Þá erum við komin heim eftir hreint út sagt æðislega ferð til Florida. Við eyddum heldur meira en við ætluðum okkur, þrátt fyrir næstum tómar ferðatöskur. Ég keypti mér gallabuxur og ekkert meira. Jú, reyndar saxaði ég aðeins af jólagjafalistanum. Eyðslan fór að mestu í óeðlilega óhollan mat. Ég horfði á mig bólgna út af eiturefnum. Ég meina það, þvílíkt rugl. Um leið og maður byrjar á vitleysunni, þá er eins og manni sé hent niður eina bröttustu rennibraut óhollustunnar og það er engin leið að stoppa né snúa við. Ég renndi mér svo sannarlega niður hina sannkölluðu rennibraut himnaríkis (eða helvítis, hvernig sem maður lítur á það) og borðaði t.d einn daginn Cracker Barrel í morgunmat, McFlurry stuttu síðar… McDonalds fljótlega eftir það, Cherry Coke á ströndinni, snakk og súkkulaði, Hooters í kvöldmat og Pringles rétt fyrir háttinn. Junk food lífernið truflaði mig ekki, mér fannst þetta bara nice. Eina sem gekk á afturfótunum hjá mér var meltingin en það er svo sem skiljanlegt, hvaða eðlilega þarmaflóra samþykkir þessa dúndur blöndu?
Clearwater Beach er staður sem ég heimsæki aftur. Ferðalög mín til Florida hafa alltaf verið ólík þessari ferð, ég hef haft það fyrir vana að fara til ömmu og móðurbróður míns. Núna vorum við hins vegar á hótelum og keyrðum um. Ég komst að því að ég mun aldrei gista aftur í Orlando. Í mesta lagi verður eytt deginum þar til að versla. Það er ósköp lítið þar til afþreyingar og umhverfið ekki heillandi.
Til að lýsa Clearwater Beach á sem einfaldastan hátt, þá er þetta örlítil strandareyja við Mexíkóflóann. Ströndin sjálf er um 4km að lengd. Umhverfið er svo tært og fallegt, aðeins ein gata teygir sig frá öðrum enda eyjunnar og yfir í hinn. Hliðargötur spretta svo út frá aðalgötunni og þar má sjá ótrúlega falleg hús eða krúttleg gistiheimili.
Ég tók þessa mynd úr flugvélinni minni. Heh, grín. En myndin sýnir svona nokkurn veginn hvernig þetta lítur út. Satt að segja sýnist mér myndin ekki vera af Clearwater Beach, þetta er Sand Key, en sú eyja er við hliðina á Clearwater B.
Litlar bryggjur út frá húsunum.
Séð frá götunni.
Ljúf afslöppun
On a boat. Uppblásnum samt.. ekkert fancy.
Ótrúlegt sólarlag.
Sólin farin og pastellitir sjá um eftirmálin.
Ofsalega fallegt. Sólarlagið gerist ekki mikið fallegra en á þessum stað.
Hello my friend. Smá auka Oreo og þá er ég góð.
Steypa og malbik í morgunmat.
Svona eru sum hótelin þarna. Þetta er einum of krúttegur retro stíll.
Keyrt að Clearwater Beach
Ég er með 89 þúsund fæðingabletti. Einn á vörinni. Svo fékk ég eitt sem ég hef aldrei orðið vör við áður… en það var freknurönd í kringum varirnar. Það er eins og ég sé með varablýant. Hvað kemur ekki með aldrinum?
Húðlæknirinn hefur frætt mig ansi mikið um sólina og áhrif hennar… því fer ég að hans ráðum og maka á mig 50+.
Hér var ekki verið að töfra neinar hrukkur í burtu.. það er víst einhver beauty takki á Samsung símum sem blörrar á manni andlitin sem ég hef rekist í. Það sést mjög vel að hann er á. Er þetta ekki furðuleg viðbót við myndavélar í símum?
Ég mæli svo sannarlega með því að eyða dögunum á þessum stað. Ekkert stress, bara strönd, barir, matsölustaðir, veitingastaðir og hangs með bumbuna út í loftið. Það getur varla klikkað.
Skrifa Innlegg