Tina Knowles giftist leikaranum Richard Lawson þann 12. apríl síðastliðinn rétt fyrir utan Newport Beach í California. Brúðkaupið var haldið á glæsilegri snekkju og þemað var hvítt, rétt eins og það var í brúðkaupi Solange. Tina er orðin 61 árs gömul en rétt er að minnast á að hún og Mathew Knowles, faðir Beyoncé og Solange, skildu fyrir ca. fjórum árum eftir 31 árs hjónaband.
Er ekki frábært að finna hamingjuna á ný og gifta sig á þessum aldri? Tina geislar og fjölskylduböndin eru greinilega afar sterk, ef marka má myndirnar.
Julez er orðinn 11 ára, mér finnst það eitthvað ótrúlegt.. því ég man ennþá eftir deginum sem hann fæddist. Mér hefur alltaf þótt hann líkjast Beyoncé. Hann er einmitt með nákvæmlega sama sveip og Beyoncé í annarri augabrúninni.
.. og Blue, hún er alveg eins og pabbi sinn!
Skrifa Innlegg