Guðrún Sørtveit

VILT ÞÚ VINNA BECCA ICONICS?

Það er alltaf gaman að gefa og þá sérstaklega eitthvað sem er í miklu uppáhaldi hjá mér. Ég er stundum með gjafaleiki á instagram og gef bara eitthvað sem ég held mikið uppá. Mig langaði svo að deila með ykkur gjafaleiknum sem ég er með í samstarfi við Becca Costmetics á instagraminu mínu og segja ykkur betur frá vörunum í leiðinni.

Þessar vörur eru svokallaðar “Becca Iconics” en það er vegna þess að þetta eru eitt af vinsælustu vörunum frá Becca Cosmetics. Ég gleymdi samt að taka mynd af tveimur vörum sem eru líka í gjafaleiknum en mun segja ykkur einnig frá þeim hér að neðan.

Ég mæli með að kíkja á færslu sem ég gerði þegar Becca Cosmetics var á leiðinni til Íslands en þetta merki er eitt af mínum uppáhalds og held ég mikið uppá það. Þið getið lesið færsluna hér. Þar getið þið lesið betur um merkið og þess háttar. Þetta eru allt vörur sem ég á og er búin að nota í svolítinn tíma. Það sem ég elska mest við Becca er að þau leggja mikla áherslu á ljóma, allt er frekar áreynslulaust og náttúrulegt.

 

FIRST LIGHT PRIMING FILTER

Þetta er farðagrunnur sem birtir yfirborð húðarinnar og gefur húðinni fallegan ljóma. Það er ótrúlegt hvað þetta gerir mikið fyrir mann og ég sé alltaf sjáanlegan mun eftir að ég er búin að setja þennan grunn á mig.

 

UNDER EYE BRIGHTENING CORRECTOR

 

Þessi vara litaleiðréttir undir augun, tekur í burtu dökka bauga og birtir augnsvæðið. Þetta er því algjör baugabani og snilld að nota fyrir hyljara eða einan og sér. Það þarf mjög lítið í einu og endist þetta því mjög lengi, æðisleg vara sem gott er að hafa í snyrtibuddunni!

 

SHIMMERING SKIN PERFECTOR PRESSED HIGHLIGHTER

 

Ég held að Becca Cosmetics sé þekktast fyrir ljómapúðrin sín. Það sem einkennir ljómapúðrin frá Becca er að þau gefa svo fallegan ljóma og húðin verður náttúrulega ljómandi. Þetta er einsog kremaður highlighter á húðinni en er samt púður. Þetta er einn af mínum uppáhalds highlighterum.

 

 

GRADIENT SUNLIT BRONZER

 

Þessi bronzer er æðislegur, hann hlýjar húðina fallega og gefur henni ljóma. Þetta er líka fullkomið fyrir þá sem vilja kannski ekki setja á sig highlighter en vilja samt smá ljóma. Það eru engin glimmerkorn eða slíkt heldur gefur þetta húðinni náttúrulegan ljóma.

 

GLOW GLOSS

Glow glossin frá Becca gefa vörunum fallegan ljóma og eru fullkomin yfir varaliti eða ein og sér. Ég er mikið fyrir gloss og alltaf með allavega eitt gloss í hverjum vasa. Liturinn sem er í gjafaleiknum er Snapdragon, fallegur bleikur litur með gyllingu.

 

Þetta er ekkert smá flottur vinningur og það eru tveir sem vinna! Þannig ég hvet ykkur til að taka þátt og aldrei að vita nema ég verði með annan gjafaleik bráðlega á instagram. Það er svo gaman að fá að gefa vörur sem eru í miklu uppáhaldi hjá mér xx

Þið finnið gjafaleikinn á instagraminu (@gudrunsortveit) mínu hér

Takk fyrir að lesa xx 

– Guðrún Helga Sørtveit 

Instagram: gudrunsortveit

LJÓMANDI AUGNSVÆÐI

FÖRÐUNSNYRTIVÖRUR

Með því skemmtilegra sem ég geri er að prófa nýjar snyrtivörur og þá sérstaklega ef einhver annar mælir með þeim. Vinkona mín sagði mér frá púðri sem er í miklu uppáhaldi hjá henni. Ég var ekki lengi að fara og kaupa það eftir mjög góð meðmæli frá henni. Púðrið er frá Nyx Professional Makeup og heitir High Definiton Finishing Powder í litnum Banana. Mér finnst ég ekki geta sleppt því að nota það eftir að ég er búin að setja hyljara undir augun.

