Grind í blómavasa er án efa ein mesta snilldin sem ég hef eignast og ef þið bara vissuð hvað ég hef beðið lengi eftir svona vöru. Algjört möst have fyrir alla sem elska fallega blómvendi og gerir blómagrindin þá bústnari og mikið flottari.
InVase blómagrindurnar fékk ég að gjöf en ég gæti ekki mælt meira með þeim og fást þær m.a. í Iittala búðinni, Vogue fyrir heimilið og í Epal.
“InVase er lítið fyrirtæki sem er staðsett í Malmö í Svíþjóð. David Neckmar blómaskreytir og stofnandi fyrirtækisins fékk þá sniðugu hugmynd að framleiða glærar grindur sem lagðar eru í botn blómavasa þannig að vendirnir verði aðeins bústnari og njóti sín sem best.”
Blómin á myndunum eru frá Samasem blómaheildsölu (opin fyrir öllum).
Það sem ég mun nota þessar grindur mikið, þessi í stærri vasanum er sveigjanleg og passar í marga ólíka vasa (ekki iittala) og sú minni er sérsniðin fyrir klassísku Aalto vasana og kemur í 3 stærðum.
Á fyrri myndinni má sjá hvernig blómin leggjast uppvið kantinn á vasanum og svo má sjá hvað þau raðast töluvert betur á seinni myndinni þar sem grindin er komin í.
– Smelltu hér til að sjá úrvalið frá InVase –
Takk fyrir lesturinn og eigið góðan dag:)
Stofnendur Ganni búa mjög smart og eru þau algjörlega óhrædd við að feta ótroðnar slóðir þegar kemur að hönnun heimilisins sem á jú einnig við heimsþekkta fatamerkið þeirra. Kóngablár stiginn, litríkar gardínur í ólíkum mynstrum, ljósbláir veggir og einstök listaverk og persónulegur og sjarmerandi stíll einkenna heimilið. Ástralska Vogue birti þessar myndir ásamt áhugaverðu viðtali við þau Ditte og Nicolaj, en til að lesa viðtalið og sjá fleiri myndir – smelltu þá hér –
Kíkjum í heimsókn,
Myndir : Enok Holsegård / Vogue Living
Svo einstaklega fallegt heimili.
Í sumarfríi með börnin þarf stundum að finna upp á skemmtilegri og nýrri afþreyingu til að hafa þetta dálítið spennandi þrátt fyrir að vera bara heima og reynir þá á hugmyndaflugið. Ég er með börn á aldrinum 2 og 7 ára svo þarfirnar þeirra eru ansi ólíkar en þó náum við þrjú oft saman í einhverskonar föndri eða skapandi dundi svo ég reyni að gera sem mest af því og mæli mikið með að skapa minningar á þann hátt.
Hvaða skemmtilega (heima) afþreying fyrir börn er í uppáhaldi hjá ykkur?
Hér má sjá pappakassahúsið sem við vorum að búa til við Bjartur og Birta, ótrúlega einfalt og skemmtilegt föndur sem hægt er að útfæra á milljón vegu. Jafnvel bara með einföldum skókassa og líka að gera hús fyrir dótakalla eða t.d. sveitabæ fyrir lítil plastdýr er góð hugmynd. Ég fékk stóran kassa gefins þegar ég átti leið í Epal í vikunni og spurði hvort þau ættu til utan af húsgagni… þau héldu það nú:)
Hér eru svo enn fleiri hugmyndir!
dav
Oft þurfa þessi yngri þó ekkert meira en bara smá vatn, hér er mín skotta að þrífa fyrir mig ávextina og gat dundað sér heillengi yfir því alsæl. Það var líka mjög gaman hjá okkur að bleyta chia fræ og lita með matarlit og búa til umhverfi fyrir risaeðlur og playmokalla umlukið vatni og múslí steinum. Börnin mín gleymdu sér heillengi yfir því dúlleríi, en það má sjá mynd af svipuðum leik í myndasafninu hér að ofan.
Vona að þið eigið góða helgi!
Jahérna… allt í einu er liðið heilt ár án sykurs og reyndar lengra þar sem það var í byrjun apríl 2021 þegar ég ákvað að taka út hvítan sykur og þessi færsla því verið lengi í fæðingu!
Fyrstu mánuðina var ég frekar upptekin af þessum nýja lífstíl og las vel utan á matarpakkningar og var reglulega að prófa nýjar uppskriftir en í dag er ég minna að spá í þessu enda löngu komið í vana. Og það er í rauninni ekkert sem ég sakna sem inniheldur sykur þar sem ég hef komist að því að það er til endalaust úrval af ljúffengu sykurlausu góðgæti. Og er ég mjög dugleg að smakka allt nýtt í búðinni án viðbætts sykurs sem er nýtt og skemmtilegt “hobbý” hjá mér haha.
