Haustið er góður tími til að breyta smá til – hér eru fallegir hlutir sem heilla mig að þessu sinni og munu færa smá haustblæ á heimilið ♡ Ég er alveg bálskotin í nokkrum hlutum hér að neðan, eiginlega flestum þeirra…
Helle Mardahl glermunir frá Vest. / Fountain skál frá Ferm Living. / Oiva Toikka værðarvoð frá iittala. / Bastkarfa frá Humdakin – Epal. / Ný eldföst mót frá Royal Copenhagen. / Watt og Weke loftljós frá Dimm. / Rico hægindarstóll frá Ferm Living. – Epal. / Klassísk rósetta sem umbreytir rýminu frá Sérefni. / Haust ilmkerti frá Haf store. / Oiva Toikka iittala hlébarða púði – ibúðin. / Helle Mardahl glermunur frá Vest. / Vegg eða gólfmotta frá Cappelin Dimyr úr Dimm.
Litríku glermunirnir eftir Helle Mardahl eru með því allra fallegasta sem ég hef augum litið og ef það á einhvern tímann við að eitthvað sé eins og konfekt fyrir augun – þá er það núna! Helle Mardahl er dönsk glerlistakona og hönnuður sem skapar ótrúlega fallega og litríka muni eða öllu heldur listaverk sem eru gjörsamlega að slá í gegn um þessar mundir og það er varla gefið út tímarit í Danmörku í dag þar sem ekki sést í að minnsta kosti einn Helle Mardahl mun. Innblásin frá nostalgískum minningum úr barnæsku um m.a. ævintýri Lísu í Undralandi og heimsóknir í sælgætisverslanir hefur henni tekist að skapa litríkan heim þar sem hver vörulína er tilraun til að skapa upplifun sem hefur áhrif á öll skynfærin.
“It’s about tasting, feeling, seeing and smelling.”
Hver litur er nefndur eftir einhverju ljúffengu eins og sykurhúðuðum eplum, hindberjum og bláberjaís, með þá hugmynd að baki að hver eigi að geta fundið sinn lit eftir ákveðnum smekk mmmm. Ég hef verið með augun á mun eftir Helle Mardahl í nokkur ár og ég er nokkuð viss um að eftir fyrsta hlutinn muni fljótlega sá næsti bætast við… eigum við að ræða þessa fegurð? Litrík dásemdarhönnun sem ég er með á heilanum.
Fyrir áhugasama þá fæst Helle Mardahl hjá Vest ♡
Úllen dúllen doff… þetta er allt jafn fallegt og girnilegt! Bon Bon og Bonbonniere vörulínurnar eru það sem Helle Mardahl er þekktust fyrir en ég mæli einnig með að skoða ótrúlega fallega espressóbolla, cocktail glös / skál á fæti, diskar og svo margt annað sem er ekkert nema dásamlega fallegt. Ég veit hvað er á óskalistanum mínum:)
Það getur verið notalegt að gera litlar breytingar á heimilinu við hver árstíðarskipti sem veita okkur bæði vellíðan og einfaldlega til að taka á móti nýrri árstíð, núna haustinu. Bjartir litir eiga alltaf við að mínu mati en þó kjósa margir að hvíla þá örlítið fram yfir veturinn og dempa smá litapallettu heimilisins. Núna eru einmitt margir að detta í nýja rútínu með skóla og vinnu og því getur verið gott að færa smá ró yfir heimilið og þá hafa litir og val á textíl mikið að segja. Ljósir pastellitir og jarðlitir geta verið gott val fyrir haustið og það þarf enginn að gera meiriháttar breytingu, einfaldast er að skipta um lit á t.d. handklæðum, rúmfötum, skipta út skrautpúðum í stofunni, og bæta við notalegu teppi á sófann og rúmið og kaupa nýtt og gott ilmkerti mmmm.
Byrjun haustsins er líka tíminn til að mála “þennan vegg” sem þig hefur lengi langað til eða herbergið, því breytingar eru af hinu góða og það getur virkað hvetjandi að fríska upp á umhverfið sem við eyðum hvað mestum tíma í – sem er jú heimilið.
Núna langar mig til að sýna ykkur fallegt heimili í mjög dempaðri litapallettu þar sem ljósir litir ráða ríkjum og allt er svo notalegt. Sjáið hvað góð notkun á textíl hefur mikið að segja fyrir hlýleikann, en það eru ekki bara mottan á gólfið og værðarvoð á sófann heldur líka litlu hlutirnir, blóm og greinar í vasa, bækur uppivið til að leita innblásturs í, ilmkerti á baðherbergið fyrir ljúfan ilm og fallegar myndir á veggina sem setja punktinn yfir i-ið og skapa fallega og notalega heild.
