Trendnet

“Hér mætast stílhrein og klassísk hönnun, snjalltækni nútímans og hópur okkar fremsta listafólks.”

Ljósmyndari: Gunnar Bjarki

Olga Lilja Ólafsdóttir. Listrænn stjórnandi Y Gallery

Ljósmyndari: Gunnar Bjarki

“Í tilefni 100 ára stórafmælis Ormsson hefur Gallery Y tekið saman safn verka sem sýnd verða í versluninni í Lágmúla 8 og stendur sýningin yfir til 22. október.

TIPS & TRIX: HVERNIG Á AÐ INNRÉTTA Í KRINGUM SJÓNVARP?

Í þau fáu skipti sem ég gisti á góðu hóteli þá hef ég alltaf setið eftir með þá hugsun afhverju það er svona mikið betra að sofa á hóteli en á sínu eigin heimili. Það er þetta notalega umhverfi sem hefur verið skapað á hótelum með það eina markmið að gestirnir fái sem bestu upplifunina og góðan nætursvefn. En hvað er að stoppa okkur að útbúa sama notalega umhverfið í okkar svefnherbergi? Þvottakarfan á gólfinu, bækur og óreiða í bunkum hér og þar, hvítir veggir, léleg eða of skær lýsing, getur allt haft sín áhrif og að ógleymdu rúminu eins og ég hef farið ítarlega yfir áður hér og hér.

Lykilatriðið að mínu mati er gott og fallegt rúm, góð myrkvunartjöld sérstaklega yfir sumarið hér á Íslandi, falleg rúmföt, og fáa en góða hluti á náttborðinu, t.d. lesljós og stundum á ég það til að skreyta einnig með blómum eða plöntu en þær eru sagðar bæta og hreinsa loftgæðin svo ég mæli mikið með að skoða það nánar. 

Einnig mætti ég bæta við huggulegum hanka fyrir náttsloppana og mjúka mottu til að stíga á með berar tásur á köldum dögum til að fullkomna notalegheitin. Ég er mjög ánægð með svefnherbergið okkar í dag og finnst það umlykja mig alveg og það kemur yfir mig ró hér inni, sérstaklega þegar ég bý um rúmið ahhhh það er best. Herbergið er ekki stórt en mig dreymir þó um að setja mjóann bekk fyrir framan rúmið til að geyma á vel valdar bækur og til að leggja á rúmteppi og púða, og sú leit stendur enn yfir. Á móti rúminu okkar er fataskápur sem þekur allann vegginn og er í raun mesta skápaplássið á öllu heimilinu þar að finna.

Samstarf við Auping & Epal 

Rúmið okkar heitir Essential og er fyrsta 100% endurvinnanlega rúmið í heiminum og hægt er að fá rúmið í 10  fallegum litum og hægt að bæta við hefðbundnum eða bólstruðum höfðagafli með val um 95 efni! Svo hver og einn ætti að eiga auðvelt að setja saman sitt draumarúm. Ég valdi litinn á rúmið og gaflinn í mildum sandlit sem fellur í dag vel að litnum á veggnum og passar við flesta aðra liti þegar ég kem til með að breyta um lit á veggjum eða rúmfötum.

Smelltu hér og prófaðu að setja saman þitt Essential rúm í litum að eigin vali

Hvert rúm er sérsniðið fyrir hvern og einn viðskiptavin, með ótal möguleikum varðandi dýnur, áklæði, liti, aukahluti og allt útlit rúmsins og hefur Essential rúmið hlotið IF og Red Dot hönnunarverðlaunin sem er ein virtasta viðurkenningin sem hægt er að hljóta – dálítið eins og að vinna Óskarinn.

Svona er svefnherbergið okkar í dag og ég mun sýna ykkur þegar mér tekst að finna huggulegan bekk fyrir framan rúmið og eru allar ábendingar vel þegnar eins og alltaf ♡

Varðandi rúmið okkar þá heldur það áfram að toppa sig en ótrúlegt en satt þá vissi ég ekki þegar ég lagði inn pöntunina að ég gæti látið rúmið vekja mig bara eins og vekjaraklukka nema með því að lyfta mér upp í valda stöðu. En smartbase-ið frá Auping er einnig með ‘anti – snore’ möguleika með því að lyfta þeim aðila upp sem hrýtur, en þar sem við hjúin hrjótum hvorug þá pældi ég lítið í þessari græju fyrr en Garðar söluráðgjafi Epal í rúmadeildinni spurði mig nokkru síðar hvort ég væri ekki pottþétt með þessa græju líka. Ég mæli með að kynna ykkur þessa viðbót við annars dásamlegt rúm sem ég get mælt heilshugar með. Ég veit ekki um neitt annað rúm sem ég er jafn bálskotin í, jú Auronde og Noa eru einnig afskaplega falleg ef þið eruð í rúmaleit.