*Vöruna keypti greinahöfundur sjálf

Þetta púður á einungis að nota undir augun og á þau svæði sem maður vill birta. Púðrið er með gulan undirtón sem gerir það að verkum að það birtir vel undir augun. Það setur punktinn yfir i-ið að setja þetta á eftir að maður er búin að setja hyljara. Það helst allt miklu lengur yfir daginn og birtir svo fallega undir augunum. Setningin “less is more” gildir algjörlega um þessa vöru og þarf alls ekki mikið af henni.

Það eru til nokkrir litir af þessu púðri og verður maður að finna hvaða litur hentar sér. Ég get bara notað litinn Banana ef ég er með brúnkukrem en annars myndi ég taka ljósari lit.

Svona fer ég að:

Skref 1 – Byrja á því að setja hyljara undir augun og blanda vel.

Skref 2 – Tek smá púður í bursta og leggja púðrið á hyljarann.

Ótrúlega einfalt en gerir heil mikið fyrir heildarförðunina!

Púðrið fæst í Hagkaup Kringlunni og Hagkaup Smáralind

Myndirnar eru óbreyttar og þið sjáið vonandi hvað þetta birtir vel undir augunum

 

Takk fyrir að lesa xx 

– Guðrún Helga Sørtveit 

Instagram: gudrunsortveit

SKÓLADAGAR Í SMÁRALIND

LÍFIÐSNYRTIVÖRURTÍSKA

Núna er skólinn að fara byrja, rútínan og skipulagið. Ég fer oft í mikin skipulagsgír á haustin og “vakna” aftur eftir sumarið. Ég kíkti í Smáralindina í gær á skóladaga og var með Smáralindar snappið (snapchat: smaralind), þar sýndi ég ýmislegt sniðugt fyrir komandi skólaár. Á snappinu fór ég yfir föt, bækur, snyrtivörur og annað sem henta fyrir skólann eða vinnuna. Það er ótrúlega gott úrval í Smáralindinni og hægt er að finna allt fyrir skólann. Það er alltaf jafn mikil stemning og peppandi að skoða nýju haustvörurnar fyrir komandi skólaár.

Ég kíkti í nokkrar verslanir en gleymdi að taka myndir af öllum. Þið getið séð hérna í myndum brot af þeim verslunum sem ég heimsótti. Það er endalaust úrval og mikið hægt að skoða!

*Samstarf

Gullfallegu skórnir sem ég keypti mér úr Kaupfélaginu í þessari verslunarferð fyrir veturinn 

Falleg peysa úr ZARA

Jakki úr ZARA

Fallegt veski úr ZARA

Vinkona mín algjör skvís í fullkomnri skólaskyrtu úr ZARA

Ég er komin með æði fyrir stórum eyrnalokkum!

Ég mæli með að næla sér í frítt eintak af verslunarhandbók Glamours 

Snyrtivörudeildin í Hagkaup Smáralind er einstaklega björt og falleg. Ég mæli með þessu BB kremi fyrir létta og fallega áferð. Fullkomið fyrir skólann!

Uppáhalds maskarinn minn!

Ein mjög sátt með kaup ferðarinnar og tilbúin fyrir komandi skólaár!

Takk fyrir að lesa xx 

– Guðrún Helga Sørtveit 

Instagram: gudrunsortveit

5 GÓÐ RÁÐ TIL ÞESS AÐ LOSNA VIÐ BÓLUR

GÓÐ RÁÐHÚÐRÚTÍNA

Mig langaði að deila með ykkur mínum ráðum þegar kemur að bólum eða vandamálahúð. Ég ætla samt að taka það strax fram að ég er ekki snyrtifræðingur eða húðsjúkdómalæknir. Húðumhirða er mjög mikið áhugamál hjá mér og hef ég lært ýmislegt í gegnum árin. Þetta eru nokkur atriði sem gott er að hafa í huga ef maður er að glíma við bólur en ég mæli þó alltaf með að fara til snyrtifræðings eða húðsjúkdómalæknis.

