Karen Lind

karenlind@trendnet.is

TrendKaren

PERSÓNULEGT

Sæl öll sömul..

Það gleður mig og vonandi ykkur að ég er meðal nýjustu bloggurum trendnet.is. Sum ykkar kannast jafnvel við mig, en ég hef bloggað lengi, bæði einsömul eða með vinkonum. Fyrir ykkur hin sem vitið ekki hver ég er, þá leyfi ég nokkrum punktum að fylgja með um mig.

Nafn: Karen Lind Tómasdóttir
Ár: 1984
Uppalin: Keflavík
Búseta: Vesturbær
Maki: Já
Börn: Nei
Menntun: sálfræði (bs) & mannauðsstjórnun (ms)
Helsta áhersla á Trendnet: Heilsa.. og allt sem mér dettur í hug.
Systkin: Á eldri systur og yngri bróður.

Ég flutti nýlega í Vesturbæinn úr Garðabænum. Það er mögulega besta ákvörðun sem ég hef tekið og er afar ánægð að hafa loksins látið verða af því. Göngutúr niður í bæ tekur mig rétt um 9 mínútur, það er lúxus!

Í vetur mun ég eyða einhverjum tíma innan veggja Háskóla Íslands og leyfa heilafrumunum að njóta sín til fulls.. já, það verður sko sannkölluð árshátíð heilafrumnanna því nú þarf ég að klára mastersritgerðina mína. Með einhverjum óútskýrðum & aðdáunarverðum hætti hefur mér tekist að fresta henni um tvær annir. Ég kenni Candy Crush að hluta til um.

Annars er planið að halda ykkur uppteknum við skemmtileg skrif!

Þar til næst, hafið það gott..

BOSTON

BANDARÍKINPERSÓNULEGT

Ég fór í stutt stopp til Boston um daginn..

Ég hafði engin plön önnur en þau að kaupa tvær afmælisgjafir og nóg af ilmlyktum.

Ég var auðvitað vöknuð löngu áður en búðirnar opnuðu, svo ég sat úti í yndislegu veðri fyrir utan Starbucks og borðaði jógúrt sem kostaði mig 500 krónur & fylgdist með heimilislausu mönnunum.

Ég kom við í Marc Jacobs & keypti tvær afmælisgjafir. Búðin er á Newbury Street & því nokkuð gefið að búðin sé krúttleg. Eina sem setti strik í reikninginn við þessa búðarferð var 40 mínútna biðtíminn í röð, þó svo að það væru aðeins tveir á undan mér.

Þar næst fór ég í Target, Marshalls, BedBath & Beyond og TjMaxx. Þetta eru einmitt uppáhaldsbúðirnar okkar ömmu búbbís (e. boobies) eins og hún er kölluð af okkur barnabörnunum. Þið eigið eftir að kynnast ömmu búbbís, hún er ótrúlegur karakter.

Helsta markmiðið með Target-ferðinni var að kaupa ilmlyktir. Ástæðan: Ég er flutt í gamla & krúttlega íbúð í Vesturbænum & í henni er einhver lykt sem er ofsalega langt frá því að vera Karenarlykt. Það gengur ekki upp hjá Katie Kana.

Að lokinni Target-ferð er skylda að fá sér Pizza Hut. Aftur á móti er ekki skylda að vera jafn hallærisleg og ég var, dragandi á eftir mér ferðatösku og með Pizza Hut box í hinni..

Vibrant Mandarin frá Maybelline er á wanted varalitalistanum, mikið ofsalega var hann flottur… enda líka uppseldur!

Kaffivélarnar á hótelherbergjunum nota ég yfirleitt til að fá mér hafragraut á morgnana, sparar mér bæði tíma og pening!

Þið þurfið öll að kíkja við í Lord & Taylor ef þið hafið tækifæri á því. Lord & Taylor er á Boylston Street (næsta gata við Newbury Street). Þar má finna vandaðar merkjavörur (töskur, fylgihluti, skó & fatnað), allt á einum stað. Hlutirnir eru misdýrir, sumt viðráðanlegt en annað ekki. Ég keypti mér stígvél sem ég mun vonandi nota mikið um ókomna tíð!