Ég fór í mjög óvænta heimsókn í dag. Ég átti leið í Bónus og sá þá Sigrúnu og Bjarna fyrir utan.. Ég þekki þau ekkert prívat og persónulega, en hef alltaf spjallað við þau þegar ég sé þau. Síðast hitti ég þau í Kolaportinu í sumar.
Við skutluðumst út í Olís & þaðan heim til þeirra. Mig langaði svo mikið að kíkja í heimsókn og ég spurði því bara hvort ég mætti ekki kíkja aðeins á þau.. ég var sko meira en velkomin.
Ég var hjá þeim í þrjú korter.. og það var alveg ótrúlega gaman að fá að kynnast þeim og sjá hvernig þau lifa. Þau sögðu mér að uppáhaldslagið þeirra væri “I don’t like your style” með Baraflokknum. Það var búið að ganga illa síðastliðna daga að tengja tölvuna & hátalarana… svo ég reyndi eitthvað að hjálpa þeim og það gekk undir lokin… og svo endaði ég á smá youtube kennslu.
Sigrún sagði mér að hún hafi verið í DV síðasta sumar… en hún var ekkert voðalega sátt með fyrirsögnina því þar stóð “Fólkið sem er á götunni”. Hún hefur ekki búið á götunni í 5 ár og krotaði því yfir “er” í fyrirsögninni og skrifaði “var” í staðinn.
Þau spurðu mig hvort það væri ekki í góðu að þau tækju eina mynd af okkur saman í Webcam – jú jú, ekkert mál.. það var bara gaman.
Sigrún og félagar hennar.. Óli Pétur (í miðjunni) verður jarðsettur á morgun.
Ég get nú ekki sagt annað en að dagurinn hafi komið mér á óvart… Ég sagðist ætla að reyna að redda þeim rúmi því þeirra var brotið – sjáum hvernig það fer :-)
Ef einhver á tvíbreitt rúm þá væri frábært ef sá aðili gæti heyrt í mér = karenlind@trendnet.is
UPPFÆRT: Ég er komin með fjögur rúm! Frábært… takk big time.
Skrifa Innlegg