Bólur eða vandamálahúð getur komið af svo mörgum ástæðum og oft engin ein rétt skýring. Það eru allir mismunandi og eitthvað sem virkar fyrir mig, getur kannski ekki virkað fyrir þig. Það sakar þó ekki að prófa þessi ráð ef maður er fá skyndilega bólur eða slíkt. Ég hef þó verið mjög heppin með húð en hugsa líka mjög vel um hana. Einu sinni fékk ég slæm útbrot/bólur og leið svakalega illa þannig get varla ímynda mér hvernig er að ganga í gegnum þetta í mörg ár. Ég fæ samt að sjálfsögðu inná milli eina og eina bólu sem er eðlilegt.

1. Hreinsa húðina kvölds og morgna

Þetta er gríðalega mikilvægt og einnig mjög mikilvægt að finna hvaða vörur henta sér. Ef þú er ekki viss hvernig húðtýpu þú ert með þá er gott að fara til snyrtifræðings.

Ég þríf húðina alltaf vel á kvöldin en á morgnana tek ég hreinan þvottapoka og renn yfir andlitið með vatni eða andlitsvatni. Ég mæli með að kíkja á færsluna mína sem ég gerði um húðumhirðu í einföldum skrefum hér.

2. Þrífa símann reglulega

Já þetta er eitthvað sem uppgötvaði á seinasta ári. Ég var alltaf að fá bólur öðru megin á kinnina eða þar sem ég talaði alltaf í símann. Ég skildi ekkert í þessu.. en síðan var eins og einhver kveikti á peru, ég fór strax og sótthreinsaði símann minn! Núna reyni ég að gera það reglulega.. ef þið pælið í því þá er síminn manns allsstaðar og fer síðan beint á andlitið.

3. Hætta að vera með hendurnar í andlitinu

Þetta er eiginlega það sama og með símann en margir eru oft að fikta í andlitinu á sér með fingrunum ómeðvitað. Hendurnar eru miklir sýklaberar og geta oft valdið bólum.

4. Skipta á rúmföt reglulega

Þetta hljómar kannski mjög “basic” en þetta getur oft verið að valda bólum eða útbrotum.

5. Nota maska og drekka mikið af vatni

Góður hreinsimaski getur gert ótrúlegustu hluti en það verður að viðhalda því. Það er ekki nóg að setja á sig maska einu sinni og hugsa aldrei um húðina sína. Ég sá ótrúlega mikin mun á húðinni minni eftir að ég byrjaði að nota hreinsimaska einu sinni í viku samhliða húðrútínu og rakamaska. Síðan að drekka nóg af vatni getur gert ótrúlegustu hluti!

Ég vona svo innilega að þessi ráð hjálpi einhverjum!

Takk fyrir að lesa xx 

– Guðrún Helga Sørtveit 

Instagram: gudrunsortveit

VOUGE, SEPTEMBER 2018: BEYONCÉ

BODY POSITIVITYLÍFIÐ

Ég má til með að segja ykkur frá því að Beyoncé verður á forsíðu Vogue í september. Það hefur líklegast ekki farið framhjá ykkur eftir Berlínar færsluna mína, þar sem ég sá hana spila í fyrsta skipti (loksins!), að ég held mikið uppá þessa konu. Mér finnst hún vera svo framúrskarandi listamaður og æðislegt að fylgjast með henni.

Vogue er eitt flottasta tímarit í heiminum og september tímaritið þeirra eitt það mikilvægasta. Í blaðinu má finna gullfallegar myndir af Beyoncé sem teknar af Tyler Mitchell sem er aðeins 23 ára gamall. Þetta er í fyrsta skipti sem African American tekur mynd fyrir forsíðu Vogue. Það má einnig finna áhrifaríkt viðtal við Beyoncé, þar sem hún talar um lífið sitt, líkama sinn og uppruna sinn.

