Karen Lind

Svefnherbergið..

FRAMKVÆMDIRHEIMILIÐ MITT

Við eigum enn eftir að klára ýmislegt heima. Til dæmis er svefnherbergið okkar agalegt.. það vantar alveg allt við það sem kallast huggulegt. Við erum að fara í smá “mission” með það en við ætlum að:

-Halogen lýsingu (erum með rússa þrátt fyrir að hafa flutt inn fyrir rúmu ári síðan).
-Pússa upp skápahurðirnar og láta bæsa þær
-Setja eitt veggljós (ekki tvö eins og er svo algengt..)
-Rúm (rúmteppi, púðar og fl.)
-Veggir (myndir eða e-ð annað)?
-Taka myrkvagluggatjöldin og setja voal í staðinn, ásamt myrkvagardínum (sýnishorn að neðan en við ætlum að taka litinn Pewter).

Við verðum sem sagt með tvær z-brautir í loftinu. Voal efnið verður nær glugganum en myrkvagardínurnar fjær. Vinkona mín er með svona & ég er algjörlega að stela hugmyndinni þaðan.. en þetta gjörbreytir útliti svefnherbergisins. Nokkurs konar hótelfílingur kemur yfir herbergið – ótrúlega fallegt.

Svo ætlum við að setja voal í gluggann á svefnherbergisganginum. Ég er að fara panta þetta í dag.. hlakka til að sýna ykkur útkomuna!


Kertahrúga: Einfalt tip

Ég setti þessa mynd inn á snapchat hjá mér (@karenlind) og fékk nokkur komment á það hve fallegt það væri að hafa stærri kerti á Iittala kertastjökunum. Ég er mjög sammála því, en mér þykir það eiginlega fallegra. Mig langaði einfaldlega að deila einföldu hugmyndinni hér með ykkur.. ef ykkur hefur ekki dottið þetta í hug nú þegar. Ég var að taka þessa tvo stjaka úr “hvíld”, en ég var orðin frekar þreytt á þeim en þeir hafa fengið nýtt líf með stærri týpunni af kertum.

Annars er ég með kerti frá Geysi (Krambúðarilman) og lyktin af því er svo ótrúlega góð.. aftur á móti kveiki ég ekki mikið á litla kertinu frá VOLUSPA (ég er með vitlaust lok á því og veit því ekki nafnið á því).. en mér finnst þessi lykt ekkert sérstök. Annars finnst mér þessi altarisfílingur æðislegur, ein kertahrúga að kvöldi til getur einhvern veginn bætt svo margt.

Annars er ótrúlega margt í gangi hjá mér þessa dagana.. margt nýtt. Ég tók ákvörðun eins og ég sagði ykkur í síðasta pósti, um að vera óttalaus og hluti af því snýr að því að segja já við hinum ýmsu tækifærum sem mér býðst. Ég hef verið heppin í gegnum tíðina, tækifærin hafa hreinlega komið til mín.. en ég hef ekki verið dugleg að taka við þeim. Einhver er ástæðan fyrir því.. en núna er ég að breyta þessu. Hvað gerist þá? Ég fékk hringingu um daginn um ótrúlega skemmtilegt og krefjandi verkefni sem fær mig alveg til að fá hnút í magann.. en engu að síður frábær viðbót á ferilskrána. Ég sagði já, til tilbreytingar. Svo sagði ég líka já við herferð UN Women, en ég tók þátt í henni ásamt fleirum hér á Trendnet.is. Ég ætlaði að hætta við… en út fyrir þægindarammann eru orðin mín þessa stundina. Ég hlakka til að sjá hvert “já-in” leiða mig.


Óttalaus

PERSÓNULEGT

Gleðilegt ár kæru lesendur. Ég kveð gamla árið og tek á móti því nýja með bros á vör.. nýja árið byrjar vel en ég hef ákveðið að setja mér áramótaheit, ólíkt fyrri árum. Mín áramótaheit eru á persónulegu nótunum en mér finnst eðlilegra að kalla þetta markmið, þar sem þetta tengist áramótunum ekki með neinum hætti :) Mig langar ótrúlega að opna mig og skrifa allt sem ég er að hugsa, því ég er einlæg að eðlisfari en að sama skapi finnst mér netið vera “scary” vettvangur til þess. Því ætla ég að stikla á stóru, en þið tengið eflaust einhver við orð mín að einhverju leyti og skiljið hvað ég er að fara.

