Trendnet

Þetta dásamlega heimili í Skaftahlíð er nú til sölu fyrir áhugasama, og best væri að fá að flytja bara beint inn með öllu saman svo glæsilegt er það! Allir veggir, loft og innréttingar eru málaðar í sama hlýlega gráa litnum og húsgögn ásamt gardínum og gólfmottum eru einnig valin í hlýjum ljósgráum tón sem passar vel við og gerir heildarútlitið mjög svo elegant. Það var innanhússhönnuðurinn Sæja sem kom að hönnun heimilisins og það er ekki annað hægt að segja en að vel hafi tekist. Ég elska baðherbergið og skipulagningu þess þar sem búið er að koma fyrir á smekklegan hátt góðri þvottaaðstöðu sem falin er á bakvið skápahurðar, svo er baðinnréttingin með marmaranum alveg dásamlega falleg og gefur góða hugmynd fyrir þau okkar sem eru í baðherbergjahugleiðingum.

Kíkjum í heimsókn –

Myndir : Fasteignaljósmyndun.is       

Smelltu hér til að sjá frekari upplýsingar um eignina 

Að nota veggþiljur á skápahurðar er æðisleg hugmynd og fær þannig skápurinn og rýmið sjálft nýja og dýpri áferð og er þannig hægt gjörbreyta heildarsvipnum á einfaldan máta. Þetta baðherbergi er mjög gott dæmi þar sem veggþiljur frá Orac Decor hafa verið sniðnar til, límdar á vegg og baðskáp fyrir fallegt heildarútlit og loks málaðar. Jiminn hvað þetta er smart og skápurinn fellur þannig inní vegginn og verður einskonar leyniskápur:)

Myndir // Orac Decor & Sérefni 

Fyrir áhugasama þá er Sérefni með Orac Decor! Ég er með gólflista og rósettur frá þessu vörumerki sem ég er svo ánægð með, mig langar mikið til að prófa líka veggþiljurnar:)

Hnútapúðarnir Knot eru ein þekktasta íslenska hönnunin sem upphaflega var kynnt á Hönnunarmars árið 2012 og eru púðarnir í dag framleiddir af sænska hönnunarframleiðandanum Design House Stockholm og seldir víða um heim. Knot púðarnir sem eru hönnun eftir vöruhönnuðinn Ragnheiði Ösp hafa átt skrautlega ævi ef svo má segja, á undanförnum áratug hafa reglulega sprottið upp allskyns eftirlíkingar – og núna virðist sem hönnunarrisinn H&M Home hafi einnig sótt innblástur sinn í þessa skemmtilegu íslensku hönnun.

Hvað finnst ykkur?

Púðinn að ofan er frá H&M home og kostar rúmar 4.000 kr. (sænska H&M), og púðinn að neðan er íslensk hönnun frá Design House Stockholm og kostar 19.900 kr. í Epal.

Þess má geta að H&M púðinn er gerður 92% pólýester og líklegast framleiddur ekki við bestu aðstæður, mun einnig mjög líklega missa lögun sína og hnökra sem er ekki spennandi, og íslenski Knot púðinn er handgerður úr 50% ull og 50% akrýl, og gerður úr slíkum gæðum að hann endist vel og lengi. Ég veit að minnsta kosti hvorn þeirra ég myndi velja.

Áfram íslensk hönnun!

Gleðilegt nýtt ár og mikið vona ég að þið hafið átt ljúf og góð jól. Þessi dásamlegi tími er alltaf í miklu uppáhaldi hjá mér, öll samveran og hittingarnir, jólaskrautið og tónlistin, góði maturinn og kósýheitin með fjölskyldunni heima. Það væri þó stundum óskandi að það væri jafn mikið skemmtilegt um að vera en bara þennan eina mánuð á ári þar sem öllum viðburðum er þjappað á nokkra daga, en ætli það sé ekki bara undir okkur sjálfum komið að finna tilefni fyrir fleiri hittinga með fólkinu okkar. Ég á alltaf smá erfitt með að pakka jólunum niður sem liðu alltof hratt í ár þar sem ég hlóð á mig verkefnum fyrir jólin sem kom örlítið niður á gæðastundunum. Það er þó oftast mikill léttir að taka skrautið niður og jafnvel hvetjandi að taka nýárstiltekt og skipulag í leiðinni og byrja nýja árið með stæl, mitt heimili þarf mjög mikið á slíku að halda.

