Trendnet

Danski húsgagnaframleiðandinn Montana sendi nýlega frá sér þessar dásamlegu og litríku myndir af baðherbergislínunni þeirra en hægt er að fá Montana innréttingar og hillur í 30 nýjum litum sérvöldum af heimsþekkta danska litasérfræðingnum Margrethe Odgaard.

Sjáið þessar æðislegu litasamsetningar, algjör baðherbergisdraumur!

Montana er eitt þekktasta hönnunarmerki dana, stofnað árið 1982 af Peter J. Lassen. Montana hillurnar er hægt að sérsníða að smekk hvers og eins og er hægt að velja úr óteljandi litum. Montana fæst í versluninni Epal fyrir áhugasama.

// Fylgstu einnig með á Instagram @svana.svartahvitu

Þetta glæsilega 360 fm heimili í Chicaco var endurhannað af breska innanhússhönnuðinum Pernille Lind og er staðsett í sögufrægu Frank Lloyd Wright hverfi – þar sem heimsþekkti ameríski arkitektinn bjó, starfaði og hannaði 25 byggingar.

Kíkjum í heimsókn –

Myndir : Yellowtrace 

Til að sjá heimilið í heild sinni og lesa meira um hönnunina smellið þá hér –

// Fylgstu einnig með á Instagram @svana.svartahvitu

Á óskalistanum þessa stundina situr fallegt plakat eftir Hein Studio sem gerð eru fyrir dásamlegu hönnunarverslunina Stilleben sem staðsett er í hjarta Kaupmannahafnar. Ef þið eigið leið til kóngsins Köben á næstunni þá hvet ég ykkur til þess að líta við hjá Stilleben, ég lofa ykkur því að það er erfitt að koma tómhent/ur þaðan út.

Hein Studio er danskt hönnunarmerki stofnað af Rebeccu Hein Hoffmann og skapar hún meðal annars einstaklega falleg plaköt sem fást í vel völdum hönnunarverslunum víða um heim þó ekki á Íslandi. En fyrir Stilleben hannaði hún sérstaklega plakötin sem sitja á mínum óskalista, sem eru eftirprentanir af handgerðum úrklippum af ýmsum plöntum. Nýlega bættust við fleiri úrklippur við Stilleben línuna svo af nógu er að velja.

Því miður þá sendir Stilleben ekki til Íslands – að minnsta kosti ekki veggspjöld svo ég krossa fingur að ég finni leið til að verða mér úti um eitt verk en ég á þó mjög erfitt með að ákveða hvaða litur yrði fyrir valinu, svo mörg falleg. Ég sé fyrir mér stórt plakat í eldhúskróknum mínum sem er bleikur, svo líklega yrði svart fyrir valinu þó svo að bláa, fjólubláa og gula gæti líka komið mjög vel út! Hvað finnst ykkur flottast?

Stærðirnar sem í boðu eru A5, A3 og 70×100 cm.

Myndir via Stilleben

// Til að skoða úrvalið smellið þá hér. 

// Fylgstu einnig með á Instagram @svana.svartahvitu

Hér er á ferð stórkostlega smart heimili sem er vandlega skreytt með plöntum og fallegum húsgögnum. Eldhúsið er alveg æðislegt með marmaraklæddum innréttingum sem teygir sig svo upp vegginn og myndar þessa fallegu punthillu – algjör draumur. Sjáið líka hvað það kemur vel út að hafa gólfsíðar gardínur í eldhúsinu og gerir rýmið mikið hlýlegra. Hér spila plöntur stórt hlutverk og stærðarinnar Monstera trónir yfir borðstofuborðinu nánast eins og hálfgerður skúlptúr!

Kíkjum í heimsókn –

Vá vá vá þvílíkur heimilisdraumur!

Myndir via Bjurfors.se

// Fylgstu einnig með á Instagram @svana.svartahvitu

Þið sem elskið klassíska skandinavíska hönnun eruð eftir að falla kylliflöt fyrir þessu dásamlega heimili. Ton stólar, String hillur, AJ lampar, Y stóll og Cuba stólar skreyta meðal annars heimilið svo fátt eitt sé nefnt. Hér má sjá margar virkilega fallegar lausnir og uppstillingar sem veita innblástur, sjáið bjart og fallegt barnaherbergið og sniðuga lausn hvernig vinnuaðstaðan er aðskilin frá svefnherberginu. Algjört bjútí!

Kíkjum í heimsókn –

Myndir // Entrance Makleri

// Fylgstu einnig með á Instagram @svana.svartahvitu

Hér er á ferð hrikalega smart heimili þar sem smáatriðin leika stórt hlutverk, hverjum hlut hefur verið stillt vandlega upp og útkoman er töff. Ljós litapallettan í bland við svartan lit sem gefur heimilinu meiri dýpt, en ég er mjög hrifin af svarta eldhúsinu þar sem virðist við fyrstu sýn að innréttingin sé gömul og margir hefðu mögulega skipt henni út eða sett að minnsta kosti nýja borðplötu. Oftast er nefnilega lítið mál að gera huggulegt með smá málningu, huggulegum skrautmunum og gardínum.

Kíkjum í heimsókn –

Myndir // Bjurfors

// Fylgstu einnig með á Instagram @svana.svartahvitu

Í dag skoðum við huggulegt skandinavískt heimili í mildum litum og skreytt fallegri hönnun og list. Hér má meðal annars sjá klassískar String hillur, Sjöur eftir Arne Jacobsen og Moustache lampann í svefnherberginu sem er skemmtileg hönnun eftir Ingu Sempé.

Kíkjum í heimsókn –

Myndir // Bjurfors

// Fylgstu einnig með á Instagram @svana.svartahvitu

Sjá þetta dásamlega fallega heimili þar sem blár litur fær vel sín notið í eldhúsinu og í stofunni. Klassísk hönnun og gullfallegir loftlistar og rósettur skreyta heimilið sem staðsett er í Gautaborg og veitir svo sannarlega innblástur. Hér má sjá ótrúlega krúttlegt barnahorn inní svefnherberginu og spegla baðkar vekur einnig athygli mína – hrikalega smart.

Kíkjum í heimsókn –

Myndir // Bjurfors

Fallegt ekki satt?

// Fylgstu einnig með á Instagram @svana.svartahvitu

Instagram innblástur dagsins kemur frá hinni þýsku Swantje sem starfar sem grafískur hönnuður og innanhússstílisti. Heimilið hennar er persónulegt og skemmtilega innréttað í fallegum litum. Ég vona að þessar myndir veiti ykkur innblástur eins og mér.

Mæli með að fylgja @swantjeundfrieda

Það er eitthvað svo látlaust og fallegt við þetta heimili, það heillaði mig alveg uppúr skónum.

// Fylgstu einnig með á Instagram @svana.svartahvitu

Hér er á ferð ekta skandinavískt heimili í þessum ljósa stíl sem var og er enn svo eftirsóttur. Myndirnar hafa vissulega sést víða og hafa vafrað um netheima í nokkur ár en mér finnst skemmtilegt að rifja þær upp því þær eiga enn svo sannarlega erindi hjá okkur sem elskum að skoða falleg heimili. Hér býr Ulrika Randel bloggari hjá Seventeendoors sem finna má hjá sænska Residence Magazine vefnum.

Stílisering: Pella Hedeby / Ljósmyndari: Kristofer Johnsson

// Fylgstu einnig með á Instagram @svana.svartahvitu