Á næstu dögum kem ég til með að fjalla betur um einföld ráð fyrir heimilið ♡
Takk fyrir lesturinn
Fylgstu endilega með einnig á Instagram @svana.svartahvitu
Hvað er skemmtilegra en að skoða myndir af fallegum íslenskum heimilum? Hér er á ferð smekkleg og björt íbúð á Mýrargötu sem nú er til sölu fyrir áhugasama. Íbúðin er skemmtilega skipulögð og opið eldhúsið og stofan þar sem birtan bókstaflega flæðir inn heillar mig. Í eldhúsinu má sjá vandlega valda eldhúsmuni njóta sín í opnum hillum en hér býr án efa einhver sem hefur gaman af eldamennsku myndi ég giska:) Í stofunni er ekki mikið um veggpláss og þetta frístandandi sjónvarp er því frábær lausn til að eyða ekki veggplássi og til að geta fært það til eftir því hvar sólin skýn inn. Í stað þess fær svo þessi fallegi listaverkaveggur að njóta sín vel. Smelltu hér til að sjá frekari upplýsingar um íbúðina.
Ljósmyndir : Fasteignaljósmyndun.is
Ég elska þennan hangandi stól og hvað hann fær að njóta sín vel.
Svefnherbergið er notalegt með fallegu litavali á veggnum.
Ljósmyndir : Fasteignaljósmyndun.is
Mig dreymir um að lengja aðeins sumarið og gista helst í fallegu uppgerðu sveitasetri í sænskri sveit? Er það nokkuð til of mikils ætlast … Það væri þó alls ekki leiðinlegt verkefni að fá að gera upp gamalt sveitasetur og hér má sjá eitt slíkt vel heppnað, en þangað til þá læt ég litla sæta fjölskyldubústaðinn duga ♡
Þetta dásamlega fallega heimili er þó staðsett í sænskri sveit og hefur verið gert upp en gamli andinn fær þó enn að njóta sín, þó svo að bitar í loftinu hafi verið málaðir og gólfið flotað. Flísalagðir veggir í stofunni og á borðstofugólfinu eru mjög töff og gefa heimilinu nútímalegan blæ, ásamt því að smekklegir hlutir skreyta hvern krók og kima.
Kíkjum í heimsókn –
Myndir frá Wrede fasteignasölu
Takk fyrir lesturinn!
Hver elskar ekki góðar og fallegar lausnir fyrir heimilið? Hér smá sjá hvernig lítil stúdíó íbúð er látin virðast vera stærri með því að setja glugga í millivegginn sem aðskilur svefnherbergið og ganginn og íbúðin verður mikið bjartari fyrir vikið. Frekar einföld hugmynd og sjáið hvað það er sjarmerandi hvernig mjóir listar eru límdir á gluggana og mynda 9 gluggapósta í gamaldags stíl.
Sjáum svo restina af heimilinu…
Myndir : Alvhem
Dásamlega fallegt heimili og alltaf gaman að sjá skapandi lausnir hvernig hægt er að útbúa sér einstakt heimili sama hvort það er lítið eða stórt.
Ég hef lengi hrifist af danska hönnunarmerkinu Normann Copenhagen og það var því mjög skemmtilegt að kíkja í heimsókn með stelpunum í höfuðstöðvarnar þeirra í hjarta Kaupmannahafnar núna nýlega. Daniel Leosson sem er dansk / íslenskur og er sölustjóri hjá Normann Cph til marga ára tók ótrúlega vel á móti okkur og kynnti merkið frá A-Ö ásamt því að dekra okkur með ljúffengum hádegismat á svölunum í bongó blíðu með dásamlegu útsýni. Höfuðstöðvarnar fluttu í þessa hliðargötu frá Strikinu í fyrra og því get ég mjög vel mælt með heimsókn hingað ef þú átt leið um þessar slóðir. Fyrir þau ykkar sem ekki þekkið Normann Copenhagen þá framleiða þau eina þekktustu íslensku hönnunina, sem eru Vaðfuglarnir hannaðir af Sigurjóni Pálssyni og fást í Epal.
/ Myndirnar tók uppáhalds Aldís Páls
Ljósmyndari : Aldís Pálsdóttir
Ljósmyndari : Aldís Pálsdóttir
Á fyrstu hæðinni var yfirstandandi sýning á fallegum listaverkum með blómaþema, en þetta rými mun vera nýtt sem lifandi sýningarrými og því alltaf eitthvað nýtt að sjá.