Þið ykkar sem hafið áhuga að prófa þá lofa ég ykkur því að um leið og sykurinn er kominn úr kerfinu ykkar þá er þetta ótrúlega auðvelt. Og tekur ekki nema örfáa daga. Ég tek það þó fram að ég er ekki neinn sérfræðingur og er bara að deila því sem reynist mér vel. Lykillinn er að vera vel vopnuð af allskyns gúmmelaði án sykurs þegar nartþörfin bankar upp á fyrst um sinn. Ég skrifaði reyndar fína bloggfærslu um þetta sl. haust sem hægt er að lesa með því að smella hér og ég stend enn við hvert einasta orð sem þar stendur ♡ Ég hef einnig útbúið flokk hér á blogginu “Matur og bakstur” þar sem finna má nokkrar uppskriftir sem ég gríp oft í. Einnig er ég með highlights á Instagram þar sem ég deili stundum uppskriftum / Instagram @svana.svartahvitu
Ég elska að geta borðað allt það sem mig langar í hvort sem það séu pizzur, brauð, kökur, ís og súkkulaði án samviskubits (sem ég fékk oft áður – ps. auðvitað á engin/n að hugsa þannig.) En ástæða þess hve lengi ég var að fást til þess að skrifa þessa færslu er að ég vil ekki gefa neinum rangar hugmyndir og að einhver lesandi haldi að það þurfi að neita sér um eitthvað, hvað þá ef það er matur sem lætur þér líða vel ♡
Ég er ekkert í megrun og er nánast í fyrsta skipti í lífinu laus við allar slíkar pælingar og það eitt og sér er mesti sigurinn fyrir mig. Ég spái ekki í vigtinni og stíg helst aldrei á slíka en finn að mér líður betur á líkama og sál eftir undanfarna mánuði. Ég borða allskyns gúrme mat alla daga og eitthvað úr nammiflokknum oft í viku án þess að finnast ég nokkurn tíman vera að “svindla” eins og var búið að stimpla rækilega í hausinn á mér.
“Ég hef í gegnum tíðina verið voðalega holl inná milli og leyft mér um helgar þá bragðaref, snúð og álíka og svo mánudeginum eftir helgi átt erfitt með að “rétta mig af” eða jafnvel þyngst því líkaminn sækir ennþá í sykruð matvæli og blóðsykurinn í ójafnvægi með tilheyrandi þreytu. Það hentar mér því langbest hef ég fundið út að borða einfaldlega það sem ég vil (án sykurs), þegar ég vil.” // Tekið úr færslu frá ágúst 2021.
Ég viðurkenni vel að á sl. ári hef ég verið í þannig aðstæðum að ég hef fengið mér eitthvað örlítið með sykri í en þó teljandi á fingrum annarrar handar. T.d. kanilsnúð hjá ömmu minni… því lífið er alltof stutt til að missa af síðasta snúðnum hennar ömmu og engin matarkúr er þess virði. Enda á ég ekki ömmu á lífi í dag ♡ Einnig ákvað ég að ég myndi undanskilja áfengi frá þessum lífsstíl – tek það þó fram að það hentar mér þar sem ég drekk afskaplega sjaldan áfengi en þá við góð tilefni sem ég vil enn geta skálað fyrir. En hver og ein/n fer bara sína eigin leið.
En fyrir utan það að missa allan áhuga á megrun og megrunartali (þá lokast eyrun mín):) þá tók ég líka þá ákvörðun að hætta að segja nei við myndatökum sem var mjög frelsandi, og að vera bara… æ smá meira sama um útkomuna. Jiminn hvað það er mikið skemmtilegra þannig! Myndirnar hér að neðan eru svo þar sem ég er alsæl í nýjum kjólum sem ég leyfði mér í tilefni þess hvað það er gaman að vera til:)
Ég vona að þú lesandi góður gerir bara hreinlega bara það sem lætur þér líða vel – og ef þig vantar ráðleggingar með eitthvað þá er þér velkomið að skilja eftir athugasemd hér að neðan eða senda mér skilaboð. Ég fæ oft fyrirspurnir um hvað ég er að borða á daginn… það gæti verið forvitnilegt að taka það saman ef áhugi er fyrir slíku:)
Mynd : Aldís Pálsdóttir
Bleikur kjóll: AndreA og fjólublár kjóll keyptur í Magasin du Nord.
Takk kærlega fyrir lesturinn ♡
Fylgstu endilega með á instagram @svana.svartahvitu
Danski hönnuðurinn og glerlistakonan Helle Mardahl er engum lík en hún skapar svo fallega og litríka muni sem eru nánast eins og konfekt fyrir augun. Ég kom við á sýningunni hennar Helle Mardahl á 3 days í Kaupmannahöfn og heillaðist alla leið upp úr skónum, þvílíkur draumaheimur sem hún hafði skapað þar sem glerlistin hennar flæddi um öll rými í stórkostlegum uppstillingum og fallegir litir og blóm gerðu þessa upplifun enn meiri.
