Samstarf við Smáralind

Þið lásuð rétt!

Þetta er mitt innlegg inní leikinn:

Jólalegt frá Selected –

HÉR getið þið tekið þátt og unnið 100.000 kr í Smáralind – 

vona að þið vinnið! x

@helgiomarsson

Samstarf með Smáralind

Það er búið að vera svo yndislegt að fá að vera með Smáralind í kringum jólahátíðarnar. Andrúmsloftið þarna inni er yndislegur og ég kláraði í gærkvöldi allar jólagjafirnar á mettíma –
Það er margar frábærar viðbótir í Smáralind, eins og kampavínskaffihús Sætra Synda, ég er súper fan og fannst svo gaman að heimsækja það. Við hliðiná eru vinir mínir á Maikai (Helgaskál coming soon!) og fyrir alla þá sem ekki hafa smakkað, þá mæli ég svo innilega með. Súperfúd af bestu gerð og starfsfólkið yndislegt. Blue Lagoon Skincare er einnig glænýtt með gullfallega pop-up búð! Ég tók nokkrar myndir af stemmingunni á meðan ég straujaði kortið fyrir jólin –

Fyrsta stoppið mitt var í Maika’i – svo glæsileg og stór og falleg búð hjá þeim. Þið finnið hana á neðri hæðina við H&M Home –

Nágranninn ekki af verra endanum. Sætar Syndir. Maika’i skál og svo eftirrétturinn á Sætum Syndum, sörur, karamellustykkin, bollakökur, name it. Jú og kampavín!

Moet í boðinu!

Dumble, þristur, saltkaramella. Fæ vatn í munninn að skoða þetta aftur!

Ekkert eðlilega fallegt úrval –

Eva María, drollan á bakvið allt batterí-ið tók alveg fáranlega vel á móti mér –

Sörur, jólasveinar, kökudeig!

H&M er orðin fastaheimsókn hjá mér í Smáralind – alltaf eitthvað hægt að grípa með sér.

Jólalegt á öllum hornum Smáralindar –

Gallerí 17 í Smáralind sú glæsilegasta –

Tilvalið fyrir mjúku pakkana –

Minni á ÞESSA nýlegu færslu – 

Heimsótti Tobias vin minn í Selected –

Heimsókn í Selected er orðin smá hefð, ég er mikill fan af jakkafötunum sem þau eru með. Ég keypti reyndar engin þetta árið, en ég prófaði þessi rauðu, afþví ég bara varð!

Alltaf eitthvað fallegt að finna –

Jólaandinn er allavega þokkalega í Smáralindinni, happy shopping x

@helgiomarsson

Hæ elsku vinir –

Dagurinn í gær var vægast sagt skrýtinn. Ég var mættur í Smáralind að vinna verkefni þegar ég fann þessa fáranlegu þörf til að tala við Dagnýju systir og sagði meðal annars við hana “Mig vantar bara að heyra þig segja “you got this” við mig” – við erum bestu vinir og tölum reglulega saman. Nokkrar mínútur inní símtalið heyri ég bara “Framhús er farið” en það er húsið hennar systir minnar sem við höfum átt ófáar minningar saman með henni og stelpunum hennar, Margrét Móeiði og Sigrúnu Ísold. Skærustu stjörnur. Hjartað á mér pompaði og í kjölfarið tekur við stór rússíbani. Skriða féll á húsið og húsið algjörlega ónýtt. Þakklæti er varla nóg, því tilfinningin er svo þúsund sinnum stærri en það. Að húsið hafi verið mannlaust og að enginn slasaðist. Við eigum marga engla sem vaka yfir bænum og þeir hjálpuðu.