Viðtalið er magnað en þar talar hún meðal annars um hvernig líkaminn hennar hefur breyst eftir barnsburð og pressuna frá samfélaginu um að líkaminn eigi að vera kominn í topp stand þrjá mánuði eftir fæðingu. Hún talar einnig um uppruna sinn og segir frá því þegar hún var að stíga sín fyrstu skref í bransanum. Á þeim tíma hefði aldrei komið til greina að svört kona yrði á forsíðu tímarits, því það myndi ekki seljast. Sem manni finnst fáránlegt og skrítið að hugsa til þess að það sé ekki lengra síðan. Í dag, 2018 er ekki bara African American kona á forsíðu Vogue heldur einnig ljósmyndarinn.

Það gladdi mig einnig mikið þegar hún minnist á OTR II tónleikaferðalagið sitt og Jay Z. Hún man þá sérstaklega eftir tónleikunum sínum í Berlín á Olympiastadion. Hún segir í viðtalinu að þessir tónleikar standi uppúr vegna þess að þessi staður var eitt sinn þekktur fyrir stuðla að hatri, rasisma og sundurleika. Beyoncé segir að þegar hún og Jay Z tóku lokalagið þeirra sáu þau alla brosa, haldast í hendur, kyssast og allir fullir af ást. Ég var ein af þessu fólki, man eftir lokalaginu og fékk gæsahúð þegar ég las þetta. Þau voru svo þakklát og voru endlaust að segja takk eftir lagið sem sýnir hvað þau eru auðmjúk.

Myndirnar eru ótrúlega flottar og mjög mikið í anda Beyoncé að mínu mati. Förðunin látlaus og dregur fram það besta – Love it!

Vá hvað ég er spennt að fá þetta blað í hendurnar. Hún er svo sannarlega ein flottasta kona í heiminum – staðfest!

Takk fyrir að lesa xx 

– Guðrún Helga Sørtveit 

Instagram: gudrunsortveit

DRAUMUR Í DÓS

HÚÐRÚTÍNA

.. eða meira svona draumur í krukku. Mig langar að segja ykkur frá æðislegri tvennu sem ég er búin að vera nota mikið uppá síðkastið. Þetta er næturmaski og augnmaski úr Drops of Youth línunni frá The Body Shop. Þessar vörur er ætlaðar húð sem farin er að sýna sín fyrstu merki um öldrun og er því virkni í þeim. Drops of Youth línan er ætluð 25+, ég er 24 ára og húðin mín er ekki byrjuð að sýna merki um öldrun en það er þó alltaf gott að fyrirbyggja og þessar vörur gefa góða næringu. Áferðin á þessum vörum er ótrúlega en hún minnir mig helst á slím, hljómar mjög skringilega en þær eru yndislegar á húðinni.

*Samstarf

DROPS OF YOUTH BOUNCY MASK

Maskinn er ótrúlega frískandi, kælandi og skilur húðina eftir mjúka. Áferðin líkist slími og er mjög þétt. Ég set þykkt lag yfir húðina áður en ég fer að sofa og vakna endurnærð daginn eftir. Það er einnig hægt að nota þennan maska sem rakamaska á kvöldin.

DROPS OF YOUTH BOUNCY EYE MASK

Ég hafði aldrei heyrt um augnmaska og var því mjög spennt að prófa þennan. Augnsvæðið er mjög viðkvæmt og því mæli ég alltaf með að nota vörur sem eru sérstaklega ætlaðar augnsvæðinu. Þessi augnmaski kælir húðina allt að  -1.5°C sem dregur þar að leiðandi úr þroti og þreytu. Hann gefur góðan raka og mér finnst vera sjáanlegur munur fyrir og eftir.

Ég er orðin alveg háð þessum maska og nota hann óspart! Ég nota þetta ýmist sem augnkrem til þess að fá mikinn raka eða sem maska. Það er líka æðislegt að nota þetta áður en maður farðar sig og því fullkomið til þess að undirbúa sig fyrir sérstök tilefni.

Vörurnar eru í einstaklega veglegum pakkningum og eru svo djúsí!