Heimilisfangið er Niels Hemmingsens Gade 12, og í þessari götu má einnig finna fleiri fallegar hönnunarverslanir.
Takk fyrir okkur Normann Copenhagen og Daniel –
Ég hef tekið algjöru ástfóstri við danska vörumerkið Humdakin eftir að hafa tekið stutt viðtal við stofnanda merkisins, Camillu Schram fyrir nokkru síðan þegar hún var í heimsókn hér á Íslandi, hún er algjört yndi og svoleiðis dugnaðarforkur að það er ekki annað hægt en að heillast með hennar hugsjón og ástríðu fyrir Humdakin. Vörurnar hef ég þó keypt í nokkur ár, nánast frá upphafi þegar Epal hóf að flytja þær inn og er ég t.d. algjörlega háð þvottaefninu “01 Sea Buckthorn & Chamomile” en ég elska ilminn sem kemur af þvottinum mínum. Þó á ég enn eftir að prófa nýju ilmina í þvottalínunni sem komu út fyrr á árinu. Eftir viðtalið sendi Camilla mér glaðning sem innihélt nokkrar af mínum uppáhaldsvörum og hefur heimilið mitt ilmað dásamlega síðan þá, en eitt af hennar þrif “tipsum” var t.d. að vera alltaf með góð ilmstrá til að draga fram ef þú átt von á gestum með stuttum fyrirvara og heimilið mun ilma eins og nýþvegið – ég elska svona viðráðanleg tips haha:)
Það eru þónokkrir hlutir á óskalistanum mínum frá Humdakin en það hefur bæst mikið við vöruúrvalið frá því að ég kynntist vörunum fyrst. Núna má finna úrval af allskyns marmarabökkum, mjög smart og stílhrein sápuhengi sem ég algjörlega elska og svo eru einnig nýlega komnar æðislegar þvottakörfur sem rötuðu beina leið á óskalistann.
Oft þarf alveg ótrúlega lítið til að fríska upp á baðherbergið og láta það líta betur út… – lestu áfram –
Einfalt er oft best þegar kemur að baðherberginu …
…og því best að hafa færri en góða hluti uppivið. Handsápa og handáburður í stílhreinum umbúðum gera án efa gæfumuninn, og inn á milli má jafnvel fylla á þessar fínu umbúðir með annari sápu ef svo liggur á:) Ég mæli einnig með að reyna að fækka plastbrúsum í sturtunni, geyma þá ofan í skúffu þá sem sjaldnar eru notaðir og jafnvel hengja upp sjampó, næringu og sápu fyrir meira “hótel-lúkk”. Raðaðu svo nokkrum vel völdum hlutum á bakka, hvort sem það er ilmvatn og skartgripir eða einfaldlega handsápa og ilmkerti. Bættu svo við fallegu handklæði í lit sem passar við þinn stíl og þá er allt upptalið! Ef þú vilt gera smá extra – þá er alltaf jafn hlýlegt að heimsækja baðherbergi sem er með fallega gólfmottu og listaverk á veggnum.
Hér að ofan má sjá nokkrar fallegar vörur sem myndu láta hvaða baðherbergi sem er lúkka upp á 10!
Smelltu hér til að sjá úrvalið frá Humdakin
Næsta verkefni á dagskrá á okkar heimili er einmitt baðherbergið sem við ætlum að breyta á sem ódýrastan hátt! Hlakka mikið til að ráðast í það verkefni:)
Fylgstu endilega með á Instagram @svana.svartahvitu
Verkefni helgarinnar var að gera smá huggulegt hér heima en eftir langt sumarfrí hjá krökkunum (sem stendur enn) þá var nánast enginn hlutur enn á sínum stað og jafnvel ekki verið búið um rúmið frá því í byrjun júní. Ég er svo ótrúlega ánægð með svefnherbergið okkar í dag og loksins er allt að verða eins og það á sér að vera – þá meina ég m.a. að loksins settum við lista á gólfið og í kringum hurðina… góðir hlutir gerast hægt er tugga sem ég þarf reglulega að minna mig á:) Það væri þó gaman að hengja mynd/ir á vegginn fyrir ofan rúmið og er ég núna með augun opin í leit að þeirri einu réttu – sjáum hvað kemur úr þeirri leit!