Ég veit ekki alveg hvert ég ætlaði með þennan pistil og skrifa ég þetta með tárin í augunum. Þetta er bara ekki flókið, Seyðisfjörður er fjölskylda. Við erum eins og heil ætt, með skrýtna frændanum með fyndnu frænkunni. Það hefur sýnt sig og sannað aftur og aftur að samkenndin sem einkennir þetta bæjarfélag er algjörlega einstakt. Það sem við Seyðfirðingar og velunnarar deilum fyrst og fremst er ástin okkar gagnvart bænum. Hver einasti foss og hver einasti lækur er okkur heilagur. Orkan þarna kemur líka beint tilbaka til okkar og til þeirra sem heimsækja bæinn. Hún er mjög heilandi, næstum eins og faðmlag frá góðum ástvin. Svo tilhugsunin hversu margir af okkar fólki á staðnum eru skelkaðir, hræddir og sorgmæddir er þyngra en tárum taki.

Þetta hefur verið eins og að fylgjast með bíómynd og raunveruleikinn hefur svo sannarlega ekki kikkað inn. Þessi nýi raunveruleiki að historísk og innilega stórkostleg hús séu farin og við deilum öll einhverjum minningum í hverju og einu húsi. Raunveruleikinn að fólk hafi misst heimili, vinnustaði og einstök hús. Ég veit ekki hvernig þetta verður allt, en ég veit að Seyðfirðingar sigra með kærleiknum sem býr í þeim.

Pabbi skrifaði svo fallegt á Facebook og ég nýti þau sem lokaorð:

“Seyðisfjörður mun rísa upp á ný, sólin mun aftur skína á fjörðinn og skriðan mun aftur verða græn” 

Ef þið hafið tök, þá eru eftirfarandi upplýsingar:

Rauði Krossinn á Seyðisfirði
Kennitala: 620780-3329
Reikningsnúmer: 0176-26-30

Björgunarsveitin Ísólfur
Kennitala: 580484-0349
Reikningsnúmer: 0176-26-5157

Þið sem hafið sent mér skilaboðin, takk æðislega <3

2020 er aaaallskonar – eitt sem stendur þokkalega uppúr er hafa hitt hana Dagmar Mýrdal. Sem byrjaði sem umboðskonan mín, sem varð fljótt buisness partnerinn minn og í lokin, gjööörsamlega frábær vinkona. Núna er hún allt blandað saman og er ég mjög þakklátur að hafa fengið hana inní lífið. Við erum fáranlega ólík, hún er mesti do-er sem ég hef hitt, og ég er maður með 15.000 hugmyndir á dag og kem engu í verk –

Saman erum við sterk og fyrsta verkefnið okkar fæddist á dögunum, sem er skartgripalínan 1104 by MAR. Línan er fyrir öll kyn og með fallegum sterkum gripum. Stærri statement keðjur, perlur, létti og nett. Við erum gríðarlega stolt af þessu og erum bæði ósofin eftir að hafa bombað í þetta verkefni. Skartið fæst á heimasíðu 1104 by MAR og í Maia Reykjavik, þar sem þið getið farið og skoðað og prófað.

Sigríður okkar besta mælir einnig með keðjum á óskalistunum sínum í ár, var mjög stoltur af því!

Akkúrat núna er möguleiki vinna hvern einasta grip í línunni á Instagramminu mínu @helgiomarsson –

<3

Færslan inniheldur gjafir

Fyrir ekki svo löngu fór ég í Rammagerðina á Skólavörðustíg sem hefur verið að taka stórmögnuðum breytingum og er farinn að vinna aðeins með þeim, sem ég er gríðarlega ánægður með. Það sem tók á móti mér þegar ég labbaði inn var ótrúlega sjarmerandi, og eiginlega mjög Helgalegur veggur sem gjörsamlega sogaði mig til sín. Ég þurfti að bíða aðeins eftir að ég labbaði inn og ég var búinn að sniffa allt hátt og lágt og eiginlega féll flatur fyrir semsagt Fischer, sem er al íslenskt og eiginlega stórkostlegt eins og kemur fram í titil bloggsins.

