Þið getið sko treyst þessari staðhæfingu minni. Blender Bottle er sá allra besti þó víða væri leitað. Ég fékk minn hér heima í Fræinu í Fjarðarkaupum en svo hef ég líka séð þá í Marshalls og Bed, Bath and Beyond á undir 10$. Ég á þennan original en væri alveg til í að kaupa þennan albleika hér að neðan. Blender Bottle er með ýmsar útgáfur af brúsum en nýlega bættu þeir við Stak en það má sjá á neðstu myndinni. Stak er eins konar nestisboxasamstæða, hentugt fyrir fólk á ferðinni.
Plastið í brúsunum er mjög massívt og langlíft. Það er BPA-free. Eins er lokið á því mjög þétt og traust og engin hætta á að svo mikið sem einn vatnsdropi leki úr brúsanum. Hristan í brúsanum er sú langbesta sem ég hef prófað hingað til. Margir hristibrúsar eru með plastnet til að brjóta niður kekki en það virkar aldrei fullkomlega. Hristan skilur ekki eftir neina kekki í því sem þú ert að blanda þér.
Þessi blöndunarkúla er það sem gerir gæfumuninn.
Mig langar virkilega í Stak en hef hvergi rekist á það. Það er þó til á vefsíðunni. Oft þykir mér best að versla hlutina á netinu og sleppa við búðarrápið, háu tónlistina og fólksfjöldann.
Brúsana má einnig nota til að hrista öðrum matvælum saman, svo sem jógúrti og músli. Sjálf nota ég þetta bara í drykki, t.d. Slender Sticks frá Now og Amino Energy. Ég mæli allavega með þessum brúsum alla leið… þið sjáið ekki eftir þeim kaupum.
Heimasíða Blender Bottles
Skrifa Innlegg