Sigurlaug Dröfn betur þekkt sem Silla er annar af tveimur key makeup artistum Reykjavík Fashion Festival í ár. Silla hefur gríðarlega reynslu og þekkingu af heimi förðunar á Íslandi en hún ásamt Söru Dögg stýra Reykjavík Makeup School sem er einn vinsælasti förðunarskóli landsins þessa stundina. Saman stýra þær stöllur teymi af hæfileikaríkum förðunarfræðingum sem eiga það öll sameiginlegt að hafa lært förðun hjá þeim og starfa í dag við fagið. Teymið mun vinna lúkkin með vörum frá NYX Professional Cosmetics sem er eitt vinsælasta förðunarmerkið í dag.
Silla hefur brallað margt á sínum ferli og við fengum að kynnast henni aðeins og heyra hvernig undirbúningurinn fyrir RFF fer af stað!
Mynd: Íris Dögg Einarsdóttir
Hversu lengi hefurðu starfað sem förðunarfræðingur?
Ég hef starfað sem förðunarfræðingur í um 7 ár.
Hvað stendur helst uppúr á ferlinum?
Það helsta er auðvitað opnun Reykjavík Makeup School ásamt öllum þeim námskeiðum sem ég hef sótt erlendis hjá þekktum förðunarfræðingum, einnig verð ég að nefna masterclass námskeiðin sem við Sara höfum haldið hér með stórstjörnum úr makeupheiminum.
Silla og Sara stóðu fyrir masterclass námskeiði þar sem Karen Sarahi Gonzales sem er betur þekkt sem @iluvsarahii og er frægur förðunarfræðingur.
Hvernig hefur undirbúningur gengið fyrir RFF?
Þetta hefur allt saman gengið mjög vel, við lögðum upp með að vera vel undirbúnar og skipulagðar fyrir þetta verkefni og allt gengið svakalega vel.
Hverju ertu spenntust fyrir í tengslum við RFF?
Að vinna með öllu þessu flotta fólki sem kemur að RFF og auðvitað makeup teyminu okkar. Það er okkur gríðarlega mikilvægt að fá svona stórt og flott verkefni, bæði fyrir okkur Söru að vera key artistar hátíðarinnar og einnig að útskrifaðir nemendur okkar fái tækifæri til að farða á þessari hátíð og bæta við sig ennþá meiri þekkingu og reynslu.
Hvaða 5 vörur frá NYX Professional Cosmetics eru ómissandi í snyrtibuddunni þinni?
Ég á alveg þónokkrar uppáhalds vörur frá NYX. Warm Neutrals Ultimate Shadow Palette , Prismatic Shadows sérstaklega í litnum Fireball og Savage en allir flottir, Hot Single Shadow í litnum Stiletto, Lid Lingerie í litnum Sweet Cloud nr 1, Eyeshadow Pigment í litunum Stunner og Vegas Baby og Ombre kinnalitur í litnum Peach .
Förðun eftir Sillu sem birtist í Fréttablaðinu…
Hvað tekur við eftir RFF?
Eftir RFF tekur við nýtt námskeið í Reykjavík Makeup Schoool sem hefst 27.mars og skipulagning á næsta masterclass námskeiði sem við Sara munum standa fyrir á þessu ári, það er alltaf nóg að gera hjá okkur og við erum uppfullar af skemmtilegum hugmyndum fyrir framtíðina hjá Reykjavík Makeup School.
Hvaða förðunarráði getur þú deilt með lesendum sem er þér ómissandi í starfi!
Nr. 1. 2. og 3. er að hugsa vel um húðina, þrífa hana kvölds og morgna því húðin er grunnurinn af fallegri förðun .
Kærar þakkir fyrir þetta Silla! – Gott gengi á hátíðinni
RFF//Trendnet
Þá er komið að skemmtilegasta tíma ársins. Reykjavik Fashion Festival er að bresta á og við erum komin í gírinn! RFF er einn stærsti viðburður okkar Íslendinga þegar kemur að tísku og því við hæfi að Trendnet standi í fremstu víglínu.
Við munum fara vel yfir alla þætti hátíðarinnar meðan á henni stendur og halda úti sérstöku RFF pop-up bloggi í samstarfi við Egils Kristal.
Við munum fylgjast með og segja ykkur frá undirbúningi hátíðarinnar og hönnuða, fjallað verður um allar sýningar í beinni, kíkt baksviðs og skoðað hár og förðun ásamt því að fylgjast með götutískunni hjá gestum hátíðarinnar.
Þær sem koma til með að halda utan um RFF bloggið í ár eru þær Rósa María Árnadóttir, góðvinkona Trendnet fjölskyldunnar. Hún hefur undanfarin ár slegist í lið með okkur á RFF og ásamt henni verða Trendnet bloggararnir Hrefna Dan, Melkorka Ýrr og Sigríður Margrét á vaktinni og munu þær ekki láta neitt framhjá sér fara næstu daga.