Þau eru með ilmvötn, þrjá mismunandi, allir fáranlega einstakir og góðir, þau eru með ilmkrem, reykelsi, te, púða, teppi, bolla, og ég er gjörsamlega veikur. Allir sjá að þetta er allt mjöööög Helgalegt – en ég get eiginlega ekki sagt ykkur hvað sjón er sögu ríkari. Í kjölfarið að ég póstaði í story buðu þau mér meira segja að heimsækja þau í búðina og ég er alveg svona feiminn-spenntur fyrir því. Snilldarkonurnar á bakvið Rammagerðina sáu mig froðufellandi og í einhverjum trans yfir þessum og leyfðu mér að prufa vörurnar frá þeim og er rosalega þakklátur fyrir það. Þetta er gjööööörsamlega stórkostlegt dæmi, vonandi fæ ég að hitta fólkið á bakvið þetta og þá fá aðeins meiri upplýsingar um hugarheiminn þeirra og framleiðslu.

Þau komu nýlega með jólakerti sem á eftir að sniffa, en kertin þeirra hin eru algjörlega geggjuð.

Mæli með að skoða Fischer eða Fischersund.com – og munum að styðja íslenska hönnun og frumkvöðla í bæði Covid og um jólin –

Takk fyrir mig Rammagerðin x

Ilmurinn númer 23 kom semsagt með mér heim, aaaaalveg ruglaður –

Svo er í boði þessi Ilmkrem einnig með ilmunum þeirra, svo ég valdi hinn ilminn sem mér fannst alveg gjörsamlega stórkostlegur –

.. og te, gríðarlega sexy te

@helgiomarsson

Karlmenn og húðrútína er eitthvað sem getur verið feimnisatriði eða hreinlega ekki eitthvað sem hefur verið komið inní rútínuna. Að bomba sér í sturtu ætti að vera nóg. Að passa uppá húðina er gríðarlega mikilvægt. Karlmenn eru oft með mjög viðkvæma og erta húð og skegg getur átt þátt í allskonar pirring svo það er mikilvægt að koma sér upp rútínu sem hentar hverjum og einum.

Ég er bæði með power húðrútínu sem er ótrúlega fljótleg og þæginleg, og einnig sem er flóknari og algjört dund og kósí. Að passa uppá sjálfan sig, hvort svo sem það er líkamsrækt, út að labba, hugleiða eða hvað það er. Þá á það að gilda því sama eins og að skila verkefni, sinna vinnunni eða fara á einn eða annan fund. Því það er jafn mikilvægt í daglegu lífi.

Fyrsta sem ég mæli alltaf með fyrir herra er húðhreinsir. Ég veit hvað flestir hugsa – “æ nennir maður því nú” og svarið er þokkalega! Í dag eru í boði margir mildir og góðir andlitshreinsar. Það skiptir miklu máli að þrífa á sér húðina, enda er umhverfið okkar allt stútfullt af óhreinindum sem setjast á húðina. Og eftir að þú notar andlitshreinsi dregur húðin í sig öll góðu virknina úr kremum sem maður setur á sig og fær að anda hrein og fín. Andlitshreinsir er einnig ótrúlega mikilvægur þegar maður er að berjast við húðvandamál eins og bólur, enda eru það bara bólgur og óhreinindi. Hvað gerir maður þá? Maður hreinsar það og þá jafnar það sig.

GOTT RÁÐ: Taktu andlitshreinsinn með þér í sturtu og gerðu hann part af sturtu rútínunni, skrúbba, þrífa, nudda, skola og svo hreinsa svo húðina.

Eftirfarandi hreinsar hef ég sjálfur notað og prófað og hef frábæra reynslu – förum yfir þá!

1. Checks & Balances frá Origins: Það sem seldi mér þennan hreinsi var upprunalega lyktarkombó-ið. Bergamót, lavander og mynta. Svolítið eins og ég hafi sjálfur búið hann til. Virknin var frábær og hjálpaði húðinni mikið, sem var frekar léleg á þessum tíma.