Takk fyrir að lesa xx 

– Guðrún Helga Sørtveit 

Instagram: gudrunsortveit

MY LETRA

TÍSKA

Fylgihluturinn sem er búinn að vera í miklu uppáhaldi hjá mér og vinkonunum mínum eru stafahálsmenin frá My Letra. My Letra Store er nýleg netverlun og selur gullfallega skartgripi. Ég er búin að vera fastakúnni hjá þeim í allt sumar en það má segja að þetta sé búið að vera afmælisgjöfin í ár hjá okkur vinkonunum. Það besta við My Letra er að það er hægt að fá íslenska stafi sem ég hef aldrei séð áður. Þannig vinkonur mínar sem eiga íslenska stafi voru einstaklega ánægðar með hálsmenin. Stafahálsmenin koma í tveimur stærðum annars vegar lágstafir á stórri plötu og hástafir á lítilli plötu. Það er mjög gaman að blanda saman stöfum og stærðum. Ég er með g og S, annað hvort saman á keðju eða á sitthvorri keðjunni. Þetta er ótrúlega einfalt, fallegt og passar við allt að mínu mati!

 

Ég er búin að vera svo ánægð með hálsmenin mín að mig langaði að vera með gjafaleik og gefa þessi fallegu hálsmen. Í samstarfi við My Letra Store er ég með gjafaleik á instagraminu mínu og ég dreg úr leiknum eftir helgina. Ég ætla gefa 5-10 vinkonum/vinum stafahálsmen. Þannig allur vinahópurinn getur verið eins xx

Ég mæli með að kíkja á þessa flottu síðu og fylgja þeim á instagram

www.myletra.is

@myletra

Takk fyrir að lesa xx 

– Guðrún Helga Sørtveit 

Instagram: gudrunsortveit

BEAUTY BEYOND SIZE

BODY POSITIVITY

Ég hef lengi ætlað að segja ykkur frá einni konu sem ég lít mikið upp til. Hún kom einnig til landsins í dag, þannig ég held að það sé tilvalið að segja ykkur frá henni. Ashley Graham er fyrirsæta og ofurbomba. Hún er þekkt fyrir líkamann sinn og fyrir að vera “óhefbundin” fyrirsæta. Hún er í yfirstærð og hefur lengi verið að vekja athygli á því að konur geti verið í öllum stærðum og gerðum. Mottó Ashley er “Beauty beyond size”, sem mér finnst æðislegt og hefur svo fallega merkingu. Það eru allir flottir í sínum líkama og allir líkamar eru mismunandi, einsog þeir eru margir. Það er líka einstaklega jákvætt að sjá að hún breytir myndunum sínum ekki á samfélagsmiðlum.

Þegar ég byrjaði að fylgjast með Ashley varð ég strax mjög hrifin af henni. Ashley sýnir margt sem var og er tabú á samfélagsmiðlum. Ég varð samt sem áður ástfangin af henni þegar ég sá myndina hér að ofan sem hún deildi á instagram, undir henni stóð “I workout. I do my best to eat well. I love the skin I’m in. And I’m not ashamed of a few lumps, bumps or cellulite.. and you shouldn’t be either”. Þessi mynd og þetta caption undir myndinni finnst mér alveg magnað. Það er ótrúlegt hvað ein mynd getur haft mikil áhrif á mann. Þarna er gullfalleg kona sem er með sjálfstraust uppá tíu og elskar líkamann sinn. Það er eitthvað sem mig langar að tileinka mér og hvet alla til þess að gera það líka.

Ég mæli svo sannarlega með að fylgja henni á instagram – @ashleygraham

Takk fyrir að lesa xx 

– Guðrún Helga Sørtveit 

Instagram: gudrunsortveit

TO BUY OR NOT TO BUY: KKW BEAUTY

SNYRTIVÖRUR

Ég pantaði mér um daginn nýjung frá KKW Beauty. Fyrir ykkur sem vitið það ekki þá er þetta snyrtivörumerki í eigu Kim Kardashian West. Kim hefur lengi verið þekkt fyrir að vera ljós undir augunum og má segja að það sé hennar einkennandi “look”. KKW Beauty gaf nýlega út vörusett sem á að innihalda allar þær vörur sem þú þarft til þess að ná fram þessu fræga look-i.

*Greinahöfundur keypti vörurnar sjálf

Pakkningarnar fá strax 10/10 en mér finnst þær ótrúlega fallegar og einfaldar.