Að setja sér áramótaheit er skemmtileg hefð og er oft partur af því að hefja nýja árið á sem bestan hátt og koma sér upp betri rútínu og setja sér markmið. Ég set mér alls ekki mörg áramótaheit en eftir að hafa horft tilbaka yfir liðið ár þá finn ég að ég þarf að leyfa mér að slaka á inn á milli og að njóta betur með bæði fjölskyldunni og vinum. Ég tek þakklát á móti enn einu árinu og er sannfærð um að það verði betra en árið sem er að líða og ég get hreinlega ekki beðið eftir því sem koma skal.

Ég er einnig afskaplega þakklát fyrir allar heimsóknirnar á bloggið og þakka kærlega fyrir samfylgdina undanfarin ár ♡

Hér eru nokkrar myndir frá jólunum okkar,

Fylgstu endilega með á Instagram @svana.svartahvitu

Að skreyta fyrir áramótaboðið getur verið hin besta skemmtun þrátt fyrir að framundan sé aðeins notaleg kvöldstund með börnunum eða ömmum og öfum. Smá glingur, glimmer, áramótahattar og stjörnuljós geta gert áramótin að töfrandi minningu sérstaklega í augum þeirra yngstu sem fagna með okkur þessum tímamótum. Ég er komin með svo fallegan kjól frá henni Andreu minni, alveg ekta áramótakjóll sem glitrar eins og stjörnuljós nánast, þrátt fyrir það verður kvöldið okkar rólegt með nánustu fjölskyldu og börnum að spila, sprengja og borða góðan mat. Það þarf þó ekki að stoppa okkur í að skála í fallegum glösum (það þarf ekki að skála í áfengi;) skreyta með blöðrum og glingri, fara í glimmerdressið og nostra við borðskreytingarnar ♡

Næst á dagskrá hjá mér er að skoða borðskreytingar og setja saman spennandi nammi & ostabakka mmm… Njótið nú síðustu daga ársins og endum árið vel.

Myndir Pinterest / Svartahvitu

Jólin eru tími til að gefa og gleðja aðra og í samstarfi við mínar uppáhalds verslanir fögnum við jólunum með glæsilegum og risastórum gjafaleik þar sem í vinning verður HÁLF MILLJÓN í flottustu verslunum landsins, sem hver gefur 50.000 kr. gjafabréf.

Leikreglurnar eru einfaldar, kíktu yfir á Instagram síðuna mína @svana.svartahvitu og smelltu á follow og merktu eins marga vini og þú vilt til að auka vinningslíkurnar. Fylgdu svo endilega þeim verslunum sem gefa vinninginn og þú ert komin/n í pottinn. Ég mæli einnig með því að deila myndinni í story á þínu Instagram ♡

Einn ofur heppinn vinningshafi verður tilkynntur á Gamlársdag 31. desember

Þær verslanir sem taka þátt eru glæsilegustu verslanir landsins og verður hægt að gera einstaklega vel við sjálfa/n sig, heimilið og einnig fyrir barnið með þessu ofur gjafabréfi! Hérna má finna rjómann af fallegum hönnunarverslunum, íslenska fata og skartgripahönnun, íslenska myndlist, það besta í bænum þegar kemur að barnavörum,  flottustu málningarvöruverslunina með öllu til að fríska við heimilið og síðast en ekki síst í fyrsta sinn mína uppáhalds gleraugnaverslun – svo vinningshafinn geti valið sér glæsileg sólgleraugu (eða umgjörð) frá fremstu merkjunum í bransanum.

Ps. Passið ykkur á svindlsíðum sem poppa upp – og megi heppnin vera með ykkur ♡

Smelltu hér til að taka þátt! 