Hér má sjá svör við algengum spurningum sem ég fæ alltaf þegar ég birti myndir af svefnherberginu ♡ Samstarf 

Liturinn á veggnum heitir Restful Roubaix og er frá Sérefni // Rúmfötum skipti ég reglulega út en þessi fallegu blómskreyttu eru íslensk hönnun frá Lín Design // Loftljósið er Watt&Weke frá Dimm // Gardínur eru frá Z brautum en þetta eru voal undir og myrkvunartjöld yfir // Kollurinn er keyptur í Fjarðarkaup fyrir löngu síðan // Bleikir púðar eru Ihanna frá Epal // Lampinn er þráðlaus hleðslulampi frá &tradition – ég keypti hann í Epal.

Það er eitthvað svo einstaklega notalegt við þetta fallega heimili þar sem ekta skandinavískur sveitastíll ræður ríkjum. Antík viðarhúsgögn og allskyns fallegir skrautmunir sem minna á gamla tíma prýða hvert rými og er þeim stillt upp með vel völdum og ögn nútímalegri munum sem eru eftirsóttir í dag, takið eftir gullfallegu myndinni á stofuveggnum – en ég þori að veðja að þetta sé sjónvarp í dulargervi (Samsung Frame)?. Litapallettan er dempuð og kalkmálaðir veggir ásamt ‘fluffy’ hvítri ullarmottu gerir hana svo ótrúlega hlýlega og notalega. Húsið er frá 1926 og fær gamli stíllinn að njóta sín vel og skemmtileg smáatriði sem ég tek eftir sem fer þessu húsi vel, eins og veggfóður myndskreytt blómamyndum William Morris frá 1879, en fyrir áhugasama þá er Morris af mörgum talinn vera faðir veggfóðursins ♡

& fyrir ykkur sem heillist af þessum gamla sænska sjarmerandi stíl þá hvet ég ykkur til að kynna ykkur Svenskt Tenn en það er án efa margt hér inni úr þeirri verslun sem er ein sú allra glæsilegasta sem ég hef stigið fæti inn í. Til að byrja með klassíski Dagg vasinn sem prýðir stofuborðið hannaður fyrir verslunina og ásamt honum má sjá glitta í bók um Josef Frank á borðinu sem ekki aðeins er einn merkasti hönnuður Svíþjóðar heldur lagði einnig grunninn af því sem Svenskt Tenn er.

En yfir að heimilinu sjálfu – kíkjum í heimsókn!

Þetta sjónvarp er engu öðru líkt – þarna fær falleg ljósmynd með “kartoni” að njóta sín í stað þess að sjá bara svartan kassann á slökktu sjónvarpinu sem myndi svo sannarlega ekki passa inn í þetta umhverfi.

Eldhúsið er í huggulegum sveitastíl með gömlum viðarbekk og borð í stíl, bogadregin vegghillan er klassík sem smellpassar hér inn. Eitthvað svo látlaus og fallegur eldhúskrókur.

Baðherbergið er algjör sjarmör með rauðum og hvítum gólfflísum á móti fölgrænni baðinnréttingu með fulningarhurðum – sem ég saknaði að sjá líka í eldhúsinu. Sjáið þetta krúttlega stutta baðkar, og með huggulegum viðarplanka ofan á fyrir dekurvörur eða góða bók.

Svefnherbergið er dásamlega notalegt, í mildum ljósgrágrænum lit og með gluggatjöld fyrir fataskápnum í stað hurða sem gerir heildina enn hlýlegri.

Myndir : Historiska Hem

Og enn eitt smáatriðið, sjáið myndina hér að ofan þar sem brasslista (sóplista) hefur verið bætt við á gólfið og brýtur það svona fallega upp. Mikið sem þetta heimili er skemmtilegt, þó svo að ég persónulega myndi ekki velja stílinn á mitt heimili þá elska ég þetta heimili og stofan er alveg toppurinn.