Ég ætla að vinna í sjálfri mér og vinna í því að vera óttalaus. Fara þangað sem ég vil, fylgja draumum mínum.. losa mig enn frekar við áhrif umhverfisins. Taka ákvarðanir, fylgja þeim, framkvæma. Ég hef látið eitt lítið tól stjórna mér að hluta um nokkurt skeið en núna, eða einhverjum vikum fyrir jól, tók ég loks stóra ákvörðun og það er að vinna í þessari hindrun minni. Fjarlægja hana. Það er orðið svo raunverulegt fyrir mér hve lífið er stutt, ég er ekki ódauðleg eins og ég hélt fyrir áratug eða svo.. lífið er núna, eins klisjulegt og það hljómar. Þetta er alls ekki alvarlegt, ég vil ekki að þið haldið að mér líði illa. Þetta snýst meira um að mér finnst löngu kominn tími til að ég fari að blómstra á ákveðnum sviðum :) 

Nýja síðan er æði! Ég komst ekki á viðburðinn í kvöld og er miður mín. Snædís er í tanntöku og vakti út í eitt í nótt.. og ég mætti bókstaflega svefnlaus til vinnu. Orkan var búin að loknum vinnudegi, tveggja tíma tættur svefn gerir víst lítið fyrir mann… og ég valdi að vera heima að þessu sinni (en ég sé eftir því núna, týpískt ég).

Annars eignaðist ég nýjan síma um daginn. Ég var búin að vera lengi með iPhone SE.. myndavélin var algjör martröð. Núna er ég með iPhone 8+ og myndavélin er frábær. Það er nauðsynlegt að vera með góða myndavél út af Snædísi.. en svo er ég alltaf að reyna að hysja upp um mig brækurnar á instagram en mér tekst það með eindæmum illa. Ég á í pínu “love hate” sambandi við instagram (“.) en hver veit hvað gerist á árinu!

Ég fór upp í bústað milli jóla og nýárs með vinkonum mínum. Veðrið í Skorradalnum var magnað.. ótrúlega kalt og stillt. Myndin er tekin við vatnið.. :)

Takk fyrir lesturinn í gegnum árin.. þau eru orðin ansi mörg!


Draumur í stofu

Færslan er unnin í samstarfi við Lumex

Ég sagði ykkur frá því um daginn að ég eignaðist drauma stofulampann minn en ég keypti hann í Lumex. Ég er enn að ná mér niður – en ég vakna nánast brosandi alla morgna bara út af lampanum. Á morgun eða réttara sagt á Þorláksmessu, 23. desember,  verður hann á tilboði en þá mun hann kosta 269.000kr í stað 299.000kr.

Arco gólflampinn (1962) er dæmi um hina frábæra hönnun þar sem útlit og virkni parast fullkomlega saman. Gólflampinn er svo praktískur og einfaldur en að baki hönnunarinnar liggja flóknar pælingar byggðar á funksjónalisma meðal annars. Hönnunin er ótrúlega rökrétt, en þarna erum við með hangandi stofuljós án snúra sem má færa hvert sem er. Marmarafóturinn þjónar tvennum tilgangi, hann er hluti af útlitinu og svo heldur hann jafnvægi á lampanum. Holan í marmaranum var hugsuð sem handfang, en ef til þess kæmi að fólk þyrfti að færa lampann var mælt með því að fólk setti kústskaft þar í gegn til að auðvelda sér verkið. Frekar furðulegur þessi síðasti punktur.. en allt í lagi :)

Sjáiði hvað hann er fallegur.. ég á ekki til eitt einasta orð. Það þarf ekkert að flækja þetta, heimilið mitt hefur aldrei verið fallegra. Takk fyrir mig Lumex!

