Ég fékk fyrirspurn um Brighton og ákvað því að lífga við gamla færslu sem ég aldrei birti. Oft skrifa ég færslur og hætti svo við, en ætli þessari hafi ekki verið ætlað að birtast. Við mæðginin skruppum til Brighton í október síðastliðnum. Brighton er ævintýralegur bær sem ég ætla að heimsækja aftur, og vera þá lengur en í einn dag. Reading er í 90 mínútna fjarlægð frá Brighton sem gerir okkur fjölskyldunni kleift að fara í dagsferð. Þeir sem hafa áhuga fyrir því að fara til Brighton fljúga til Gatwick, en sá flugvöllur er í um 20 mínútna akstursfjarlægð frá Brighton.
Við sátum hins vegar föst í umferð í ansi langan tíma svo tíminn okkar í Brighton styttist heldur betur. Það var erfitt að fá bílastæði enda bærinn stútfullur af fólki. Sjálf náði ég ekki að gera svo mikið annað en að rölta og skoða og því hef ég ekki neina skemmtilega ferðapunkta til að deila með ykkur annan en sá að Brighton er algjörlega þess virði að heimsækja.
Helstu verslanirnar eru á múrsteinslögðum og afar þröngum göngugötum. Nægt er úrvalið af local veitingastöðum og kaffihúsum. Gatan sem liggur meðfram sjávarsíðunni er einstaklega falleg, þið sjáið nokkrar myndir af henni hér að neðan. Ég leyfi myndunum að tala (ég setti inn nokkrar aðrar frá Reading) – annars bara góða ferð til Brighton, Elfa Björk :)
…. Reading
Rölt um Brighton
Almenningsgarður í Brighton
Downtown Reading
Ég fór til þeirra fyrr á árinu en þá gerði ég nú mest lítið, annað en að veita brósa selskap. Ferðinni er heitið aftur í apríl en þá mun ég sjá hann keppa í fyrsta sinn með Reading. Ég deili færslu ef ég geri eitthvað skemmtilegt.
Bestu kveðjur,
Skrifa Innlegg