2. GinZing frá Origins: Þennan keypti ég mér því ennið á mér var með mjög mikla stæla og fannst mér þetta gott combó, skrúbbur og hreinsir. Ég hef frábæra reynslu af þessum, hann er frísklegur og smá eins og einn góður expresso fyrir húðina. Fæst í Hagkaup Smáralind

3. La Mer Cleansing Gel: Rolls Royce allra húðvörumerkja. Þó að ég spara þennan hreinsi alveg eins og Jóakim Aðalönd sparaði hvern einasta gullpening sem hann átti, þá er þessi hreinsir unaður. Hann er froðukenndur og jafnar húðina ótrúlega og skilur hana eftir mjög ljómandi og flotta.

4. Skin Regimen Cleansing Cream: Þessi hreinsir er ótrúlega mildur freyðandi yfirborðshreinsir og ilmurinn er geggjaður. Ég er mikill aðdáandi Skin Regimen og þessi hreinsir hefur verið lengi verið minn go-to.

5. Garnier Pure Active Sensitive Anti-Blemish Soap-Free Gel Wash: Ég er mjög hrifinn af Garnier, ég hef mikið verið að skoða innihald og finnst þau ná að gera alveg ótrúlega effektívar og góðar vörur á góðu verði. Þessi hreinsir gerði frábæra hluti fyrir mig þegar húðin mín var ekki uppá sitt besta. Finnst hann vinna vinnuna og húðin jöfn og fín eftir á. Fæst í Hagkaup Smáralind 

6. Clinique Face Wash: Þá er komið að uppáhalds andlitshreinsinum mínum, hann hentar húðinni minni því hann inniheldur engin ilmefni sem veldur engri ertingu í húðinni og ég er persónulega er með viðkvæma húð og sérstaklega þar sem ég er með skegg. Ótrúlega góður hreinsir sem ég mæli hiklaust með. Fæst í Hagkaup Smáralind

7. Aesop Parsley Seed Cleanser: Þessi unaðslegi hreinsir virkar einnig sem súper mildur skrúbb vegna lactic sýru sem er í hreinsinum. Er mikill Aesop maður og lyktin er geggjuð.

Þessir hreinsar klikka ekki, svo þið getið líka bara úllendúllendoffað!

@helgiomarsson

Samstarf við 66°Norður

Ég var svo hrifinn af því þegar Trendnýtt bloggaði um nálgun 66°Norður á Black Friday – málefnið mikilvægt og einnig bara alveg ótrúlega fræðandi. Facebook logar vegna mismunandi skoðanna í garð Black Friday. Ég hef aðeins eytt að segja, ábyrgðin er hjá neytendanum ef þið spyrjið mig. Þar eru stór fyrirtæki eins og 66°Norður sem velja að nýta þessa tíma til góðs sem mér þykir stórmagnað. Svo eru minni fyrirtæki sem eru að reyna lifa af þessa skrýtnu tíma þar sem hver króna skiptir máli. 66 sýnir það og sannar trekk í trekk að þau eru ávalt með hjartað á réttum stað þegar kemur að starfsemi, og ég dáist að því.

Eins og kemur fram í Trendnýtt blogginu hérna fyrir ofan fer 25% af allri sölu til Votlendissjóð og ég mæli með að kynna ykkur þetta málefni. Gríðarlega mikilvægt fyrir íslensku náttúruna okkar –

Ég setti saman smá óskalista frá heimasíðu 66°Norður og ákvað að deila honum með ykkur og afhverju ég valdi þessar flíkur –

1. Staðarfell jakkinn – ég er að fara æfa mig að vera töff vetrarhlaupatýpa, svo svona jakki er möst – 
2. Tindur úlpan í Khaki litnum að því að þið vitið .. obvi –
3. Tindur shearling flíspeysan, að því mér finnst ég sexy í minni – 
4. Kríu hliðartaskan, hún er á mínum óskalista, en mér finnst liturinn geggjaður við svartar flíkur. Ég er einnig mikill kríu unnandi – 
5. Torfajökull hettupeysan, einnig á mínum óskalista. Ég prófaði hana á dögunum og hún er þetta grand high quality element í sér sem ég elska. Þessi peysa endist – 

