Karen Lind

karenlind@trendnet.is

Dermapen meðferð hjá Húðfegrun

HÚÐUMFJÖLLUN

Ég er eini bloggarinn á Trendnet sem hefur náð þremur tugum í aldri. Eðlilega hafa orðið breytingar á húðinni, þá sérstaklega í andlitinu. Ég fagna að sjálfsögðu hverju ári og er þakklát fyrir að eldast. En ég neita því ekki að ég var alsæl þegar mér bauðst að fara í Dermapen meðferð á andliti hjá Díönu en hún er annar eigandi Húðfegrunar. Ég vissi ekki hverju ég ætti von á og kom því inn með engar væntingar né pælingar um hvað skyldi eiga sér stað fyrir utan það sem ég hafði lesið mér til um meðferðina. Díana er hjúkrunarfræðingur og er sérfræðingur á sínu sviði. Örugg og pottþétt í því sem hún var að gera. Ekkert hik á henni og fyrir vikið var hún sneggri með Dermapennanum. Meðferðin tók aðeins um 20-30 mínútur.

eigendur
F.V. – Bryndís Alma hagfræðingur og Díana hjúkrunarfræðingur, eigendur Húðfegrunar.

Dermapen meðferðin (microneedling) er öflug og örugg húðmeðferð sem er aðeins framkvæmd á stofu. Þess má einnig geta að meðferðin sem ég fór í dag hjá Húðfegrun er sú öflugasta sem er í boði á Íslandi. Dermapen meðferðin vinnur á eftirfarandi:

Fínum línum og hrukkum
Ótímabærri öldrun húðar
Húðsliti
Örum
Opinni húð
Exemhúð
Litabreytingum á húð

Ég er að sjálfsögðu með eitthvað af þessu, þá helst fínar línar, opna húð og litabreytingar.

Meðferðin sjálf var örlítið sársaukafull. Til að byrja með setti Díana serum krem með náttúrulegum fjölsykrum á andlitið og þar á eftir fór hún yfir andlitið með Dermapennanum. Penninn ýtir serum kreminu undir húðina. Mig minnig að styrkleikinn geti farið upp í 2 en ég var í 0,5-1. Ég fann minnst fyrir því þegar hún renndi pennanum yfir kinnarnar, hökuna og nefið en svæðið fyrir ofan efri vörina og ennið voru sársaukafyllri. Svo vandist þetta og ég fann mun minna fyrir þessu eftir því sem leið á.

Ég fer aftur í lok nóvember og í byrjun desember. Ég þarf að passa mig á því næstu daga að fara ekki í ljós (sem ég hef ekki gert í næstum átta ár), forðast sól, ekki fara í sund næstu tvo daga og nota sólarvörn með SPF30. Heimavinnan er nú bara auðveld :)

10814305_10205203781476339_1951777137_nOg nei, þetta er hvorki amman í “There’s something about Mary” eða rautt jólaskraut. Bara ég. Eflaust versta mynd sem ég hef sett á netið af sjálfri mér, en mig langaði bara að sýna ykkur hvernig ég leit út eftir meðferðina. Hún vinnur vel á húðinni og því lítur maður út eins og sólbekkurinn hafi verið helsta sportið þann daginn. En nú hafa liðið þrír tímar frá meðferðinni og ég er að nálgast mitt venjulega útlit.

Húðfegrun var áður staðsett í Skipholti en þær færðu sig nýlega yfir í Fákafen 11, beint fyrir ofan nýja GLÓ veitingastaðinn (þar sem Lifandi Markaður var).

Facebook Húðfegrunar
Heimasíða Húðfegrunar

En allavega… mikið hlakka ég til að sjá hvernig ég verð eftir þriðju meðferðina. Ég deili því með ykkur!

Bestu kveðjur,

karenlind

Skildu eftir komment...

12 Ummæli

  1. Áslaug

    17. November 2014

    Lítur líka best út af trendnet.is bloggurunum

  2. Jenný María

    17. November 2014

    Karen Lind, þú lítur nú ekki út fyrir að vera deginum eldri en tvítug kona! og stórt like á að þú setir mynd af þér inn á netið ófarðaðri eftir húðmeðferð. Þú ert alltaf jafn glæsileg og svo skemmtilegur penni :)

  3. Lára

    17. November 2014

    Þetta er eitthvað fyrir mig, hvað kostar svona meðferð ?

    – Lára

  4. Hildur Rún

    17. November 2014

    Hefði aaaaaldrei giskad a ad tu værir 30 !! Helt tu værir svona 22 ara ! Berd aldurinn vel :) elska bloggid titt :)

  5. Jóna Guðrún Ásgeirsdóttir

    19. November 2014

    Er þetta ekkert hættulegt ? Engin hætta að sitja uppi með brennda húð ? Og að endingu langar mig að vita hvað svona aðgerð kostar ?

  6. Erla

    19. November 2014

    Haha snillingur :)

  7. Kristjana

    19. November 2014

    Halló halló, spennó spennó! ;)

  8. Auður

    20. November 2014

    Verð að vera sammála commentunum hér að ofan að þú lítur alveg svakalega vel út! Takk fyrir skemmtilegt blogg :)

  9. Lovísa

    21. November 2014

    Hahahaha! Amman í TSAM, LOL ;) Þetta var nú hressandi, heldur betur ;) Já maður fer að taka eftir ýmsum breytingum við þriðjatuginn. Ég er mjög spennt að fylgjast með þessu :)

  10. Kristín

    25. November 2014

    hvað kostar svona meðferð??

    • Karen Lind

      26. November 2014

      Æ, ég ætlaði að vera búin að svara – en hún kostar 25 þúsund krónur fyrir skiptið.

  11. Hrund

    5. February 2015

    Va þu ert alveg gullfalleg og litur ekki ut fyrir að vera deginum eldri en 20! Uppahalds trendnet bloggarinn!