvaldir við L.L. Bean skóna sem ég þrái að eignast fyrir veturinn.

d6b301dfbb5e3096ffd7d115011da3ff

L.L. Bean duck skórnir. Ég á afmæli bráðlega og óskaði sérstaklega eftir þeim frá betri helmingnum.

Guð hvað þetta er kósí outfit. Now come on out baby blue!

karenlind1