1. Kársnes jakkinn – því hann er líka svona hlaupajakki sem ég þarf til að vera sexy vetrarhlaupari –
2. Húfukolla – því af öllu shittinu sem ég tók með mér frá Kaupmannahöfn heim, þá tók ég ekki eina húfu með – 
3. Vatnajökull primaloft buxur – núna þegar Noel er kominn heim og ég er núna einstæður hundafaðir sem fer fjóra labbitúra á dag, þá mundi ég segja að svona buxur eru mööööst í íslensku veðri – 
4. Tindur í Dark Glacial River litnum – því að velja milli tveggja lita er eins og velja milli barnana sinna, ef ég ætti börn – 
5. Langjökull hanskar – þarna kemur hundapabba hlutverkið aftur inní myndina, algjört möst – 
6. Primaloft sokkar – lesið textann í nr 5, same same – 

1. Nýr Kríu jakki lenti fyrir ekki svo löngu og ég á þennan í svarta. Þessi flík er hreinn unaður. Kæmpe stór meðmæli – 
2. Bylur lopapeysan – klassík og ég eeelska detailinn á ermunum, en þær eru orðnar stærri og breiðari, það er fáááranlega fínt –
3. Krafla vesti – ég lofaði sjálfum mér áður en ég lofaði mér inní kristna trú í fermingunni að ég mundi aldrei nota vesti því þau eru ljót. Í dag er ég 29 ára og ég segi það stoltur, ég elska vesti. Og mig langar í þetta vesti.
4. Drangajökull – án efa mest svona sexy úlpa sem 66°Norður hefur hannað og þar af leiðandi langar mig í hana. Meira segja í þessum ljósa mist lit. Ég er með silfurlitað hár, getiði ímyndað ykkur?

Eigið góðan kæru vinir!

@helgiomarsson
@66north

Þessi færsla er í samstarfi við Smáralind –

Á skrýtnum tímum eins og þessum eru allskonar hlutir sem maður áður tók sem sjálfssögðum hlut. Þið vitið, fara í teiti, knúsa fast og lengi, fara á tónleika eða bara yfirhöfuð vera í kringum þokkalega mikið af fólki. Það sem er þó hægt að gera er að smella á sig krúttlegri grímu og fara í krúttlega verslunarferð. Ef ekki til að refsa kreditkortinu, þá átti ég um daginn tvo klukkutíma í Smáralind með hlaðvarp í eyranu og gleymdi mér í að skoða úrvalið og fannst það svo róandi og þæginlegt. Ég ákvað að deila með ykkur vel völdnum vörum sem ég hef annaðhvort reynslu af og mæli með. Jú eða eitthvað sem mér fannst fáranlega spennandi.

Líf og List – verð frá 5.760 kr

Það fyrsta sem ég sá þegar ég labbaði inn þá var það jólagleðin frá Royal Copenhagen og ég fékk smá kitl í magann. Það styttist í jólin allir saman!! 

The Body Shop – 3.290 kr

Þetta Shea Butter frá The Body Shop hefur reynst mér alveg ótrúlega vel. Ég elska að það er hreint og það er einnig fair-trade, sem er svo sannarlega plús. Ég nota það á líkamann enda algjör rakasprengja og eftir að ég rakaði hárið af höfðinu á mér notaði ég það sem hárgel. Jú eða hárkrem. Reyndist mér mjög vel, hárið lookaði og hársvörðurinn varð spikk span glansandi fínn – 

Logan jakkaföt – Blazer 19.990 kr, buxur 12.990 kr og skyrta 9.990 kr

Ég rölti yfirleitt alltaf inní Selected í Smáralind, ég hef alltaf fengið svo ótrúlega góða þjónustu og ég á tvö jakkaföt þaðan. Þau eru reyndar týnd, en það er önnur saga. Jakkafötin mín er tegundin Logan og mér finnst þau geggjuð. Glútussinn minn lookar og sillúettan alveg tip top. Í þetta skipti fann ég sömu jakkaföt í litnum Coffee Bean. Fáranlega fallegt. Ég var nálægt því að þrykkja flíkunum á borðið og þrusa kortinu í gegnum vélina. Selected hefur verið að koma sterkt inn varðandi þróun á sjálfbærni. Stór plús þar!