Núna hef ég verið að prófa Essential rúmið frá Auping (samstarf) síðan í vor sem hefur svoleiðis farið langt fram úr öllum væntingum sem ég hafði. Það er ekki bara ótrúlega fallegt en það er einnig það umhverfisvænsta í öllum heiminum – og einstaklega þægilegt. Okkar rúm er í ljósum lit með höfðagafl í stíl, mér finnst gaman að hafa rúmið sjálft svona stílhreint og geta því leikið mér með stílinn á herberginu á einfaldan hátt með rúmfötum og púðum í mismunandi litum. Núna er smá bleikur fílingur eins og mér er einni lagið. / Samstarf við Auping & Epal.
Essential er fyrsta 100% endurvinnanlega rúmið í heiminum og hægt er að fá rúmið í 10 fallegum litum og hægt að bæta við hefðbundnum eða bólstruðum höfðagafli með val um 95 efni! Ég valdi Essential rúm í ljósum lit með bólstruðum höfðagafli og það er einnig stillanlegt svo ég gæti hreinlega hugsað mér að búa í því allan daginn, enda hef ég aldrei kynnst slíkum þægindum áður. Rúmið vekur mig á morganna (!) með því að reisa mig upp sem er ótrúlega flott viðbót við annars frábært rúm, en það er með Auping Smart base botninum sem hægt er að tengja í símann. Skal segja betur frá því næst!:)
“Allt sem er bleikt bleikt finnst mér vera fallegt…”
Þar sem að börnin okkar eru enn á þeim aldri að koma oft uppí til okkar þá fékk ég þær ráðleggingar hjá Auping að prófa að samstilla rafmagnsbotnana svo þeir hækka og lækka samtímis, það hefur reynst okkur ótrúlega vel og því engin hætta að fari illa um það barn á meðan kúrt er á milli (sú yngri haha). Það er svo lítið mál að aftengja samstillinguna og þarf þá bara að setja nýja hlíf yfir dýnurnar tvær en núna erum við með þær inni í einni hlíf svo þetta er sem ein dýna en þó hvor um sig sérvalin eftir okkar líkama og þörfum. Ég mæli klárlega með að skoða þennan möguleika:)
Ég elska hvað hönnunin á Essential rúmunum er stílhrein og létt og fellur rúmið algjörlega inn í hvaða heimilisstíl sem er. En til að skoða alla litina sem í boði eru – smelltu þá hér –
/ Samstarf við Auping og Epal
Það fylgja tvær fjarstýringar með rúminu en ég er einnig með Auping app í símanum sem ég nota oftast til að stilla rúmið og vekjaraklukkuna sem lætur rúmið vekja okkur.
/ Samstarf við Auping og Epal
/ Færslan er unnin í samstarfi við Auping
Hér eru svo svör við nokkrum algengum spurningum sem ég hef fengið:
Rúmið er Essential frá Auping keypt í Epal / Rúmteppið og bleiku púðarnir eru frá Ihanna home / Lampinn er frá Menu (þráðlaus) keyptur í Epal / Ljósið er frá Watt & Weke frá Dimm / Gardínurnar eru frá Z brautum / Samstarf (dimmanlegar yfir og hvítar Voal undir). Fataskápurinn er Pax frá Ikea og hurðirnar einnig – keyptar á útsölu. / Höldurnar eru vegghankar frá Muuto sem ég keypti í Epal.
Hér að neðan má svo sjá lítið myndband sem ég gerði um helgina:)
Takk fyrir lesturinn ♡
Sumarið kallar á fleiri liti inn á heimilið – hvort sem það sé einfaldlega með ferskum blómum í vasa, kertum í skemmtilegum litum, ferskum púðum á sófann eða einfaldlega sumarlegan kaffibolla í þínum uppáhalds lit. Eða að fara alla leið og mála veggina í lit – ég lofa ykkur því að það er gott fyrir sálina að bæta lit í lífið:)
Málaðu loftið í björtum lit, sjáið hvað ljósblátt loftið fer vel við beige/gul litaða veggina –
Mála í bleiku er alltaf góð hugmynd –
Gylltur krani og gylltar höldur við þennan fullkomna græna lit er mjög gott kombó –
Þessi bleiki litur stelur allri athygli og er svo sannarlega eitthvað til að leika eftir –
Málaðir listar í lit er ótrúlega góð hugmynd, sjáið hvað þetta er fallegt!
Litrík rúmföt gleðja á þreyttum morgnum og auðveld leið til að bæta lit við heimilið –
Myndir : Svartahvitu Pinterest
Málað inn í skápa er góð hugmynd og frábær leið til að fríska upp á gömul húsgögn –
Fallegt ekki satt ♡
