Bókin hennar Emmu Fexeus er loksins komin til landsins, en Emma er eins og flestir vita einn þekktasti bloggari í Skandinavíu og gaf Gestalten nýverið út hennar fyrstu bók þar sem sýnd eru ýmis norræn heimili og hönnun. Bókin er einstaklega falleg og eiguleg, en ég eyddi einmitt öllum deginum í að fletta henni fram og tilbaka í vinnunni í dag.
Til að byrja með fæst hún í Spark design space á Klapparstíg en ég veit einnig til þess að hún er væntanleg í Epal fyrir áhugasama.
Vonandi verður helgin ykkar ljúf og að ykkur takist að láta kosningaráróður sem vind um eyru þjóta og kjósið það sem ykkur þykir rétt:)
Ég fékk skemmtilega fyrirspurn í tölvupósti í vikunni og var beðin að taka þátt í leynivinaleik hjá fyrirtæki út í bæ. Ég er ekki viss um að ég megi gefa upp hver það var sem kom með bónina, en leynivinurinn er Ragnheiður Pétursdóttir og er lögfræðingur hjá Árnason Faktor (ráðgjafafyrirtæki á sviði hugverkaréttinda). Hún er að fara að gifta sig í sumar og henni dreymir um Tom Dixon koparljósið en hefur ekki komið sér í að kaupa það enn.
Ég var beðin um að taka saman nokkur flott ljós á góðu verði, það læddist reyndar eitt dýrt með (PH5 ljósið sem mig dreymir um), ásamt upprunarlega koparljósinu sem hannað er af Tom Dixon. Ég vona að þetta gefi ykkur hugmyndir, ég er reyndar alveg ljósaóð og hefði getað sett saman margar svona myndir:)
Ef talið er frá vinstri í efri röð eru þetta: Moth ljós sem fæst í íslensku netversluninni Krúnk Living: 11.900 kr. / Midsummer eftir Tord Boontje fæst m.a. hjá connox.com u.þ.b. 16.000 kr. / PH5 eftir Poul Henningsen, Epal. / Ikea svart ljós 22.990 kr. / Koparljós frá Ilva, 18.995 kr. /NORM69 frá Normann Copenhagen 20.800 kr / 24.200 kr./ Svart ljós frá Ikea, 2.990 kr. / Tom Dixon koparljós, 88.000 kr. Lúmex. / Myntugrænt Moth ljós frá Krúnk Living: 11.990 kr. / Garland eftir Tom Dixon, Habitat 4.820 kr. / Frandsen koparljós fæst m.a. HÉR á u.þ.b. 18.000 kr.
Ég er búin að vera óvenjulega bleik undanfarna daga, og þær myndir sem ég hef vistað á desktopið mitt eiga það flestar sameiginlegt að vera á einhvern hátt bleikar, sem er nú líka svo ægilega sumarlegur og glaðlegur litur.
En svo eru 2 bleikir hlutir ofarlega á óskalistanum mínum þessa dagana, það eru;
PH5 ljósið í glænýjum fölbleikum lit.
Og svo eru það þessi hér… Ray Ban Erika sem ég sá í fyrsta sinn hjá mömmu í gær í þessum fallega bleika tón.
Ég veit ekki betur en að þetta sé ný týpa?
En gleðilegt sumar (loksins) og takk fyrir veturinn kæru lesendur.
Mig klæjar alveg í puttana yfir þessu tilboði sem er á Svaninum núna í Epal… Ekki það að ég geti látið vaða eins og staðan er í dag en í framtíðinni þá mun hún Svana eignast Svan!
En yfir í annað þá skilaði ég mínu 12 tölublaði af H&H í prentun í dag! jIBBÝ fyrir því!
Ég er að skila af mér nýju H&H í prentarann í þessum skrifuðu orðum… en stelst smá hingað inn til að létta af mér þessum æðislegu myndum sem ég hef sankað að mér undanfarna daga sem veita mér mikinn innblástur og vonandi ykkur líka:)