H&M Home – 1.495 kr

Jóla og kertapervert lýsir mér ágætlega. Svo þetta kerti er bara eins og klímax fyrir mig. Ég mæli með að allavega stela einu sniffi ef þið eruð nálægt H&M Home. Þessu kerti bombaði ég í innkaupakörfuna og núna lyktar heimilið mitt eins og jólastormur hafi skollið á húsið. Unaður.

H&M Home – Hör gardínur 11.995 kr

Ég komst eiginlega ekki hjá því að mæla með nákvæmlega því sem ég fjárfesti í þegar ég flutti fyrir nokkrum vikum. Þessar hör gardínur eru svo fáranlega fallegar, og detailarnir uppi finnst mér líka mjög sætir. Þennan vasa á ég líka og svo almennt meiri jólagleði. Því jólin er’að KOOOOMA Í .. ókei fljótlega!

Hagkaup Dior Eu De Parfum – Sauvage – 15.399 kr

Ilmvatnið mitt unaðslega. Heitur sandalviður, sætar tonka baunir og krydduð mandarínur. Sexy í flösku! 

Söstrene Grene – Bambus ljós – 3890 kr

Á meðan ég er að safna mér fyrir draumaljósinu mínu þá þurfti ég eitthvað einfalt, hlýlegt og fallegt. Það fann ég í Söstrene Grene. Eftir að ég hengdi það upp þarf ég endilega ekkert að skipta. Frábær lýsingin, einfalt og fáranlega fallegt!

Hagkaup – verð frá 1.689 kr

BioEffect, enough said!

Gallerí 17 – 8.995 kr

Svo eru það nauðsynlegu og praktísku kaupin

Galleri 17 – 31.995 kr

Ég er með ágerandi pervertískar tilfinningar til Carhartt, eftir að ég keypti mér tvennar buxur frá þeim finnst mér góðar líkur að ég haldi mér bara á Carhartt vagninum. Galleri 17 í Smáralind er með fáranlega veglegt úrval – 

Galleri 17 – 19.995 kr

Ég elska danska merkið Libertine Libertine og ég hreinlega vissi ekki að þau væru með það í Galleri 17, og alveg ótrúlega fallegar flíkur í þokkabót í boði –

Weleda verð frá 1.549 kr – 

Ég á alveg ótrúlega góða reynslu af Weleda, innihaldið er hreint og þetta svínvirkar allt saman.

Levi’s buxur – 14.990 kr

Ég er búinn að vera í gallabuxna mission-i síðan ég kom til landsins fyrir tveimur mánuðum. Ég mátaði 502 Taper týpuna og þær eru komnar á jólaóskalistann. Ég mætti þegar stutt var í lokun svo ég þarf að koma tilbaka og máta hinar týpurnar sem afgreiðslustúlkan mælti með. 

Ég vona að þið hafið haft ánægju af þessum litla verslunarleiðangri mínum. Ég mæli svo sannarlega með að henda podcasti í eyrun og svo rölta um verslanir, skoða og spá. Ég hlakka næstum til að fara aftur.

Eigið yndislegan dag allir saman –

x

Helgi Ómarsson

@helgiomarsson

Þessi færsla er í samstarfi við 66°Norður

Í dag 21. október er gleðidagur fyrir afsláttarperra og 66°Norður unnendur eins og sjálfan mig því lagersalan hefst í vefverslun með fáranlega mikið af demöntum og hægt að gera alveg ótrúleg kaup. Ég hef síðustu ár verið duglegur að mæta og helst fyrstur því það er magnað hvað hægt er að finna á miklum afslætti. Vegna ástandsins í samfélaginu þá lagersalan á netinu, sem er klárlega skynsamast. Að standa í búð káfandi á flíkum, mátandi, gaspandi og allt þetta. Þið vitið. Þessi covid veira smitast nánast með augnsambandi. Nojan er alvöru.

