Það fór eflaust ekki framhjá neinum sem gekk um götur NYC í fyrra að það væri kominn nýr og byltingarkenndur íþróttatoppur frá Victoria’s Secret. Ef einhver þarf á góðum íþróttatopp þá er það ég. Ég er með stór brjóst að eðlisfari, þökk sé móðurleggnum eins og hann leggur sig. Það er oft mikill hausverkur að bera slíkan farm, sérstaklega í ræktinni. Ég hef yfirleitt verið í íþróttatoppunum frá Target og þeir eru nánast tilgangslausir fyrir mig.
Victoria’s Secret lofaði viðskiptavinum að skila íþróttatoppunum ef þeir stæðust ekki væntingar. Eins fékk hver viðskiptavinur íþróttatoppsins afsláttarmiða sem bauð ýmist upp á 5 eða 10$ afslátt eða ókeypis íþróttatopp. Ég mátaði toppinn, tók nokkur létt hopp og skopp inni í mátunarklefanum og sá um leið að brjóstin hreyfðust ekki um millimetra. Auðvitað keypti ég íþróttatoppinn og fékk 5$ afslátt.
Ég hef átt hann í ár og einungis notað hann. Þeir eru ekki til í verslunum lengur, kannski örfáum, en þeir eru seldir á vefsíðunni. Þar sem ég hafði ekki prófað aðra íþróttatoppa frá þeim með “maxinum strength” ákvað ég að máta alla þá sem voru til upp á samanburðinn. Þeir hentuðu mér engan veginn og því get ég sagt (fyrir mitt leyti) að þetta er sá allra besti íþróttatoppur sem er í boði frá þeim.
Böndin eru stillanleg sem mér finnst skipta mestu máli. Það er engin spöng en stuðningurinn er engu að síður rosalegur. Ég get lofað ykkur því að brjóstin haggast ekki. Loksins gat ég allavega hlaupið og hoppað eins og vitleysingur án þess að vinkonurnar færu á fleygiferð.
Fæst hér
Fæst hér
Fæst hér
Fæst hér
Ef þig langar til að fylgjast með póstum frá mér þá er ég með Facebook like síðu = sjá hér.
Skrifa Innlegg