Takk fyrir lesturinn ♡

Fylgstu endilega með á Instagram @svana.svartahvitu

Það var árið 2012 sem Royal Copenhagen kynnti Flora línuna en hún var gerð til heiður klassíska Flora Danica stellinu sem er eitt virtasta og glæsilegasta postulínsstell í heiminum, yfir 230 ára gömul hönnun sem sæmir konungsfólki og er einnig á meðal mikilvægustu menningarverðmæta dana.

Ef ég reyni að einfalda sögu stellsins í örfáum setningum þá var það Friðrik 5. danakonungur sem lagði inn pöntun hjá Konunglegu dönsku postulínsverksmiðjunni fyrir stelli sem átti að vera glæsilegasta postulínsstell sem heimurinn hefði séð og þá sérstaklega þurfti það að heilla Katrínu keisaraynja Rússlands en hún var einmitt alræmdur safnari fíns postulíns og Friðrik vildi jú færa henni gjöf. Lést hún þó áður en postulínið varð tilbúið, enda tímafrekt að handgera slíkan lúxus. Fyrstu tólf árin var þó aðeins einn maður sem sá um að handgera og mála blómastellið, enda slíkir hæfileikar sjaldgæfir á þessum tíma, Johann Christoph Bayer framleiddi tæplega 2000 muni í stellið, og samkvæmt Royal Copenhagen kostaði þessi mikla nákvæmisvinna hans við stellið ekki aðeins styrk hans heldur einnig sjónina. Jahérna. Þegar Flora Danica stellið var loks tilbúið þótti það sýna heiminum listræna og tæknilega hæfileika dönsku þjóðarinnar, stellið er skreytt blómum og plöntum úr danskri náttúru og þykir af mörgum vera eitt fallegasta postulínsstell sem gert hefur verið. Það er í dag aðeins fáanlegt sérpantað hjá Royal Copenhagen enda afar dýrmætt stell og eru aðeins 20 manns í öllum heiminum sem hafa færnina og þekkinguna til handgera stellið og þarf margra ára þjálfun til vinna sig upp í það að mála Flora Danica.

Hér má sjá stellið sem um ræðir, en það er enn í dag handgert á sama máta og það var gert árið 1700 og eitthvað. Mögulega aðeins of skrautlegt að mínu mati svona allt stellið saman lagt á eitt borð, en án efa afskaplega fallegt nokkrir munir á móti hvítu stelli.

En yfir að Flora stellinu fallega,

Flora línan er í raun nútímalegri útgáfa Flora Danica og var fyrst kynnt fyrir 10 árum síðan. Handmáluð blómin hafa verið stækkuð upp og njóta sín nú betur, kantarnir eru málaðir með 23 karata gyllingu en flestu dúlleríinu sem einkennir klassíska Flora Danica hefur verið sleppt fyrir afslappaðri stíl og því hægt að nota stellið jafnt hversdagslega sem og við fínni tilefni. Flora stellið var hannað árið 2012 af Anja Vang Kragh, sem er fata og búningarhönnuður og hefur unnið m.a. fyrir Stella McCartney og Dior. Flora stellið er gert úr “bone china” postulíni, en postulín er ekki það sama og postulín og þykir “bone china” það allra fínasta í bransanum og er einnig sterkara en hefðbundið postulín, en þó er það léttara og þynnra!

Ég elska hvað Flora línan er lífleg og litrík og það er án efa æðislegt að skreyta borðið með þessum fallegu blómum og að mínu mati passa þau einnig við klassískt Blue fluted stell sem margir safna. Einnig bara nokkrir stakir blómaskreyttir diskar á móti hvítum er mjög fallegt.

Kosturinn við Royal Copenhagen stellið er sá að hlutirnir eru í ábyrgð í 2-3 ár ef ske kynni að eitthvað brotni (ef þú mundir að skrá vöruna í kerfið innan 90 daga.) Mér finnst það mjög stór kostur og hvetur jafnframt til þess að nota hlutina meira en bara við sparitilefni ♡

Hvað finnst ykkur? Gamla eða nýja stellið?

Ef þið hafið gaman af sögu þá mæli ég með að lesa um sögu Flora Danica sem lesa má á vefsíðu Royal Copenhagen.

