Ég er nýbyrjuð að fara í Hot Yoga í World Class út á Nesi. Ég hef nú bara farið einu sinni þar & ég ákvað að fara út eftir 45 mínútur svo ég myndi ekki alveg farast. Það þarf klárlega að byggja upp þol fyrir þessum hita. Ég fékk skyndilega ágætissvima – enda hafði ég ekki drukkið vatn yfir daginn.. þar af leiðandi var ekkert annað í boði en að fara út.
Ég er mjög hrifin af yoga & hef farið á nokkur námskeið. Eitt námskeiðið stóð upp úr, en það var hjá Jógagúrúinum Sajee. Hann kom til Íslands í maí 2010, en það var einmitt fyrsta flugferðin hans.
Sajee getur farið í hvaða stellingu sem er og nánast orðið að engu. Hann minnir mikið á ungu stúlkurnar sem dansa í sirkus og beygja og sveigja öll liðamót í 360°. Ég og aðrir sem sóttu námskeiðið hans náðum mjög miklum árangri hjá honum.
Ég fann allavega að handklæðin mín koma mér ekkert langt í Hot Yoga.. og keypti því þessi tvö í gær á Target.com, eitt fyrir mig og eitt fyrir Davíð:
Mikið hlakka ég til að vera komin í Yogaform!
Skrifa Innlegg