WANT : HLÉBARÐAPILS

Óskalistinn

Þetta er aldeilis ekki tískublogg – en mér datt í hug að það gæti verið skemmtileg tilbreyting fyrir mig ásamt ykkur að sjá annað en heimilistengt efni hér á blogginu. Þannig var það jú líka í upphafi, bland í poka af því sem heillar ♡

Ég hef alla tíð verið mjög veik fyrir hlébarðamynstri og gæti raunverulega klætt mig frá toppi til táar í hlébarðamynstraðan fatnað sem ég á til ásamt fylgihlutum haha. Sem ég lofa að gera aldrei. En eitt og sér er ekkert nema smart og núna er það hlébarðapils sem er efst á mínum óskalista. Ég eyddi dágóðum tíma á netvafri í gær og í símanum við valdar íslenskar fataverslanir með litlum árangri. Pilsið virðist ekki vera fáanlegt hér heima – látið mig vita ef þið vitið um – og það er einnig uppselt á langflestum vefverslunum sem buðu upp á slíkt, sérstaklega þessum ódýru.

Niðurstaðan er sú að ég ætla að deila með ykkur þremur flottum pilsum sem hægt er að versla.  Eitt þeirra er á leið til mín vonandi í tæka tíð fyrir sumarfríið ♡

Ganni – 239 €

Zara.com / fæst ekki á Íslandi  – 199 DKK

Inwear – 99 €

 

Þið megið endilega smella á hjartað hér fyrir neðan ef þið viljið fá svona færslur inná milli – annars held ég mig bara áfram við mitt sérsvið sem er heimilið ♡ Eigið góða helgi!

 

DAGDRAUMAR UM HINA FULLKOMNU ÍBÚÐ

Skrifa Innlegg

2 Skilaboð

  1. Halldóra

    29. June 2018

    Sammála, er búin að gera dauðaleit! Er Ganni pilsið til í Geysi? Var ekki til um daginn.