 

Jólakjóll og sokkar ♡

BARNAVÖRUR

Snædís verður aldeilis fín á jólunum.. en ég hef verið að leita af fallegum hnésíðum sokkum á hana án árangurs, en auðvitað sér Linnea fyrir þessum nauðsynjavörum. Linnea setti saman jóladress á Snædísi, en ég treysti henni algjörlega fyrir því. Ég féll fyrir fyrsta kjólnum sem hún sýndi mér en hann er pastelbleikur með örlitlum gylltum detailum. Efnið er þrusu gott en ég finn á mér að þessi kjóll rjúki út. Snædís verður í pastelbleikum sokkum sem ná upp að hnjám & með gyllta stóra slaufu, en Linnea sagði basically “go big or go home“… og ég bara hlýddi. Ég hlakka svo til að setja hana í þetta fallega jóladress.

Ég fór aldeilis ekki tómhent heim, en peysan og buxurnar frá Kongens Slojd eru heavenly.. svei mér þá, maður er að eignast barn á réttum tíma. Það er svo ótrúlega mikið af fallegum barnafötum og vörum í boði að mér finnst úrvalið endalaust.

Kjóll 1 Snædísar jólakjóll
Kjóll 2 (ekki á mynd en hann er eins og Snædísar jólakjóll en án kraga)
Hnésíðir sokkar frá Cóndor
Slaufa frá Milledeux

Peysa frá Kongens Slojd
Buxur frá Kongens Slojd

Takk kærlega fyrir mig Linnea og Lena. Þessi búð er svo ótrúlega falleg að hún er mjög hættuleg fyrir foreldra. Ekki nóg með það að fötin eru æði, þá langar manni líka að decorate-a herbergið hjá barninu upp á nýtt… sem sagt stórhættuleg búð… (“.)


Stofan: Koníakslituð pulla

HEIMILIÐ MITT

Ég er farin að halda að ég secret-i hluti og til mín. Ótrúlegustu hlutir sem ég hef hugsað um hafa komið til mín, eins og þessi pulla. Mig langaði ótrúlega í koníakslitaða pullu sem virtist jafnvel aðeins notuð. Akkurat eins og þessi að neðan. Pulluna fékk ég að gjöf frá BAST í Kringlunni. Ég vel allt af kostgæfni, en áður en ég þáði boðið vildi ég fá að skoða búðina fyrst til að sjá hvort mig raunverulega langaði í samstarf. Það skiptir ótrúlega miklu máli. Það er ekki hægt að segja já við öllu.. en um leið og ég kom í búðina sá ég að þetta samstarf hentaði mér fullkomlega. Ég sýni ykkur aðra færslu með vörum sem mér þóttu skemmtilegar úr búðinni.. en búðin er drekkhlaðin af ýmis konar vörum. Ég fór þrisvar í hana á tveimur dögum og sá alltaf eitthvað nýtt. Ástæðan fyrir því að ég kom svona oft var að ég var mjög óákveðin um hvað mig langaði í, en valið stóð á milli pullunnar, hnífaparasetts, indverskrar luktar, marmarabrettis, skurðarbrettis, salatskálar, pönnu sem gerir Egg Benedict, rúmfata, rúmteppis og svo mætti lengi telja.. haha… ég er ekki að grínast. Stundum er ekki gott að vera Vog.

Takk fyrir mig BAST! ♡
BAST er staðsett á neðri hæð Kringlunnar hjá Hagkaup.


Jóladagatalið: Mínar uppáhalds vörur

HÖNNUN

Ég nýtti mér svo sannarlega jóladagatal Lumex í ár, en í samstarfi við Lumex eignaðist ég draumagólflampann minn (til margra ára). Ég er í skýjunum þessa stundina.. gólflampinn sem ég hef hugsað um oftar en einu sinni og oftar en hundrað sinnum er orðinn okkar! Við höfum ætlað að kaupa okkur fallegt stofuljós síðan við fluttum inn en ég frekar hef haft ekkert í stað þess að kaupa “tímabundið”. Við vorum því einungis með halogen loftljós, sem eru falleg, en þau fylgja húsinu, ekki okkur.. þið skiljið hvað ég á við :)

Við vildum eignast ljós sem stæðist tímans tönn. Ljós sem passaði við gult sófasett, jafnvel brúna eða græna veggi, fjólublátt teppi, fiskibeinsparket eða marmaraflísar. Fyrir mér er þessi gólflampi algjörlega tímalaus. Hann hentar hvaða stíl sem er, hvaða rými sem er. Ég vel vandlega inn til mín & hef því hugsað þetta gólflampamál alveg til enda. Gólflampinn mun alltaf passa inn til okkar, sama þó við skiptum um sófasett eða lit á veggjum. Þetta er það sem ég hreinlega elska við góða hönnun. Hún lifir & því eru kaupin að mínu mati ekkert nema fjárfesting.