Mig hefur lengi dreymt um að að eiga verk eftir Helle og bonbonniere skúlptúrinn er þar efst á lista. Svo fallegt – en fyrir áhugasama þá fæst Helle Mardahl hér heima hjá Vest.
Orkideur eru einstaklega falleg blóm en hingað til hefur mér ekki tekist vel að halda þeim lengi á lífi. Ég leitaði því til fylgjenda á Instagram um ráð til að halda þeim lifandi og fékk send nokkur góð ráð varðandi hversu oft á að vökva þær.
/ Mynd tekin í Samasem
Til að byrja með þá gladdi það mig að mér var bannað í versluninni að kaupa hefðbundinn keramík blómapott undir Orkideurnar og var vinsamlegast bent á að kaupa glæran pott ef ég ætlaði að halda þeim á lífi. En Orkideurnar og glæru pottarnir eru frá Samasem (fékk í gjöf). Ég fékk augljóslega valkvíða hverja ætti að velja og tók 3 liti sem mér finnst gefa heilmikið líf á heimilið.
Það er þó víst ekki nóg að hafa rétta blómapottinn því það þarf að vökva þessar elskur rétt. Mælt var með því að fylgjast með rótunum í pottinum og plantan er þyrst þegar ræturnar eru grá/silfurlitar. “Aldrei á að hella vatni ofan frá heldur að láta pottinn sitja í vatni t.d. í klst 1x í viku eða eftir því hvernig ræturnar eru. Orkidean er sátt ef ræturnar eru grænar og bústnar og potturinn verður þyngri. Þegar blómin klárast má klippa stöngulinn niður að neðsta auga eða hnúð ef hann er farinn að gulna og fölna. Og nýjir stönglar koma aftur með reglulegu millibili.”
Ráð fengin undir Instagram mynd – smella hér til að sjá-
Er veisla framundan? Eitt það skemmtilegasta við það að undirbúa veislu eru skreytingarnar sem oft fylgja og að leggja á borðið að mínu mati, en þrátt fyrir að þú ætlir ekki alla leið með blöðrum og einhverskonar þema þá má einnig skreyta á látlausari hátt. Hér má sjá ótrúlega einfalda og smekklega skreytingu ef svo má kalla, sem gerir þó svo ótrúlega mikið fyrir stemminguna. Blómaklakar sem eru mjög auðveldir í útfærslu og allir ættu að geta gert á sinn hátt.
Þetta þarf ég að prófa –
Litríkur pastelheimur Christina Krabbe heillar og það er varla annað hægt en að gleðjast smá yfir svona skemmtilega innréttuðu heimili. Hér fá bjartir litir að njóta sín og sjarmerandi gömul viðarhúsgögn hafa verið máluð í litríkum pastellitum, bláum, gulum, bleikum, fjólubláum og grænum!
Kíkjum í heimsókn til Christina Krabbe sem heldur úti skemmtilegri instagramsíðu @glimtvist
Hér gæti ég hugsað mér að búa –
Þessi litli sæti borðkrókur inni hjá dóttur minni hefur slegið rækilega í gegn og elskar lillan mín að sitja þarna og bjóða mér upp á kaffibolla og meðlæti. Nofred hönnunarmerkið er í miklu uppáhaldi hjá mér en það var ást við fyrstu sýn þegar ég sá Mouse stólinn í fyrsta sinn, þessi krúttlegu “eyru” sem bak stólsins eru eitthvað svo ótrúlega sjarmerandi. Við áttum áður stólinn í hvítum lit ásamt borði í stíl svo það gladdi mikið að vera boðið samstarf við Nofred og Epal og bæta við litlum eikarstól sem samstundis færði mikla hlýju inn í herbergið.
Sjá þessa krúttdömu sem segir núna alla daga “mamma sita” og elskar hún að sitja þarna og dúlla sér.
Herre gud… ég veit ekki um krúttlegri barnahúsgögn. Fyrir áhugasama þá er spegillinn inni hjá Birtu Katrínu líka frá Nofred (samstarf). En allar upplýsingar um húsgögnin finnur þú hér. Jiminn ég get nánast ekki beðið eftir að lillan mín vaxi upp úr barnamatarstólnum sínum svo hún geti eignast Mouse matarstól sem mér þykir alveg töluvert fallegri en þessir hefðbundnu matarstólar …
Beige beige beige…
Klassíska Vipp tunnan og fylgihlutir í beige lit er ekkert smá flott en þessi splunkunýja útgáfa er í raun endurútgáfa af upprunalega litnum sem Holger Nielsen valdi á fyrstu tunnuna sem hönnuð var árið 1939 – og ber liturinn heitið Holger’s beige! Ég er að elska þennan lit, back to beige ♡
Myndir : Vipp