Jólagjafir fyrir herrana í mínu lífi eru alltaf síðustu gjafirnar sem ég versla, og á hverju ári vefjast þær jafn mikið fyrir mér. Það er nefnilega alltaf jafn skemmtilegt að hitta á þessa “einu réttu” gjöf sem hittir beint í mark og það er að sjálfsögðu einnig markmiðið í ár. Öll erum við svo ólík, sumir strákar vilja gjarnan eitthvað fallegt fyrir heimilið og eru miklir fagurkerar, aðrir óska sér einungis græjur og enn aðrir snyrtivörur. Hér má finna eitthvað úr öllum áttum sem ættu að gefa ykkur góðar hugmyndir ♡

// 1. Iittala Leimu lampi, ibudin // 2. Bang & Olufsen þráðlaus heyrnatól, Ormsson // 3. Fallegt úr með leðuról, Póley // 4. Kubus kertastjaki, Epal og Póley // 5. Húðvörur fyrir herra frá Clinique, snyrtivöruverslanir // 6. Ripple glös frá Ferm Living, Epal og Póley // 7. Helle Mardahl glerskúlptúr – elska þessa, Vest // 8. Íslensk list er alltaf góð gjöf, ég mæli með að skoða úrvalið hjá Listval // 9. Ef þið viljið ilma jafn vel og best ilmandi maður landsins, Helgi Ómars, þá eru þessir ilmir æði, Le Labo úr Mikado // 10. Niva iittala glös, ibúðin og iittala söluaðilar. // 11. Rúmföt er klassísk jólagjöf, Dimm. // 12. Steamery gufugræja fyrir skyrturnar, Epal og Póley // 13. Olíulampi, Mikado // 14. Leðursvunta, Dimm // 15. Leðursnyrtiveski, Dimm //

// 1. Stelton kaffikanna, Póley og Epal // 2. Avolt fjöltengi, Epal, Póley og fl. // 3. Marmara kertastjaki, Dimm // 4. Stafabolli Royal Copenhagen, Kúnígúnd, Epal // 5. Leðurtölvutaska, Dimm // 6. Niva iittala glös, ibúðin, Kúnígúnd ofl. // 7. Íslensk list er alltaf góð gjöf, ég mæli með að skoða úrvalið hjá Listval // 8. 24bottles flaska, Epal // 9. Smart steikarhnífapör, Dimm // 10. Húðvörur fyrir herra frá Clinique, snyrtivöruverslanir // 11. Ísbjörn stytta, Vest // 12. Bitz salatskál og diskar, Bast, Póley og Snúran // 13. Montana wire hillueiningar, Epal // 14. Bang & Olufsen þráðlaus heyrnatól, Ormsson // 15. Snug kertastjaki, Mikado //

// 1. Iittala teppi, ibúðin // 2. Helle Mardahl skúlptúr – er með þessa á heilanum, Vest // 3. Le Labo ilmkerti, Mikado // 4. Takk Home handklæði, Epal og Póley // 5. Georg Jensen karafla, Epal // 6. Íslensk list er alltaf góð gjöf, ég mæli með að skoða úrvalið hjá Listval // 7. Skóhornið klassíska frá Normann Copenhagen, Epal og Póley // 8. Bang og Olufsen Beosound 2 – draumur í dós, Ormsson // 9. Hörsloppur, Dimm // 10. Viðarskurðarbretti, Dimm // 11. Frama borðlampi, Mikado // 12. Nappula kertastjaki, ibúðin, Epal, Póley og fleiri // 13. Leður six-pack haldari, Dimm // 14. Espressó kaffivél Sjöstrand, Póley, Epal og Sjöstrand //

Eigið góðan dag kæru lesendur og takk fyrir lesturinn!

Smelltu hér til að skoða enn fleiri jólagjafahugmyndir 

Jólagjafir fyrir barnið eru skemmtilegustu gjafirnar til að kaupa að mínu mati og einnig þær sem skemmtilegast er að gefa. Það er komin mikil jólaeftirvænting á okkar heimili og það er talið niður í jólin og nokkrir pakkar farnir að safnast saman undir trénu. Ég nota alltaf síðustu vikuna fyrir jólin til að klára jólagjafakaupin og finnst alltaf jafn skemmtilegt að heimsækja mínar uppáhalds verslanir á þessum tíma. Ég tók saman fallegar gjafahugmyndir fyrir börn sem ég vona að komi ykkur að góðum notum svona nokkrum dögum fyrir jól.