Allavega – ég fékk að stelast inní markaðinn til að sýna ykkur nokkra spikfeita demanta sem ég fann, afslættirnir eru gríðarlega gjafmildir í þetta skiptið finnst mér svo jólin komu snemma og jólagjafirnar gætu verið keyptar snemma líka, ég keypti fjórar!

Förum yfir þetta –

Heimaklettur – Byrjum á jakkanum sem ég tel vera einn af svona top pick. Glöggir taka eftir rennilásnum á miðjum jakkanum. Flott detail mundi ég segja –

.. en nei þetta er þokkalega einn af top picks, þetta er svo mikil gæðaflík og fúnktíonal og afslátturinn er bomba. B-o-b-a og allt það.

.. enda fékk hann mikla athygli hjá mér og rennilásinn kominn á sinn stað :-)

Hólar, hef skrifað það áður á Trendnetið en þetta er einn besti jakki sem hægt er að kaupa. Mesta svona hitastigsjafnandi flík í heimi. Mikið úrval af þessari!

Þessi jakki er æðislegur, hef meira segja aldrei séð hann. Ég á aðra útgáfu sem er svona flashy og dökkur litur – liturinn fannst mér sérstaklega flottur.

hendum okkur svo inn og förum yfir fleiri flíkur!

Vesti –

Þetta vesti! 8.800 krónur I kid – you – not

Þessi hefur lengi verið á óskalistanum, klink og kanill á lagerútsölunni –

Soulland flíkur eru meira segja enn hægt að finna, hvernig veit ég ekki –

Elskaði þessa línu svo harkalega –

Þokkalega ein af top picks, eins og Hólar en með vasa og aðeins öðruvísi efni. Man því miður ekki hvað hún heitir, en damn son

Ótrúlega mikið úrval af hettupeysum og bolum –

Hér er peysa sem ég hélt ég hefði misst af – en þetta er kvennasnið, en alveg geggjuð –

Þessi fallega ullarskyrta –

Þessi er semi glæný, ég er búinn að eiga þessa í gulu síðan í sumar og er vægast sagt ofnotuð –

Euroman jakkinn – þessi vakti mikla athygli í Köben þegar 66 mætti þangað. Hinn fullkomni “under-layer” eða bara einn og sér –

Þetta er held ég ein af uppáhalds flíkum sem ég fann – ég hef meira segja ekki séð hana áður. Og mun finna útúr því hvað hún heitir. Set það á Instagramið @helgiomarsson –

Þessar til í báðum litunum, elska þessa flík –

HAPPY SHOPPING!

HAPPY SHOPPING KVK

@helgiomarsson á Instagraminu – 

Þessi færsla á svosem bara að vera einföld og svona hnitmiðin. Það er sláandi staðreynd að á ári hverju greinast um það bil 800 konur á Íslandi með krabbamein og 300 af þeim konum tapa baráttunni. Bara sú staðreynd gjörsamlega snýr maganum á mér á hvolf. Ég get ekki lýst því hversu hræddur ég er við krabbamein. Ég held ég hafi verið með krónískan kvíða yfir þessu frá því ég var krakki. Ég hef einu sinni sjálfur lent í krabbameinshræðsluatviki, þá fékk ég hnút á hægra eða vinstra eistað og ég man bara eftir því að ég gjörsamlega fór í klessu. Það kom blessunarlega í ljós að þetta var ekki krabbamein heldur einhver bláæðahnútur sem fór af sjálfum sér.

Svo ég bið bara þá sem eru að lesa, aldrei missa af brjósta tjékki, nuddið bjóst reglulega og tékkið punginn og eistun í sturtu vel og áreiðanlega. Ef þið finnið fyrir einhverju, ekki hika, bara beint til læknis.

Fyrir þá sem hafa misst nákominn af krabbameini, hugur minn er hjá ykkur alltaf og hjálpumst að –

Hér er hægt að kaupa bleiku slaufuna hjá Krabbameinsfélaginu – 

@helgiomarsson