Rósa María Árnadóttir
Hrefna Dan
Melkorka Ýrr
Sigríðurr
Trendnet bloggarar gegna einnig öðrum hlutverkum á hátíðinni og munum við sjá Andreu Röfn ganga vel valda tískupalla og Steinunn Edda mun láta til sín taka á makeup sviðinu.
Við bjóðum ykkur hjartanlega velkomin á RFF bloggið og hlökkum til sýna ykkur frá hátíðinni. Leyfið okkur að fylgjast með ykkar trend mómentum um helgina með því að merkja #TRENDNET á ykkar Instagram myndir.
Trendkveðjur!
JÆJA !
#TRENDLIGHT gekk aldeilis vel.
Við áttum ekki auðvelt verkefni fyrir höndum. Að velja tvær vinningsmyndir úr 2.200 (!) merktum myndum.
Við komumst þó að samkomulagi og deilum því hér með ykkur.
@magnea_fridriks & @dorajulia takk fyrir að merkja ykkar Trendmóment.
Magnea var ein af mörgum sem merkti móment sitt í Hörpu á meðan tískudögum stóð.
Dóra Júlía lagði metnað í sína mynd sem lukkaðist svona líka vel – þetta er trendlight.
Aðalvinningur er eins og áður sagði 2x 50.000 króna inneign hjá Icelandair (!!) í boði Coke Light.
Frekari upplýsingar fáið þið á trendnet@trendnet.is
Aukavinningar innihalda tískucoke fyrir lesendur. Coke Light í gleri , eins og okkur líkar best við. Þessir að neðan hreppa slíkt inná sitt heimili.
@elisabetkarls
@olgayr
@arneysig
@mariasigurborg
@helgadooo
@herabjork_
@hannamargret
@rakelrunars
TAKK fyrir að merkja ykkar móment.
Haldið endilega áfram að merkja #trendnet við rétt trendmóment á Instagram. Það borgar sig!
-Trendkveðjur-
MAC sá um förðunina á RFF í ár en þær stigu svo sannarlega ekki feilspor – enda sérfræðingar á sínu sviði. Trendnet kíkti á skvísurnar baksviðs og forvitnaðist um hver væri þeirra uppáhalds og jafnframt ómissandi MAC vara.
–
HVER ER ÞÍN UPPÁHALDS MAC VARA?
Stefanía Ástrós: Face and body foundation.
Sara Björk: Bursti 217.
Ester Rut: Groundwork paint pot
Þóra Kristín: Groundwork paint pot.
Edda: Camel coat paint pot.
Hjördís Ásta: Beguile brow set.
Lísa: Studio fix fluid.
Fríða María: Groundwork paint pot.
–
Það er augljóst að Groundwork paint pot er vinsælasta varan meðal þessara snillinga – tékkit! Við þökkum stelpunum fyrir spjallið og óskum þeim innilega til hamingju með vægast sagt vel heppnaða helgi!
Ljósmyndari: Hildur Erla
Rósa María Árnadóttir.
HÆ enn og aftur héðan út Hörpu.
Næsta sýning var Magnea en hún var að taka þátt á RFF í annað sinn.
Hvaðan fékkstu innblásturinn fyrir línuna?
Síðasta lína MAGNEA sem sýnd var á RFF í fyrra hét BETWEEN BLACK AND BLUR. Við erum að fylgja þeirri línu eftir með nýjustu línu okkar THERE WAS BLUE. Við sóttum innblástur í gallaefni, bæði hvað varðar liti og efnisnotkun. Við skoðuðum sögu gallaefnisins, hefðbundnar flíkur úr gallaefni, smátriðin í þeim og í raun öll möguleg gallatrend seinnihluta 20.aldarinnar! Við skoruðum á sjálfar okkur á að láta denim-on-denim virka og út frá því konsepti og gallefninu sjálfu hönnuðum við prjónuðu efnin og vinnum með knit-on-knit samhliða gallaefninu.
Hvað er skemmtilegast við RFF?
Það skemmtilegasta við RFF er að sjá hönnun MAGNEA verða að veruleika á sýningarpallinum og allt smellur saman í einni heildarmynd – föt, tónlist, hár, förðun og lýsing. Þátt¬taka á RFF er mik¬il¬væg kynn¬ing fyr¬ir okkur sem fyr¬ir¬tæki en ekki síður fyr¬ir ís¬lensk¬an fata¬hönn¬un¬ariðnað í heild sinni og það hefur gríðarlega mikla þýðingu fyrir hönnuði að geta sýnt línurnar sínar í eins fagmannlegum umgjörðum og RFF hátíðin er.
Hvaða skilyrði leggur þú helst uppúr að hönnun þín uppfylli?
Við erum alltaf að sækjast eftir því að blanda prjónaefni og íslenskri ull saman við önnur efni og með þessari línu gerðum við það með gallaefni, en einnig unnum við með ákveðna blöndun á íslensku ullinni til að gera hana þægilegri. Markmiðið er svo alltaf að hafa gaman af ferlinu og finna nýjar leiðir til þess að búa til eitthvað nýtt og ferskt.