Takk fyrir lesturinn, ég vona að þið hafið haft gaman af þessari sögu á bakvið þessa klassísku hönnun. Ég sjálf elska að vita meira um vörurnar og hvað býr að baki, eins og hér má sjá yfir 230 ár af sögu sem liggur að baki Flora stellinu sem nú er komið í nútímalegri búning – og er reyndar fallegra í dag að mínu mati.

Bleika slaufan er árlegt átaksverkefni Krabbameins­félagsins tileinkað baráttunni gegn krabbameinum hjá konum. Bleika slaufan er einstaklega falleg í ár og ég hvet ykkur til þess að næla ykkur í þennan fallega skartgrip. Bleiki dagurinn verður svo haldinn þann 14. október í þeim tilgangi að sýna konum sem greinst hafa með krabbamein stuðning og klæðast þá margir bleiku á einhvern hátt og bjóða upp á bleikar veitingar. Október mánuður hefur undanfarin ár verið helgaður bleika litnum og þessu fallega árveknisátaki og eru í dag fjölmörg fyrirtæki sem leggja baráttunni lið með því að bjóða til sölu bleikar vörur þar sem ágóðinn eða hluti hans rennur til styrktar Krabbameinsfélagsins.

Ég tók saman nokkrar af mínum uppáhaldsvörum sem núna eru seldar til styrktar Krabbameinsfélagsins, en þið getið séð allt úrvalið á heimasíðu Bleiku Slaufunnar / Vinir Slaufunnar. Þessar vörur eru þær sem ég gæti hugsað mér að næla mér í ♡

Sýnum lit – sýnum samstöðu

“Í ár er athygli vakin á því að það er ýmislegt sem hver og einn getur gert til að draga úr líkum á krabbameinum og minnt er á mikilvægi skimana fyrir krabbameinum. Ár hvert bjarga skimanir fyrir krabbameini í leghálsi og brjóstum lífi fjölda kvenna. Þau gætu þó verið fleiri því stór hópur mætir ekki reglulega í skimun. Við hvetjum konur til að bóka tíma þegar þær fá boð. Því fyrr sem krabbamein eða forstig þess greinist því betri eru horfurnar.”

“Bleika slaufan 2022 er hönnuð af Orrifinn Skartgripum sem er skartgripamerki Helgu Friðriksdóttur og Orra Finnbogasonar. Slaufan er fléttuð úr bronsi og skreytt með bleikri perlu. Sem tákn er fléttan hlaðin merkingu, hún táknar vináttu og sameiningu. Þræðir fléttunnar varðveita minningar um kærleika og ást. Bleiki liturinn stendur fyrir umhyggju.”

Smelltu á hlekkina til að sjá frekari upplýsingar um vörurnar sem ég sýni hér að ofan ♡

• Iittala búðin tekur þátt og styrkir með sölu á Teema stellinu í bleiku og bleikum Hoptimist fígúrum þar sem 20% andvirði rennur til styrktar Krabbameinsfélagsins.
• Bleika slaufan er einstaklega falleg í ár og fæst hjá fjölmörgum söluaðilum.
• Haustlaukar frá Eldblóm – allur ágóði af bleika kassanum rennur til styrktar Krabbameinsfélagsins.
• Lín Design styrkir málstaðinn með sölu á bleikum silkikoddaverum og 10% af ágóðanum rennur til Krabbameinsfélagsins – ji hvað þessi líta vel út.
• Allar bleikar Frederik Bagger vörur hjá Epal verða seldar til styrktar Krabbameinsfélagsins með 20% af ágóðanum.

Smelltu hér til að skoða fleiri vörur sem seldar eru í október til styrktar Krabbameinsfélagsins.

Með kaupum á Bleiku slaufunni átt þú þátt í að fækka þeim sem fá krabbamein, fjölga þeim sem lifa af og bæta lífsgæði þeirra.

Byrjum þessa frábæru nýju viku á því að skoða litríkt og fallegt heimili fullt af hönnun og íslenskri lit og fáum innblástur. Heimilið sem um ræðir er mikið uppgert einbýli á einni hæð við Garðaflöt í Garðabæ og er nú komið á sölu fyrir áhugasama. Hér býr Sigríður Elín Ásmundsdóttir ásamt fjölskyldu sinni en hún er þekktust fyrir að hafa ritstýrt tímaritinu Hús og híbýli í fjölda ára.