Eigið góða helgi kæru lesendur og njótið síðustu daga aðventunnar,

// 1. Ferm Living dúkkurúm, Póley og Epal. // 2. Hoptimist kisa, Bast. // 3. Snyrtiborð, Nine Kids. // 4. Krúttleg dúkka, Valhneta. // 5. Hárspenna, fæst hjá Dimm og Nine Kids. // 6. Dúkkukerra, Nine Kids. // 7. Snjókúla – HC. Ævintýri, Epal. // 8. Vængir, Nine Kids og Valhneta. // 9. Stórir Draumar, fallegur boðskapur og fræðandi bók um flottar fyrirmyndir. Fæst í bókaverslunum. // 10. Mjúkur bangsi gleður öll börn, Jellycat frá Nine Kids. // 11. Hlýr jakki og vönduð föt er góð gjöf. Nine Kids. // 12. Stór regnbogalímmiði á vegg, við elskum okkar svona. Nine Kids. // 13. Kanínu lesljós mjúkt, Dimm. // 14. Tréleikföng, morgunmatur, Dimm. // 15. Falleg himnasæng, Dimm. // 16. Dásamlega sæt Maileg músla, Póley. //

// 1. Búðarkassi, Dimm. // 2. Sebrahestur tré Ferm Living, Póley og Epal. // 3. Sætur sloppur með eyrum, Dimm. // 4. Bangsi gleður öll börn, þessi er frá Dimm. // 5. Fallegur órói, Nine Kids. // 6. Myndaalbúm Printworks, Póley og Epal. // 7. Viðareldhús, Nine Kids. // 8. Stórir Draumar, fallegur boðskapur og fræðandi bók um flottar fyrirmyndir. Stórirdraumar.is og bókaverslanir. // 9. Hoptimist er klassískur, þessi fæst í Bast. // 10. Verkfærakassi, Nine Kids. // 11. Tréfígúrur fjölskylda, Dimm. // 12. Kubbar í vagni, Nine Kids. // 13. Minnisspil, dýr, Dimm. // 14. Afmælisslest með ævintýraþema, Epal. // 15. Stórir kubbar, skjaldbaka, Nine Kids. //

// 1. Kubbar, Dimm. // 2. Maileg Mús, Póley. // 3. Verkstæði, Nine Kids. // 4. Hlaupahjól sem hægt er að sita á eða standa, Nine Kids. // 5. Mouse stóll frá Nofred, Epal. // 6. Stórir Draumar, fallegur boðskapur og fræðandi bók um flottar fyrirmyndir. // 7. Dótakaffihús, Nine kids. // 8. Krúttlegt veski, Epal. // 9. Dúkkuhús tré, Dimm. // 10. Skóflur gleðja alla krakka, Dimm. // 11. Staflanlegir kubbar, Nine Kids. // 12. Sætar spennur, Valhneta og Nine Kids. // 13. Sebra kaffistell, Póley og Epal. // 14. Vönduð rúmföt er góð gjöf, þessi eru frá Dimm. // 15. Lítill ljónabangsi Oyoy frá Nine kids. // Segulkubbar – eitt vinsælasta leikfangið á mínu heimili. Nine Kids.//

Smelltu endilega á hjartað eða á facebook hnappinn hér að neðan ef þú kannt að meta svona jólagjafahugmyndir og svo fleiri fái einnig að njóta ♡

Kíktu svo einnig á jólagjafahugmyndir fyrir hana sem ég birti í gær – sjá hér – 

Besti tími ársins er runninn upp og flest okkar eru þessa dagana í jólagjafahugleiðingum ♡ Hér má sjá 60 fallegar jólagjafahugmyndir sem ég vona að munu nýtast ykkur vel, allt frá íslenskri list, skartgripum, vönduðum vörum fyrir heimilið, snyrtivörum og fleiru sem heillar. Það er gaman að gleðja með fallegri gjöf og það þarf alls ekki að kosta alltaf mikinn pening, það er hugurinn sem gildir höfum það alltaf í huga.

Ég vona að þessir jólagjafalistar komi til með að veita ykkur góðar hugmyndir í leit ykkar að réttu jólagjöfinni. Ég er alltaf tilbúin að aðstoða ef þið eruð að vandræðast með ykkar konu – eða mann. En næst koma jólagjafahugmyndir fyrir hann, og fyrir barnið.