Gráir og bláir tónar voru ríkjandi en rauðappelsínuguli liturinn poppaði þetta skemmtilega upp. Þægindin voru greinilega í fyrirrúmi þar sem over-sized kápur voru áberandi og virkilega flott matching sett sem komu vel út.
–
Lísa Hafliðadóttir
Önnur sýning dagsins var að ljúka rétt í þessu – Schintilla! Mikil spenna ríkti meðal áhorfenda þar sem enginn vissi hverju við mátti búast frá þessu æðislega merki sem hingað til hefur hannað heimilistextíl-línu en ekki föt. Línan kom skemmtilega á óvart.
Hvaðan fékkstu innblásturinn fyrir línuna?
Scintilla snýst um grafík og liti en munstrin eru inspreruð af öllu sem að er í kringum mig. , bæði manngerðum hlutum og landslagi. Svo erum við að nota náttúruleg lífræn efni sem því að okkur er ekki sama um náttúruna.
Hvaða skilyrði leggur þú helst uppúr að hönnun þín uppfylli?
Það skiptir mig miklu máli að fötin séu þægileg og auðvelt að hreinsa þau og svo auðvitað á sæmilega viðráðanlegu verði.
Skemmtileg uppákoma sem gerðist í hönnunarferlinu?
Það eru alltaf skemmtilegar uppákomur hjá okkur . Fötin eru ekki okkar eina vara og við erum alltaf að hanna allskonar annað. Ég í raun get ekki nefnt neitt eitt ákveðið. Skemmtilegasta uppákoman verður auðvitað sýningin okkar!
–
Hlýjir pastel litir voru einkennandi en augljóst var að hönnuður vill hafa þægindi í fyrirrúmi þar sem efnin virtust mjúk og kósý. Þrátt fyrir þægindin náði hönnuður að hafa flíkurnar kvenlegar í sniðinu. Skemmtileg og falleg lína hjá Schintilla sem á eflaust eftir að höfða til margra kvenna sem velja gæði en einnig þægindi.
Rósa María Árnadóttir.
Góðan dag héðan úr Hörpu. Another Creation sýningin var að klárast rétt í þessu.
Við fengum að spyrjast fyrir um þessa flottu hönnun.
Hvaðan kemur innblásturinn fyrir línuna?
Línan sækir innblástur í sterkar kvenfyrirmyndir, þar á meðal samtímakonur og konur úr sögunni sem hafa skarað fram úr og finnst gaman að klæða sig upp til að ýkja ímyndina. Einnig er línan undir áhrifum frá tíðarandanum sem við búum við auk lítillar rómantíkur. Lúxus og glamúr í bland við ferskan götustíl. Sterkar línur, vönduð snið og djörf geómetrísk grafík í anda Art Deco stefnunnar einkenna haust-og vetrarlínu ANOTHER CREATION fyrir árið 2016.
Hvaða skilyrði leggið þið helst uppúr að hönnun ykkar uppfylli?
Í hönnunarferlinu verða allar vörur að búa yfir þeim eiginleika hægt að nota sé að nota þær á fleirri en eina vegu. Hún verður að vera kvenleg, valdamikil, framúrstefnuleg en klassísk á sama tíma.
Aðeins er notast við hágæða efni, aðallega frá Ítalíu og Íslandi. Gæði í saumaskap og frágangi er mjög mikilvægt.Frá kjólum til samfestinga, ullarkápa til loðhúfa, allar flíkurnar eru sígildar og hannaðar með það fyrir augum að lifa lengi í fataskápnum. Allar búa þær yfir hinum einstöku eiginleikum sem Another Creation byggir á: hægt er að breyta þeim á marga vegu – til að mynda með nýjum ermum, kraga eða viðsnúning – allt eftir óskum hvers og eins.
Skemmtileg uppákoma sem gerðist í hönnunarferlinu?
Það er ýmislegt skemmtilegt sem hefur gerst í hönnunarferlinu, til að mynda er alltaf gaman þegar ný efni detta í hús, þegar tónlistin smellur við myndefni og að sjá fyrirsæturnar passa í fötin er alltaf mjög góðs viti.
Frábær sýning í alla staði!
Trommarinn á sviðinu gaf sýningunni líf og flotta stemningu.
Geomertísk form í bakgrunni pössuðu vel við Great gatsby fílinginn sem setti skemmtilegan svip á heildar útkomuna.
Kvenlegar og vandaðar flíkur, feldur, silki, falleg snið og multi functional flíkur voru einkennandi fyrir sýninguna.
Svarti silki samfestingurinn og fjaðra kápan stóðu upp úr að mínu mati.
Til hamingju með þessa flottu línu.
Ég hlakka til að fylgjast með Another Creation í framtíðinni.
–
Kolbrún Anna Vignisdóttir