Hér að neðan má sjá jóladagatal Lumex í ár, en það virkar þannig að á hverjum degi fram að jólum er tiltekin vara á afslætti. Ég á nokkrar uppáhalds.. og ég varð smá glöð í hjartanu að sjá rétt í þessu að smávörur eru aftur á 20% afslætti þann 22. desember.

Borðlampar eru á 20% afslætti á morgun, þann 11. desember. Ég er hrikalega skotin í Foscarini Gregg borðlömpunum og  BELL borðlampann frá Tom Dixon. Alveg rúmlega flottur! En ég get ekki sleppt því að minnast á SNOOPY frá Flos. Hann er klárlega í uppáhaldi hjá mér af þeim borðlömpum sem eru til í Lumex. Svartur eða grænn, báðir ofsalega gæjalegir og tilvaldir inn á skrifstofuna mína (sem ég á ekki enn).


Það er ástæða fyrir því að þessi hafa slegið í gegn. Iðnaðarstíllinn á þessum LED skrautperum frá tala er einum of djúsí. Það er hægt að poppa upp ýmis rými með þessum perum.. en það sem er m.a. heillandi við perurnar er að fyrir hverjar 200 seldar skrautperur skuldbindur fyrirtækið sig til að gróðursetja 10 tré. Fyrirtæki að mínu skapi!


Uppáhellt kaffi hlýtur að smakkast guðdómlega með þessu setti frá Tom Dixon. Pant drekka espresso bollann úr þessum sjúku bollum! Ég elska macchiato eða espresso bolla og vil kaffið helst ekki öðruvísi.. þessir bollar eru alveg að hjálpa manni að “lúkka” með bollann :) Svo kemur þetta í mjög fallegri gjafaöskju, en ég er mikill aðdáandi fallegra gjafaaskja.

Hversu rausnarlegur afsláttur af Caboche loftljósinu? Himneskt loftljóst sem mætti fara beint fyrir ofan borðstofuborðið mitt. Ég hafði lengi haft augastað á minnsta Caboche veggljósinu en ég keypti hins vegar HOPE by Luceplan í staðinn. Bjútíful ljós í alla staði ♡

Jæja krakkar. Hér er díllinn. Alveg er ég viss um að þessi gjöf klikki ekki..Púðarnir frá Tom Dixon eru úr flauel- og kasmírblöndu, með einstökum detail sem er koparlitaður rennilás. Litirnir eru geeeeðveikir en ég er hrifnust af sinnepsgula púðanum en myndi aldrei segja nei við hinum. Allur textíll er á 20% afslætti 21. desember.. ég myndi allavega droppa við (snemma) þar sem þó nokkrir hugðust ætla að nýta sér tilboðið af snapchat að dæma en ég sýndi þar aðeins frá nokkrum uppáhaldshlutum um daginn.

Smávörurnar eru aftur á afslætti en ég var mjög glöð að sjá það því þessi flokkur er eflaust vinsælastur fyrir jólin.. hér er um nóg að velja.. sápur, kertastjakar, whiskey glös og karafla, vínglös, bakkar, moscow mule glös, vasar, kerti og ilmstangir og margt fleira.

… tadarammmm! Og loks er það draumagólflampinn sem ég hef hugsað um dálítið oft og velt fyrir mér hvort hann yrði minn einn daginn. Við keyptum hann í vikunni og stofan okkar fór úr NOT yfir í HOT. Ég er að búa til eina djúsí færslu en hann er bara einum of fallegur. Það er góð ástæða fyrir því að við völdum að kaupa hann í Lumex. Segi ykkur betur frá því næstu færslu.