Kíkjum í heimsókn,

Smelltu hér fyrir allar upplýsingar um heimilið 

Ljósmyndir : Fasteignaljósmyndun.is

Ljósmyndir : Fasteignaljósmyndun.is

Ég elska að prófa nýjar súkkulaði uppskriftir og verandi algjör súkkulaðigrís og á sama tíma sykurlaus þá er algjör himnasending að detta niður á gúrme sykurlausar súkkulaðiuppskriftir eins og þessa hér. Súkkulaði brownies er eitthvað sem flestum þykir gott og þessar sykulausu súkkulaðibrownies er tilvalið að prófa um helgina. Það eina sem þarf er súkkulaðismjör, tvö egg og möndlumjöl. Ég notaði sykurlaust súkkulaðismjör svo að mín útfærsla er einnig ketóvæn:) Það er síðan algjör lúxus að borða þessar brownies með ís eða rjóma ásamt ferskum berjum og útkoman er fullkominn “feel-good” desert. Það eru til endalausar útgáfur af brownie uppskriftum en þessi er án efa sú allra einfaldasta og jiminn hvað þær eru góðar, ekki of sætar og með smá heslihnetukeim sem gefur mjög ljúffengt bragð.

Uppskriftin gæti ekki verið einfaldari

2 1/2 dl Súkkulaðismjör frá Good Good (nánast heil krukka)

1 dl möndlumjöl

2 egg

Hitaðu ofninn í 180°C. Hrærðu öllum innihaldsefnum saman í skál og settu deigið í smurt form eða bökunarpappír í formið. Miðlungstórt form um 20 x 20 cm. Bakaðu í 25-27 mínútur eða þar til þú stingur pinna í kökuna og hann kemur hreinn út. Passið að baka ekki of lengi. Leyfðu kökunni að kólna áður en þú skerð í bita og berð fram.

//

Flestar brownie uppskriftir innihalda bæði súkkulaði og sykur, og er þessi útgáfa því “hollari”, með engum viðbættum sykri auk þess að súkkulaðismjörið inniheldur heslihnetur og þ.a.l. einnig meiri trefjar. Við fjölskyldan eeelskum súkkulaðismjörið frá Good Good (sérstaklega sonur minn) og ég kaus það einnig löngur áður en ég hætti að borða sykur einfaldlega því mér finnst það betra en aðrar tegundir og ég vildi ekki bjóða syni mínu upp á eitthvað sem var stútfullt af sykri. Í dag er ég í samstarfi við Good Good sem kemur sér einstaklega vel þar sem við fjölskyldan – með Bjart Elías minn með fremstan í fararbroddi ásamt vinum, svoleiðis spæna upp heilu krukkurnar og smyrja á samlokur ásamt sultu.

Þessar brownies eru einnig fullkomnar með sem sætindi á ostabakka í saumaklúbbnum, skornar í litla munnbita. Ég mæli með að þið prófið ♡ Ég sáldraði örlitlu sjávarsalti yfir og fannst það alveg punkturinn yfir i-ið.

Takk fyrir lesturinn og eigið góða helgi ♡

Veggfóðruð barnaherbergi eru alveg einstaklega sjarmerandi. Í dag eru veggfóðrin gjarnan með rómantískum blæ og eru fallega myndskreytt með ævintýralegum teikningum, blómum, plöntum og dýrum. Það er aðeins annað en var þegar ég var yngri, en þá var afskaplega vinsælt að veggfóðra barnaherbergin og jafnvel sjálft heimilið, eldhúsið eða baðherbergi. Þá voru veggfóðrin þó aðeins litríkari og jafnvel skreytt prinsessum og öðrum teiknimyndafígúrum, oft á breiðum veggfóðursborða sem lagður var þvert yfir miðjann vegginn. Núna er algengt að skipta upp veggnum með vegglistum og veggfóðra þá annan helminginn og mála hinn helminginn í lit sem passar við. Hvort sem þú velur að veggfóðra einn vegg eða alla, hálfa veggi eða heila, þá verður útkoman án efa dásamlega falleg eins og sjá má á þessum myndum. Heildarmyndin verður eitthvað svo miklu notalegri ♡

Þessi hér að neðan eru í miklu uppáhaldi hjá mér fyrir barnaherbergið en þau eru öll frá Sérefni.

Newbie-línan frá Boråstapeter er ótrúlega vinsæl í barnaherbergi og einkennast þau af mildum litum og dásamlegum myndskreytingum. Sjáið hvað þetta er krúttlegt!