// 1. Stafabolli Royal Copenhagen, Epal og Kúnígúnd. // 2. Hella Mardahl skúlptúr, Vest. // 3. Bang & Olufsen heyrnatól, Ormsson. // 4. Eyrnalokkar, Hlín Reykdal. // 5. Örk armband með perlum, By Lovisa. // 6. Snúin kerti, tilvalin með öðru, Dimm. // 7. Bleik karafla, Dimm. // 8. Saga Sigurðurdóttir, málverk án titils, Listval. // 9. Frederik Bagger kampavínsglös, Epal. // 10. Iittala glerfugl, ibúðin. // 11. Vasi Ferm living, Póley og Epal. // 12. Gjafasett frá Bioeffect, Hydration Heroes. // 13. Fallegur gylltur hringur með steinum, By Lovisa. // 14. Dásamlegir loðnir inniskór, AndreA. // 15. Rúmföt Tekla, Epal.

p.s. kóðinn SVANA veitir ykkur 20% afslátt af öllu Iittala í vefverslun ibudin.is sem gildir út mánudaginn! 

// 1. Vasi Anna Thorunn, Ramba, Epal og fleiri // 2. Leðurveski, AndreA. // 3. Eyrnalokkar, Hlín Reykdal. // 4. Jólailmkerti URÐ, Litla Hönnunarbúðin, Dimm ofl. // 5. Panthella lampi, Epal. // Marmarabakki, Dimm. // 7. Flétta hálsmen, By Lovisa. // 8. Útsaumsverk Sísí Ingólfsdóttir, Listval. // 9. Royal Copenhagen History Mix. Kúnígúnd og Epal. // 10. Bioeffect gjafasett, Firming Favorites. // 11. Fallegt mynskreytt teppi, iittala, ibúðin. // 12. Uppáhalds brúnkuvatnið mitt frá St. Tropez, Hagkaup, Beautybox og fleiri. // 13. Jólanaglalakk frá Essie, ýmsir snyrtivörustaðir. // 14. Falleg pulla í nokkrum litum, Póley. //   

// 1. Aalto bretti, sölustaðir iittala. // 2. Eyrnalokkar, Hlín Reykdal. // 3. Veggkertastjaki Menu, Epal. // 4. Keramíkkrukka með loki Dottir, falleg undir skart, Póley. // Flora stell frá Royal Copenhagen, Kúnígúnd. // Gylltur hringur með stein, By Lovisa. // 7, Dásamlegur ilmur frá Le Labo, Mikado. // 8. Santal ilmurinn frá Le Labo er einn besti sem ég hef fundið, ilmkerti, Mikado. // 9. Kristín Morthens, vatnslitir og sprey, Listval. // 10. Ljósir klassískir hælar, AndreA. // 11. Aalto skál frá iittala, sölustaðir iittala. // 12. Hella Mardahl skúlptúr, Vest. // 13. Viltu finna milljón bók, ég er spennt fyrir þessari. Bókasöluaðilar. // 14. Cooee vasi, Dimm. // 15. Fallegt hliðarborð á brass fæti, Póley.//

// 1. Jólastjarna Oslo, Dimm. // 2. Flétta armband, By Lovisa. // 3. Þakklætisbók frá Kartotek, Epal. // 4. Sólgleraugu eru alltaf góð gjöf – líka um jólin. Þessi er frá Carolina Herrera sem fást í ÉgC. // 5. Kokteilglas Iittala Essence, sölustaðir iittala. // 6. Fallegur lampi, Póley. // 7. Cooee glervasi, Dimm. // 8. Verk án titils eftir Áslaugu Írisi, Listval. // 9. Gjafasett frá uppáhalds Bioeffect, Skin Saviors. // 10. Diskur á fæti, Póley. // 12. Þráðlaus heyrnatól Bang & Olufsen, Ormsson. // 13. Silkikoddaver, ég elska mitt frá Lín Design. Ég bendi einnig áhugasömum á silkikoddaver frá Make Up Studio Hörpu Kára sem fylgir með silkiandlitsgríma. // 14. Klassísk Sjöstrand Espressó vél. Epal og Sjöstrand. //

Þá höfum við fyrstu  jólagjafahugmyndirnar – Hlakka til að deila með ykkur fleiri hugmyndum. Njótið!

Skreytum hús með greinum grænum…. fa la la la la – la la la la. Það er fátt jólalegra en grænt greni og það er mjög einfalt að útbúa fallegar skreytingar fyrir heimilið með smá greni og vír að vopni. Að lokum er hægt að bæta við smá skrauti, seríu, kúlum eða borða. Fáðu smá innblástur hér að neðan ♡

Myndir : Pinterest Svartahvitu