En nú er þessi færsla orðin sú allra lengsta.. ég vona að þið hafið notið góðs af, ég er allavega búin að sitja hér í nokkuð langan tíma að dúllast í henni :)


Gleðjum lítil hjörtu

TILKYNNINGAR

Ég gaf þrjá sæta pakka undir jólatréð í Smáralind í dag. Ég vona að flestir geri slíkt hið sama.. ég á bágt með að ímynda mér Snædísi ekki fá jólagjöf þegar hún eldist og hefur vit fyrir því. Það er svo ömurleg tilhugsun.. ekkert nema tómarúm og tómahljóð. Það má ekkert barn upplifa & ég vona svo innilega að þið getið gefið eitthvað fallegt undir tréð.

Ég var beðin að vekja athygli á þessu málefni og auðvitað vildi ég það. Það besta sem við gerum er að vera vinaleg. Hjálpsöm. Mér finnst þetta frábær leið til að gefa af sér um jólin.. að gleðja lítið hjarta.

Tekið er á móti gjöfum til 21. desember. Merkimiðar og gjafapappír er ókeypis ef þú kýst að pakka á staðnum. Ef þú tekur þátt í ár, máttu endilega ýta á hjartað hér að neðan.. ♡

Babyshower: Hugmynd að gjöf

BARNAVÖRUR

Mér finnst ekkert sniðugra en að gefa eina stór gjöf saman í babyshower. Þá er hægt að kaupa stærri og veglegri gjafir, sem nýtast mun betur heldur en eitthvað úr öllum áttum. Um daginn gáfum við, stór hópur, vinkonu okkar nokkrar vel valdar gjafir úr Petit.is barnafataversluninni. Við lögðum í púkk og ég sá um að velja. Það var svo margt fallegt í boði að það var ekki erfitt að klára peninginn en ég reyndi að kaupa það sem mig langaði hvað mest í. Það má segja að vinkona mín hafi aldeilis dottið í lukkupottinn með þessa gjöf.

Petit opnaði nýja verslun í Ármúla og ég verð að segja að sjón er sögu ríkari. Ótrúlega vel heppnuð verslun sem er með sinn einstaka brag á öllu!

Hér er það sem við keyptum:


Barnaleikmotta í gráu – mér finnst þessi litur henta ótrúlega vel, ég er til að mynda með Snædísar inni í eldhúsi og hún fellur vel í umhverfið.

Brjóstagjafaljós. Algjör nauðsyn! Ég notaði sjálf LED kerti en hefði viljað eiga ljós.. af þessu ljósi kemur hlý birta sem rétt lýsir upp dimmt svæði og er því ómissandi hluti af brjóstagjöfinni á næturnar.

Veggskreyting: Bangsahöfuð á vegg. Það er til fjölbreytt úrval af þessum æðislegu böngsum.

Þett stafaljósabox þekkja eflaust margir.. :)

Ótrúlega fallegur órói yfir rúmið frá Kongens Slojd.

Fyrsta bók barnsins sem ég notaði óspart og svo matarstell frá Design Letters.

Veifur í dásamlega fallegum litum! Ég er með svona í Snædísar herbergi… ótrúlega flott!

Musli ullarföt og Joha draumahúfa sem öll kríli verða að eiga :)

Algjört draumahandklæði frá Musli með hettu. Það er ótrúlega þykkt og mjúkt.

Örlítið jólaskraut

HEIMILIÐ MITT

.. ég er svo sem ekki mikið fyrir að skreyta inni hjá mér en aftur á móti finnst mér æðislegt þegar hús eru skreytt utandyra… Fallegast þykir mér að setja óendanlega mikið af seríu á eitt tré, eins og sést gjarnan í miðbænum. Ég er mjög hrifin af hvítri seríu og finnst fátt jólalegra.

Ég keypti nokkrar greinar í gær og skellti í vasa.. ótrúlega einfalt en minnir mann samt á að jólin eru handan hornsins. Svo kemur í ljós hvor vinni slaginn, meira jólaskraut eða ekki? ..ég vil minna en Davíð meira :)

Efsta mynd

Vasi: Dora Maar
Stórt kerti: Ikea
Jólatré: Söstrene Grene
Salt og piparskálar: Dora Maar
Marmarabakki: Marshalls
Greni: Bónus

Neðsta mynd:

Bakki: VIGT
Kerti: Altariskerti VIGT
Glerkrukka: Undan Yankee Candle kerti