Þetta blómaskreytta veggfóður er æðislegt, heitir Alice’s garden frá Rebel Walls. “Orkídeur, alpafjólur, drottningafíflar og bergsóleyjar. Ljós bakgrunnurinn magnar upp skarlatsrauðu, bleiku og hvítu litina í þessu fallega mynstri.”

Bunny Field frá Rebel Walls. “Forvitnar kanínur leika sér á milli safaríkra túnfífilslaufa og maríubjalla. Vatnslitamynstrið er með fíngerðum línuteikningum og hefur milt og notalegt yfirbragð.”

Della Coral frá Sandberg er fallega skreytt neðansjávardýrum og er í mildum litum sem passa við allt.

Ég elska allt bleikt og fugla – svo þetta Flamingo veggfóður frá Cole & Son er æðislegt. “Flamingóarnir er enn ein vinsælasta hönnun Cole and Son, með sínum heillandi og svolítið yfirlætislegu fuglum.”

Eruði að sjá hvað hægt er að skapa algjöra draumaveröld í herbergi barnsins. Þetta heitir Giraffe’s stroll og er frá Rebel Walls.

Meadow frá Boråstapeter er svo fallegt en þetta er svona veggfóðursheilmynd sem þekur vegginn skreytt sætum kanínum, blómum, laufblöðum ásamt smáfuglum og fleiri dýrum.

Hvalirnir frá Boråstapeter er klassískt veggfóður og afskaplega vinsælt í barnaherbergi í dag. “Hvítir hvalir synda um á sandlitum bakgrunni. Veggfóðrið er sérstaklega hannað af sænska lífsstílsmerkinu Newbie fyrir Boråstapeter.”

Fallegt ekki satt? ♡ Fyrir áhugasama þá er hægt að skoða öll þessi veggfóður nánar hjá Sérefni og svo miklu fleiri en þau sem ég tók saman.

Ég elska að sjá svona flott verkefni þar sem fyrir og eftir myndirnar eiga nánast ekkert sameiginlegt en hér má sjá hvernig einföldum Ikea skáp er umturnað með veggþiljur og málningu að vopni. Ég er algjörlega með svona veggþiljur á heilanum og er að láta mig dreyma um hvaða rými hér heima ég geti valið til skreyta með svona smá áferð. Ótrúlega skemmtileg og einföld lausn sem hægt er að setja á veggi, innréttingar, hurðar og fleira!

VÁ!

Myndir frá @melanielissackinteriors & @oracdecor 

Þvílíkt skemmtileg breyting sem væri gaman að leika eftir. Fyrir áhugasama þá eru þessar og svo margar fleiri Orac Decor veggþiljur í ólíkum áferðum til hjá Sérefni – smelltu hér – til að skoða úrvalið. Það er aldeilis hægt að láta hugann reika varðandi skemmtileg verkefni sem má nota svona í!

Vegglistar eru að verða æ vinsælli og gera öll rými glæsilegri og má svo sannarlega nefna þetta sem eitt heitasta innanhússtrendið í dag. Þú þarft ekki lengur helst að búa í gömlu og glæsilegu sænsku húsi til að hafa veggi og loft skreytt listum, heldur er að verða algengara að margir lími einfaldlega lista á veggina eftir eigin hugmyndaflugi og útkoman er svo miklu meira spennandi. Sjáið bara myndirnar hér að neðan til að sannfærast.

Almáttugur hvað ég gæti hugsað mér að klæða alla veggi á mínu heimili með listum og helst hurðar líka – það er ótrúlega smart, ég set það að minnsta kosti á langa to do listann okkar ♡

Listarnir á flestum myndunum eru frá Orac Decor sem eru í hæsta gæðaflokki (mjög hörð pólýúreþan blanda (ekki frauð eins og selt er sums staðar) og fást í ótal stærðum og gerðum hjá Sérefni.

“Við fáum iðulega fyrirspurnir um “reglur” við uppsetningu lista. Auðvitað getur fólk bara notað innsæið og hugmyndaflugið en við lumum líka á góðum ráðum sem gætu hjálpað þeim sem ekki hafa ákveðnar skoðanir. Sem dæmi er að láta bil milli ramma ekki vera of mikið, passa að skipta veggnum ekki nákvæmlega fyrir miðju og velja stærðir/breiddir lista út frá umfangi veggjar.” – Sérefni