Settið inniheldur þrjár mismuandi vörur, sem er hyljari, laust púður og púður til þess að birta. Ég var mjög forvitin að prófa þessa aðferð. Ég nota oftast bara hyljara og púðra síðan yfir. Í settinu fylgir einnig mynd sem sýnir á mjög einfaldan hátt hugmynd um hvernig hægt sé að nota vörurnar.

Fyrsta skrefið er að hylja, því næst “baka” og síðan setja púður til þess að birta. Mér persónulega þætti það alveg nóg að nota annaðhvort lausa púðrið eða púðrið til þess að birta. Ég myndi fara varlega í að púðra svona mikið undir augunum en augnsvæðið gæti orðið mjög þurrt og fínar línur sjást greinilega. Vörurnar eru samt æðislegar og ég mun klárlega halda áfram að nota þær. Hyljarinn er ótrúlega kremaður og þekur vel. Púðrin eru líka mjög góð og gefa húðinni fallega áferð.

Ég er alltaf mjög spennt fyrir vörunum sem hún er gefa út og allar mjög flottar. Það eru gæði í þessum vörum en mér finnst maður samt sem áður ekki þurfa öll þessi skref til þess að skapa þessa birtu undir augunum. Hvað finnst ykkur? Þið megið endilega segja mér xx

Takk fyrir að lesa xx 

– Guðrún Helga Sørtveit 

Instagram: gudrunsortveit

5 GÓÐ RÁÐ FYRIR HVÍTARI TENNUR

DEKURHÚÐRÚTÍNA

Mig langaði að deila með ykkur hvað ég geri til þess að halda tönnunum mínum hvítum og heilbrigðum. Ég passa rosalega vel uppá tennurnar mínar og hef gert síðan ég var lítil. Mamma og pabbi voru alltaf að “nöldra” í mér um að ég þyrfti að vera dugleg að tannbursta mig, nota tannþráð og flúor. Þetta fannst mér einu sinni ótrúlega þreytandi en vá hvað ég er þakklát í dag.

Ég ætla deila með ykkur hvað ég geri til þess að halda þeim hvítum. Þetta er kannski mjög basic en ég ætla einnig að sýna ykkur mínar uppáhalds vörur þegar kemur að tannumhirðu.

*Færslan er ekki kostuð

Mín ráð eru að:

1. Tannbursta kvölds og morgna með góðu hvítunartannkremi

Þetta er kannski mjög basic en nauðsynlegt. Ég reyni líka oftast að nota hvítunartannkrem en mér finnst það oft virka mjög vel. Hérna eru tannkremin sem ég mæli með.

Crest fæst því miður ekki á Íslandi en ég mæli með að kaupa þetta þegar þið eruð næst í USA eða blikka einhverja flugfreyju!

Þetta tannkrem fæst hinsvegar hérna á Íslandi og líka mjög gott

 

2. Nota munnskol

Ég nota flúor alltaf á kvöldin og finnst það ómissandi. Þetta hreinsar tennurnar ótrúlega vel og mér finnst þær alltaf verða extra hvítar eftir á. Ég kaupi yfirleitt bara eitthvað munnskol og kaupi stundum eitthvað sem á að gera tennurnar hvítari.

3. Nota tannþráð

Þetta er svo mikilvægt, um leið og þetta er komið í rútínu þá getur maður ekki sleppt þessu.

4. Nota hvítunar skinnur á 6 mánaða fresti eða oftar

Þetta er kannski það helsta sem maður getur gert til þess að hvíta tennurnar og sjá árangur á skömmum tíma. Ég geri þetta kannski á 6 mánaða fresti. Ég er búin að prófa nokkrar hvítunar skinnur og mér finnst þessar bestar.

5. Forðast litaða drykki

Það sem getur litað tennurnar eru til dæmis gosdrykkir, safar, rauðvín og kaffi. Ég drekk ekki gos, bara sóda vatn og drekk eiginlega aldrei djús. Hinsvegar drekk mikið af kaffi en ég næ að koma í veg fyrir að það liti tennurnar með því að hugsa vel um þær á hverjum degi.

Takk fyrir að lesa xx 

– Guðrún Helga Sørtveit 

Instagram: gudrunsortveit