Þegar ég fer til NY reyni ég að gera eitthvað nýtt í hvert sinn. Borgin er svo fjölbreytt og það er ótrúlegt hve margt má gera. Menningin er margslungin og maður er fljótur að finna þá staði sem heilla mann meir en aðrir. En síðastliðna helgi gerði ég mjög eftirminnilegan hlut, eitthvað sem mig hefur langað til að gera síðan ég var barn… en það var að fara í Staten Island Ferry, en sú ferja flytur íbúa Staten Island fram og tilbaka frá Manhattan og öfugt ásamt túristum eins og mér, ókeypis. Hún fer frá Whitehall Str. á Manhattan og túrinn tekur rétt um 20 mínútur. Á leiðinni er siglt framhjá Frelsisstyttunni og það þótti mér mjög gaman að sjá. Eins var merkilegt að sjá eyjuna frá öðru sjónarhorni. Ég var yfir mig hrifin og það er óhætt að segja að þetta hafi verið mikill dagamunur fyrir mig.
Farið frá Whitehall Str.
Svo borðuðum við á stað sem heitir Pier A. Það var allt æðislegt við þennan stað nema þjónustan, en hún gleymdist því það var svo yndislegt að sitja þarna og horfa yfir bæði borgina og yfir til Frelsisstyttunnar.
Svo fengum við okkur mini cupcakes. Þær eru í “bitesize” stærð.. mjög góðar. Ég þrammaði um borgina í sandölum, og endaði með þvílíkar blöðrur milli tánna sem ég fann bara fyrir þegar ég loksins vissi af þeim.
… ég var að bilast á sandölunum og “neyddist” til að kaupa mér all black Roshes. Smá munur að labba um í þeim.
Annars ligg ég hér heima, ennþá slöpp en ég varð veik 15. júní og fagna því tíu daga veikindaafmæli rétt í þessu. Ég hef ekki verið svona lasin í langan tíma… hvað þá í júnímánuði. En tveimur sýklakúrum síðar held ég að ég sé að verða betri… ég bind vonir mínar við að heilsan verði nokkuð eðlileg innan 3-5 daga.
Bestu kveðjur,
Skrifa Innlegg